مەديتسينا • 08 قىركۇيەك, 2017
ۋاقىت ىرعالىپ-جىرعالۋدى كوتەرمەيدى
قىسقى جىلىتۋ ماۋسىمىنا دايىندىق بارىسى تالقىلانعان اكىمدىكتىڭ وتىرىسىندا ورىن العان ولقىلىقتاردى شۇعىل تۇردە تۇزەتۋ تالاپتارى قويىلدى.
تاربيە • 08 قىركۇيەك, 2017
نياز سۇندەتاليەۆ – قاراعاندىداعى بەلسەندى جاستاردىڭ ءبىرى. ومىرگە دەگەن قۇلشىنىسى بار قايسار جىگىت ءوزىنىڭ ناۋقاستانعانىنا قاراماستان قوعام ومىرىنە قوماقتى ۇلەس قوسىپ كەلەدى. عالامتوردا جەكە بلوگىن جۇرگىزىپ, جەتىم بالالارعا قولداۋ كورسەتۋگە مۇرىندىق بولىپ ءجۇر. وسى جىلى دەنساۋلىق ساقتاۋ سالاسىنا قوسقان ۇلەسى ءۇشىن «التىن جۇرەك» ۇلتتىق سىيلىعىمەن ماراپاتتالدى.
مەديتسينا • 08 قىركۇيەك, 2017
قوعامدىق كولىككە كوڭىل تولماي تۇر
سەمەيدەگى اۆتوبۋستار قوزعالىسىنا تۇرعىنداردىڭ نارازىلىعى ەرەكشە. ايالادامادا جازدىڭ ىستىعى, قىستىڭ ايازىندا اۆتوبۋستاردى ساعاتتاپ توسۋعا تۋرا كەلەدى. ۋاقتىلى كەلەتىنى نەكەن-ساياق. ال سەنبى, جەكسەنبى نەمەسە مەرەكە كۇندەرى اۆتوبۋستاعىلار وزدەرىنە دەمالىس جاريالاپ العان. سالوندارداعى قارا شاڭ, وتىراتىن ورىندىقتىڭ ازدىعىنا ءوزارا ورىنعا تالاسىپ, توبەلەسەتىن جولاۋشىلار, سەبەبى اۆتوبۋس اۆتوبۋس ەمەس, مال تيەيتىن كولىك سياقتى, اقشا ءۇشىن ءبارىن تيەپ اكەتۋ كەرەك. سول ءۇشىن ماسەلەن, كەيبىر 20 ورىندىق اۆتوبۋستاردا قارتتارعا, اياعى اۋىر ايەلدەر مەن باسقا دا مۇگەدەك جاندارعا ارنالعان بەس-التى ورىندىق قالدىرعانى بولماسا, قالعانىن تۇبىرىمەن ج ۇلىپ الىپ تاستاعان. دىتتەگەن جەرىڭە 20-30 ايالداما بولسا دا, اياعىڭنان تىك تۇرىپ باراسىڭ. بىردەڭە دەپ ارىز-شاعىم ايتۋ مۇمكىن ەمەس, سەبەبى سەمەيدە ءار اۆتوبۋستىڭ ءوز قوجايىنى بار. ءار اۆتوبۋس جەكەنىڭ مەنشىگىندە. ءىرى ءجۇز شاقتى اۆتوبۋستىڭ باسىن بىرىكتىرەتىن اۆتوپارك يەلەرى ءوز الدىنا, جالعا الۋشىسى بار, باسقاسى بار, كىم كىمگە باستىق, كىم كىمگە جاۋاپ بەرەدى – ول جاعىن ۇعۋ وڭاي ەمەس, سوندىقتان دا ەشكىمگە ءسوزىڭ وتپەيدى.
ادەبيەت • 08 قىركۇيەك, 2017
«قىز جىبەك» جىرىن جاتقا جىرلايدى
دانيال اعام العاش كەزدەسكەنىمدە, ۇندەمەگەن ەدى. ىشىنە سىيماعان ەكەن. تاعى ءبىر جولىققانىمىزدا, – ءىنىم, سەن قالاي ويلايسىڭ, وسى بىزگە كەرەك پە؟ مۇنى تىڭدايتىن ورتا بار ما ءوزى قازىر؟ – دەپ قۇسالىعىن ءبىلدىردى. ءاپ-ساتتە ۇندەي الماسام دا, ءسوزىمدى: – نەگە كەرەك ەمەس؟ قاجەتتى دۇنيەنىڭ جۇگىن كوتەرىپ جۇرگەن سىزگە ءالى دە بولسا ريزاشىلىق بىلدىرەدى! – دەگەننەن ارىگە بارا المادىم. شىنى كەرەك, اعام ىشتەي جىلاپ تۇر ەدى. ءوزىنىڭ جىلاۋى ەمەس, قازاعىنىڭ ءبىر ونەرىنىڭ كەلمەسكە كەتكەنى مە, دەگەن وكسىكتى تانىپ ەدىم سوندا.
رۋحانيات • 08 قىركۇيەك, 2017
قايسار قالىپتى, دارا مىنەزدى جان
قازاق ەلىنىڭ بۇگىنگى, وتاندىق كاسىبي مۋزىكا ونەرىندە كومپوزيتور جولامان تۇرسىنباەۆ ويىپ ورىن الادى. ونىڭ دارىنىنان تۋعان شىعارماشىلىق مۇراسىنا قاراساق, ءبىرشاما تاماشا دۇنيەلەردى كورەمىز. ءوزىنىڭ زامانداس – ارىپتەستەرى تىلەس قاجىعاليەۆ, الماس سەركەباەۆ, سەيدوللا بايتەرەكوۆ, كەڭەس دۇيسەكەەۆ, تولەگەن مۇحامەدجانوۆ ساپىندا تۇرعان ول مۋزىكا-ساحنالىق, كانتاتا-وراتوريالىق, اسپاپتىق, كامەرالىق, بالالار مۋزىكاسى جانە ءان جانرلارىندا جەمىستى دە جەڭىستى ەڭبەك ەتىپ جۇرگەن كومپوزيتور. سونىمەن بىرگە, ونىڭ ەشكىمگە ۇقسامايتىن ايشىقتى شىعارماشىلىق مانەرى بار.
