ايماقتار • 16 قىركۇيەك, 2019
جاستارعا 5 جىلعا جالدامالى پاتەر بەرىلەدى
ەلباسى نۇرسۇلتان نازارباەۆ 23 قاڭتاردا وتكەن جاستار جىلىنىڭ اشىلۋ سالتاناتىندا: «جاس وتباسىلارعا ارنالعان باسپانا ماسەلەسى ءىرى قالالاردا وتكىر ەكەنىن ەسكەرە وتىرىپ, ۇكىمەتكە الدىمەن استانادا, الماتى جانە شىمكەنتتە جۇمىس ىستەيتىن جاستار ءۇشىن جىلىنا 1 مىڭ پاتەردەن كەم ەمەس قۇرىلىستى قامتاماسىز ەتۋ قاجەت. بۇل پاتەرلەر جالدامالى باسپانا ساناتىنا جاتقىزىلۋى ءتيىس» دەگەن بولاتىن. جاستاردى جالدامالى پاتەرمەن قامتۋ ماسەلەسى مەملەكەت باسشىسى قاسىم-جومارت توقاەۆتىڭ حالىققا جولداۋىندا دا باسا ايتىلدى. تاپسىرمانى ورىنداۋ ماقساتىندا مەملەكەت بيۋدجەتىنەن 21 ملرد تەڭگە قارجى ءبولىنىپ, جىل اياعىنا دەيىن نۇر-سۇلتان جانە الماتى قالالارىندا جەكە-جەكە 1050 پاتەر, شىمكەنت قالاسىندا 900 پاتەر جالعا بەرىلمەك. بۇل تۋرالى ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا ايتىلدى.
ايماقتار • 16 قىركۇيەك, 2019
«كونەمىز عوي, قايتەمىز كونبەگەندە؟..»
بالانىڭ باقىتتى بولۋى تەك اتا-انا, اعايىن-تۋىسقا ەمەس, ۇلتقا-قوعامقا قاجەتتى قۇندىلىق. وكىنىشكە قاراي, تاعدىردىڭ جازۋىمەن دەنساۋلىعىندا اقاۋ بار بولعاندىقتان, مۇگەدەك دەگەن ساناتقا ىلىككەن بالالاردىڭ بولۋى جان اۋىرتادى. قوعام ولاردى دا شەتكە تەپپەي, مۇمكىندىگىنشە الەۋمەتتىك-ماتەريالدىق جانە رۋحاني تۇرعىدا قولداۋ كورسەتىپ كەلەدى.
ايماقتار • 16 قىركۇيەك, 2019
تالاس توپىراعىنداعى تاس تاڭبالار
كونە ءداۋىردىڭ كۋاگەرلەرىندەي بولعان قىزىلاۋىت – ءبازىل پەتروگليفتەرى ەرتە ورتاعاسىرلىق, ەرتە تەمىر عاسىرىنا جاتاتىن تاريحي قۇندىلىقتاردىڭ ءبىرى. تالاس توپىراعىندا ىقىلىم زاماننان بەرى جاساپ كەلە جاتقان قىزىلاۋىت – ءبازىل پەتروگليفتەرى اقتوبە اۋىلىنان 2,4 شاقىرىم وڭتۇستىك-باتىستا, ءبازىل دەپ اتالاتىن جەردەگى بوس جاتقان تاسقا سالىنعان. ال بايىرعى بەسكەپە تاڭبالارى قىزىلاۋىت اۋىلىنان 3,2 شاقىرىم وڭتۇستىك-باتىستا, بەسكەپە دەپ اتالاتىن جەردەگى الاسالاۋ توبەدەگى ۇلكەن تاس بەتىنە بەدەرلەنگەن. قازىنالى قاراتاۋدىڭ شاتقالدارى مەن سايلارىندا ەرتە داۋىرلەردەن قالعان پەتروگليفتەر كوپتەپ ۇشىراسادى. سونىمەن قاتار عىلىمي اينالىمعا ەنگەن سۋرەتتەر سانى بىرنەشە مىڭ. تاستاعى تاڭبالار سول كەزدەگى بابالار وركەنيەتى مەن تانىمىنان دا حابار بەرەدى.
ايماقتار • 16 قىركۇيەك, 2019
اقتوبە وبلىسىنىڭ تىلدەردى دامىتۋ باسقارماسى قازاقستان حالقى تىلدەرى كۇنى مەرەكەسىنە وراي تۇتاستاي ونكۇندىك شارا وتكىزۋ جونىندە شەشىم قابىلداعان ەدى. بۇل باعىتتا «بولاشاققا باعدار: رۋحاني جاڭعىرۋ» باعدارلاماسى اياسىندا قازاق ءالىپبيىن لاتىن گرافيكاسىنا كوشىرۋگە بايلانىستى تۇرعىنداردى اقپاراتتاندىرۋ مەن ءتۇسىندىرۋ جۇمىستارى جۇرگىزىلدى. وسى ورايدا وبلىس اتالعان رەفورمانى قولداۋ دەڭگەيى مەن دارەجەسى بويىنشا ەلىمىزدە الدىڭعى ورىنداردىڭ بىرىندە ەكەنىن ايتقانىمىز ءجون.
قازاقستان • 16 قىركۇيەك, 2019
دۇكەن ءماسىمحان ۇلى: ىنتىماقتاستىققا وڭ ىقپال ەتكەن ساپار
قازاق پەن قىتاي – جەر جارالىپ, سۋ اققالى بەرى قاراي ازيانىڭ شىعىسى مەن كىندىك بولىگىن ورتاق جايلاپ, بىرگە جاساپ كەلە جاتقان حالىقتار. تاريحتىڭ تولقىنى بىردە تولىپ, بىردە ورتايىپ, ءارتۇرلى كەزەڭدى باستان وتكەردىك. بىراق سوعان قاراماستان قازاقستان ءوز الدىنا دەربەس ەل اتانعاندا العاشقى بولىپ تاۋەلسىزدىگىمىزدى تانىعان مەملەكەتتەردىڭ ءبىرى – قىتاي حالىق رەسپۋبليكاسى.
