ساياسات • 24 قىركۇيەك, 2019
نيۋ-يوركتە بۇۇ باس اسسامبلەياسىنىڭ 74-سەسسياسى اشىلدى. بەدەلى بيىك ۇيىمنىڭ ءۇش كۇنگە, ياعني 23-25 قىركۇيەك كۇندەرى ارالىعىنا جوسپارلانعان سەسسياسىنا قازاقستان پرەزيدەنتى قاسىم-جومارت توقاەۆ قاتىسىپ, بايانداما جاسايدى دەپ كۇتىلۋدە.
قوعام • 24 قىركۇيەك, 2019
عىلىم كانديداتى PhD-ءدى قايتا وقۋى كەرەك پە؟
رەداكتسيامىزعا ءبىر وقىرمانىمىز حابارلاسىپ, عىلىم سالاسىنداعى وزەكتى ماسەلەنى كوتەردى. ول قازاقستاندا العان عىلىم كانديداتى اتاعىمەن شەتەلدە جۇمىس ىستەمەك كورىنەدى. الايدا شەتەلدىك جوعارى وقۋ ورنى باسشىلىعى PhD ديپلوم سۇراتىپتى. ال ەلىمىزدە PhD دارەجەسى عىلىم كانديداتى اتاعىمەن تەڭەستىرىلگەن ەدى. ەكى قۇجات تا ءبىر دەڭگەيدە بولسا, نەلىكتەن جۇمىسقا ورنالاسۋعا جارامايدى؟
رۋحانيات • 24 قىركۇيەك, 2019
لاتىن الىپبيىنە قاتىستى سەمينار ءوتتى
«رۋحاني جاڭعىرۋ» باعدارلاماسىن جۇزەگە اسىرۋ ماقساتىندا الماتى قالاسى تىلدەردى دامىتۋ جانە لاتىن گرافيكاسىنا كوشۋ ورتالىعىنىڭ جەتەكشىلىگىمەن قازاق ءتىلى ءالىپبيىن لاتىن گرافيكاسىنا 2025 جىلعا دەيىن كەزەڭ-كەزەڭىمەن كوشىرۋ جونىندەگى ءىس-شارالار جوسپارىنا سايكەس قازاق ۇلتتىق قىزدار پەداگوگيكالىق ۋنيۆەرسيتەتىندە «جاڭا لاتىن ءالىپبيىن ەنگىزۋدىڭ عىلىمي جانە ۇيىمداستىرۋشىلىق ماسەلەلەرى» تاقىرىبىندا وتكەن سەمينار كەڭەستە جوعارى وقۋ ورىندارىندا, مەملەكەتتىك ورگانداردا ءتىلدى دامىتۋ ورتالىقتارىنىڭ ماماندارى وزەكتى ۇسىنىستارىمەن ءبولىستى.
رۋحانيات • 24 قىركۇيەك, 2019
قازاق حاندارى ۇستانعان بۇيىمدار قايدا؟
وسىدان 4 جىل بۇرىن, 2015 جىلى سول كەزدەگى سەنات دەپۋتاتى قۋانىش ايتاحانوۆتىڭ تۇركىستان قالاسىنان «حاندار مۇراجايىن» اشۋ تۋرالى ۇسىنىسى ۇكىمەتتىڭ نازارىنا ەندى جەتتى. بۇگىن تۇركىستان قالاسىنىڭ جوباسىندا حاندار مۇراجايىنا ورىن بار دەگەن حابار الدىق.
كينو • 24 قىركۇيەك, 2019
ءالميرا تۇرسىن: مەنىڭ ىشىمدە ءوز ءتوميريسىم ءومىر سۇرەدى
ءتۇبى ءبىر تۇركى جۇرتىنىڭ تۇتاستىعى جولىنا عۇمىرىن ارناپ, تاعدىرىن قيعان داڭقتى قولباسشىلار, جاۋجۇرەك باتىرلار تۇلعاسى تاريح ءۇشىن قاشاندا قاستەرلى. ۋاقىت-اعزام الاقانىندا الدەقاشان جازىلىپ قالعان اقيقات كەيىنگى ۇرپاققا عۇمىرلىق تاعىلىم دەسەك تە, سول دالا دانىشپاندارىن لايىقتى دەڭگەيدە ۇلىقتاي الىپ جاتىرمىز با؟! بۇعان ەلباسى نۇرسۇلتان نازارباەۆ تا « ۇلى دالانىڭ جەتى قىرى» باعدارلامالىق ماقالاسىندا ەرەكشە توقتالىپ: ء«بىزدىڭ داڭقتى باتىرلارىمىز, ويشىلدارىمىز بەن ەل بيلەۋشىلەرىمىز – تەك قازاقستان عانا ەمەس, سونداي-اق بۇكىل الەم بويىنشا ەلىكتەۋگە لايىقتى تۇلعالار» – دەپ, وسكەلەڭ ۇرپاقتىڭ تانىمىن تاعىلىمدى تاريحپەن سۋارىپ, پاتريوتتىق رۋحتا تاربيە الۋىنا, جاس وسكىندەر ساناسىنا ۇلت قاھارماندارىن ۇلگى تۇتۋ ءۇردىسىن قالىپتاستىرۋعا جول اشاتىن ساپالى فيلمدەر مەن ساحنالىق قويىلىمداردى جارىققا شىعارۋ جۇمىستارىنا بارىنشا نازار اۋدارۋ كەرەكتىگىن ايرىقشا اتاپ وتكەن بولاتىن. ۇسىنىس باياندى باستامالارعا ارقاۋ بولىپ, ۇلتتىق كينەماتوگرافيا بىرنەشە ساپالى كوركەم تۋىندىمەن تولىعىپ ۇلگەردى. سونىڭ ءبىرى – «توميريس» ءفيلمى. «توميريس» كينو تىلىندە سويلەيدى» دەگەن اقجولتاي حاباردى ەستىگەننەن باستاپ-اق پرەمەرا كۇنىن كوپشىلىك قاۋىم اسىعا كۇتتى. اسىرەسە باستى ءرولدى سومدايتىن اكتريسانىڭ تاڭدالۋى قىزۋ تالقىعا تۇسكەنى دە ۇمىتىلا قويعان جوق. قازاقستاندى بىلاي قويعاندا, اتاعى كۇللى تۇركىنى شارلاپ كەتكەن تۋىندى حالىقتىڭ ءتول تاريحىن تانۋعا دەگەن ىنتا-ىقىلاسىن ايگىلەپ بەردى. ساناۋلى كۇننەن كەيىن وتاندىق رەجيسسەر اقان ساتاەۆتىڭ كوركەم ساراپتاۋىندا كوپشىلىكپەن قاۋىشقالى وتىرعان كارتينادا باستى ءرولدى كينو الەمىندەگى جاڭا ەسىم – ءالميرا تۇرسىن سومدايدى. اتى اڭىزعا اينالعان ايگىلى ساق پاتشايىمىن ءوز بيىگىندە بەينەلەۋ جولىندا تەر توككەن اكتريسامەن فيلم تۇساۋكەسەرى الدىندا جولىعىپ, از-كەم وي ءبولىسۋدىڭ ءساتى تۇسكەن ەدى.
