قازاقستان • 16 قىركۇيەك، 2019

دۇكەن ءماسىمحان ۇلى: ىنتىماقتاستىققا وڭ ىقپال ەتكەن ساپار

283 رەتكورسەتىلدى

قازاق پەن قىتاي – جەر جارالىپ، سۋ اققالى بەرى قاراي ازيانىڭ شىعىسى مەن كىندىك بولىگىن ورتاق جايلاپ، بىرگە جاساپ كەلە جاتقان حالىقتار. تاريحتىڭ تولقىنى بىردە تولىپ، بىردە ورتايىپ، ءارتۇرلى كەزەڭدى باس­تان وتكەردىك. بىراق سوعان قاراماستان قازاقستان ءوز الدىنا دەربەس ەل اتانعاندا العاشقى بولىپ تاۋەلسىزدىگىمىزدى تانىعان مەملەكەتتەردىڭ ءبىرى – قىتاي حالىق رەسپۋبليكاسى.

1992 جىلى 3 قاڭتاردا ەكى ەل اراسىندا ديپلوماتيالىق قارىم-قاتىناس ورنادى. سودان بەرى قاراي ەكى مەملەكەت باسشىلارى تاتۋ كورشى رەتىندە بۇگىنگىدەي ىن­تىماقتاستىقتى قالىپتاستىردى. ەل­با­سى نۇرسۇلتان نازارباەۆ تاۋەلسىز­دى­گىمىزدى جاريالاعاننان بەرى قىتايمەن سەنىمدى سەرىكتەستىككە ەرەكشە ەكپىن بەردى.

بۇل كەزەكتى ءىس-شارا – قازىرگى قازاق­­ستان پرەزيدەنتى قاسىم-جومارت تو­قاەۆ­تىڭ مەملەكەت باسشىسى رە­تىندە قىتايعا جاساپ وتىرعان العاشقى ساپارى. قىتاي بيلىگى پرەزيدەنتتى وتە جو­عارى دەڭگەيدە قارسى الدى. مۇنىڭ ءوزىن ەكى ەلدىڭ دوستىعىنىڭ جارقىن كورىنىسى دەسەك، قاتەلەسپەيمىز.

قازاقستان پرەزيدەنتى بۇل ساپارىندا باياندامالارىن قازاق تىلىندە جاسا­عانىن ەرەكشە اتاپ وتكەن ءجون. سونى­مەن قاتار پرەزيدەنتتىڭ قى­تاي ءتىلىن مەڭگەرگەنى، قىتايشا حات تانى­­عانى ءوزارا بايلانىسقا وڭ اسەرىن تي­­گىزدى. مىسالى، قاسىم-جومارت توقاەۆ­تىڭ ءسوزىن اۋدارماشى­لار دۇ­رىس ىلەسىپ اۋدا­را الماي جاتقان تۇس­تاردا ول ءوزى كومەكتەسىپ وتىردى. بۇعان قىتايدىڭ باستى بۇقارالىق اقپا­رات قۇرالدارى ەرەكشە نازار اۋدار­دى.

قازاقستان پرەزيدەنتى قاسىم-جومارت توقاەۆ پەن قىتاي توراعاسى سي تسزينپين بىرلەسكەن مالىمدەمە جاساپ، مەملەكەتتەر اراسىنداعى ىن­تى­­ماقتاستىقتى ىلگەرىلەتۋگە، دامى­تۋ­عا تىڭ سەرپىن بەرەتىن ون شاقتى ماڭىزدى قۇجاتقا قول قويدى. بۇل قۇجات­تا بار­لىق سالانى قامتىدى. اتال­عان كەلى­سىم­دەر ەكى جاققا تەك تيىم­دىلىك اكەلەدى دەپ سەنەمىن.

قىتاي – اقپاراتتىق تەح­نولو­گيا­لاردى مەڭگەرۋ، ءوندىرۋ جاعىنان الەمدەگى العاشقى وندىققا كىرەتىن مەملەكەت. «الىستان اربا­لا­ماي-اق جاقىننان دوربالاپ»، وسى باعىتتا بىرلەسكەن ورتاق جوبا­لار­دى جۇزەگە اسىرۋعا، ءسويتىپ وڭ ناتيجەلەرگە قول جەتكىزۋگە بولادى. سونداي-اق اتالعان كەلىسىمدەر عىلىم مەن ءبىلىمنىڭ دامۋىنا دا ىقپال ەتەدى دەپ ۇمىتتەنەمىن. پرەزيدەنت ايتقانداي، ۇلتتىق قاۋىپسىزدىكتى قامتاماسىز ەتە وتىرىپ، ەكى ەلدىڭ ىنتىماقتاستىعىن ودان ءارى نىعايتۋ ءوزارا دامۋعا، وركەندەۋگە جول اشا بەرەدى.

 

دۇكەن ماسىمحان ۇلى،

قىتايتانۋشى، ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى قىتايتانۋ ينستيتۋتىنىڭ ديرەكتورى 

سوڭعى جاڭالىقتار

تۇرعىن ءۇي باعاسى قالاي قۇبىلادى؟

ەكونوميكا • بۇگىن، 07:24

ەسكىنىڭ جازىعى – جاڭانىڭ قازىعى

رۋحانيات • بۇگىن، 07:17

گۇلزادا تىككەن بەتپەردە

ايماقتار • بۇگىن، 07:12

شتاب قۇرىلدى

ايماقتار • بۇگىن، 07:08

ەلىن ورگە سۇيرەيتىندەر

رۋحانيات • بۇگىن، 07:06

باس قالا اۋەجايىنىڭ كودى وزگەردى

قازاقستان • بۇگىن، 06:59

تورىمىزدە تۇرۋى ءتيىس

اباي • بۇگىن، 06:46

ۇلى مۇرا – ۇلت مۇراتى

اباي • بۇگىن، 06:42

تۇتقاداعى تازالىق

قوعام • بۇگىن، 06:33

تاسقىنعا مونيتورينگ جۇرگىزىلدى

ايماقتار • بۇگىن، 06:31

جامان ىندەت جانازا كەزىندە جۇققان

كوروناۆيرۋس • بۇگىن، 06:27

جۇمىسسىزدار قولداۋعا مۇقتاج

پارلامەنت • بۇگىن، 06:25

ۇقساس جاڭالىقتار