قازاقستان • 01 قاڭتار, 2018
تورتكۇل دۇنيەگە توراعالىق ەتەتىن جىل
قازاقستان 2017-2018 جىلدارعا بىرىككەن ۇلتتار ۇيىمىنىڭ قاۋىپسىزدىك كەڭەسىنە (بۇۇ قك) تۇراقتى ەمەس مۇشە بولىپ سايلانعانى بەلگىلى. بەدەلدى ۇيىم قۇرامىنداعى ءبىر جىلىمىز تابىستى اياقتالدى. 2018 جىلدى اتالعان كەڭەسكە توراعالىق ەتۋمەن باستاپ وتىرمىز. وسىعان بايلانىستى قازاقستاننىڭ بۇۇ جانىنداعى تۇراقتى وكىلى قايرات وماروۆپەن اڭگىمەلەسكەن ەدىك.
قازاقستان • 01 قاڭتار, 2018
ساپار احمەتوۆ, پارلامەنت ءماجىلىسىنىڭ دەپۋتاتى: دەربەس بيۋدجەتتىڭ اۋىلعا بەرەرى مول
قازاقستان • 01 قاڭتار, 2018
مىنە, ءبىز بۇگىن قاسيەتتى قازاق ەلىنىڭ ابىرويىن اسقاقتاتىپ, مەرەيىن اسىرعان تاۋەلسىزدىك ءداۋىرىنىڭ تاريحي وقيعالارعا تولى تاعى ءبىر جىلىن اياقتاپ, كۇنتىزبەلىك 2018 جىلدىڭ العاشقى پاراعىن اشتىق. وتكەن جىلعا وكپەمىز جوق, كەلگەن جىلدان ءۇمىتىمىز كوپ! سوندىقتان جاڭا جىلدىڭ جاڭا كۇنىمەن بىرگە قولدارىڭىزعا تيگەن سۇيىكتى گازەتتەرىڭىز «ەگەمەن قازاقستاننىڭ» العاشقى سانى ارقىلى وزدەرىڭىزگە از-كەم ءسوز ارناۋدى ءجون كوردىك.
ىقىلىمنان كەلە جاتقان ىنساپ دەگەن ۇعىم-تۇسىنىك بار. بىلە بىلگەنگە ىنساپتىڭ ماعىناسى وتە تەرەڭ. ءاربىر ىزگىلىكتى ءھام يماندى ادامنىڭ ومىرلىك مۇراتىنىڭ, ادامشىلىق قاعيداسىنىڭ التىن ارقاۋى وسى ىنساپ دەپ بىلگەنىمىز ابزال. اتا قازاق: «ىنساپسىزدا ۇيات بولمايدى» دەپ بەكەر ايتپاعان. حاكىم اباي: «ىنساپ, ۇيات, تەرەڭ وي – اقىل, زەينەت, ءبىلىپ قوي» دەپ قايىرعان. ولاي بولسا, ادام بويىنداعى ەڭ اسىل قاسيەتتەردىڭ قاتارىندا دا وسى ىنساپ, ىنساپتىلىق تۇرماق.
اناۋ عاسىردىڭ باسىندا ناعىز ۇلت جازۋشىسى, بەيىمبەت مايلين «گۇلدەنسە اۋىل – گۇلدەنەمىز ءبارىمىز, اۋىل دەنە, ءبىز – قوزعاتار جانىمىز. كەل, ەڭبەكشى, قول ۇستاسىپ ءبىر تۋعا, جينالايىق قالماي جاسى, كارىمىز!», دەپ اۋىلدى كوركەيتۋگە ەلدى شاقىرعانى الدىڭعى تولقىننىڭ ەسىندە بولسا كەرەك. سول ۇلگى قازىر دە كۇن تارتىبىنە شىقتى.
