رۋحانيات • 16 تامىز, 2019
«ەل ءۇمىتى» جانە «قامقورلىق» جوبالارى دارىندى جاستاردى قولداۋعا باعىتتالادى
قازاقستان رەسپۋبليكاسىنىڭ تۇڭعىش پرەزيدەنتى – ەلباسى قورى ەلباسى نۇرسۇلتان نازارباەۆتىڭ تاپسىرماسىنا سايكەس جاس تالانتتار مەن كوشباسشىلاردى قولداۋ ماقساتىنداعى «ەل ءۇمىتى» اتتى جاڭا باستاماسىن باستادى. جۋىردا ەلباسى نۇرسۇلتان نازارباەۆ تۇڭعىش پرەزيدەنت قورىنىڭ اتقارۋشى ديرەكتورى اسەت يسەكەشەۆپەن كەزدەسۋ بارىسىندا «ەل ءۇمىتى» جانە «قامقورلىق» باستامالارى بويىنشا ارنايى تاپسىرمالار بەرگەن بولاتىن. – قور بىرقاتار ءىس-شارانى جۇزەگە اسىرۋ ءۇشىن ءتيىستى جۇمىس جۇرگىزىپ كەلەدى. ءبىز تالانتتى جاستاردى جانە دامۋىندا ەرەكشەلىگى بار بالالاردى قولداۋعا باعىتتالعان «ەل ءۇمىتى» جانە «قامقورلىق» اتتى جاڭا ەكى جوبانى ىسكە اسىرۋدى باستايمىز. تالانتتى جاستارىمىز ەل ىشىندە جانە شەتەلدە ءبىلىم الۋى ءۇشىن ولارعا كومەكتەسۋىمىز كەرەك. بۇل – وتە پايدالى ءارى قاجەتتى جۇمىس. جالپى قوردىڭ وسى باعىتتاعى جۇمىسىن جانداندىرۋ كەرەك, – دەگەن-ءدى قازاقستاننىڭ تۇڭعىش پرەزيدەنتى.
رۋحانيات • 16 تامىز, 2019
ۇلتتىق بولمىستى ساقتاۋ بارىنەن قىمبات
قوعامداعى بولىپ جاتاتىن جانە بولماي قويمايتىن وزگەرىستەر مەن جاڭارۋلار ءبىزدىڭ سانامىزعا, جەكە ومىرىمىزگە اسەر ەتپەي قويمادى. ول سىرتقى فاكتورلاردىڭ جانە ىشكى قاجەتتىلىكتەردىڭ اسەرىنەن بولاتىنى ءسوزسىز. ونداي جەردە پىكىردىڭ ءار الۋاندىلىعى تۋماي قويمايدى. ول جەكە ادامنىڭ نەمەسە بەلگىلى ءبىر ۇلتتىق ۇستانىمداردىڭ تاڭداۋىنان بولادى. تاياۋدا وسى ماسەلە توڭىرەگىندە كوكشەتاۋ قالاسىنداعى اقان سەرى اتىنداعى جوعارى مادەنيەت كوللەدجىنىڭ وقىتۋشىسى, قازاقستان جازۋشىلار وداعىنىڭ مۇشەسى, اقىن, جازۋشى فيلولوگيا عىلىمدارىنىڭ كانديداتى ەربولات باياتپەن تىلدەسكەن بولاتىنبىز.
تاريح • 16 تامىز, 2019
جاقىندا الماتىداعى ورتالىق مەملەكەتتىك مۋزەيىندە «رۋحاني جاڭعىرۋ» باعدارلاماسى اياسىندا وتىرار قورعانىسىنىڭ 800 جىلدىعىنا وراي «قامالى بەكەم, حالقى قايسار – وتىرار» تاقىرىبىندا «وتىرار مەملەكەتتىك ارحەولوگيالىق قورىق-مۋزەيى» قورىنىڭ ماتەريالدارى نەگىزىندە ۇيىمداستىرىلعان كورمەسى اشىلدى.
تاريح • 16 تامىز, 2019
حح عاسىر باسىندا قازاق زيالىلارىنىڭ حالقى ءۇشىن اتقارعان ەڭبەگى ۇشان-تەڭىز. ولاردىڭ ەرەن ىستەرىن ءالى تولىق زەرتتەپ-زەردەلەپ ۇلگەرمەي جاتىرمىز. سونداي تۇلعانىڭ ءبىرى – تۇرار رىسقۇلوۆ. بۇل ادامنىڭ قايراتكەرلىك قابىلەتى كەڭەس وداعى دەڭگەيىنەن اسىپ, كومينتەرن وكىلى رەتىندە الەمدىك ماسشتابتاعى ساياسي ىستەرگە ارالاسۋىنا ىقپال ەتتى. سونىڭ ءبىر پاراسى – ازيا قۇرلىعىنداعى كوشپەندى جۇرت موڭعوليانىڭ كونستيتۋتسياسىن جاساپ, ەلدىڭ ساياسي-ەكونوميكالىق دامۋىن سوتسياليستىك باعىتقا بۇرىپ بەرۋى. ءىستى تياناقتاۋ ءۇشىن قايراتكەر اتالمىش مەملەكەتكە 1924 جىلدىڭ قازان ايىندا بارىپ, 1925 جىلدىڭ شىلدەسىنە دەيىن 9 اي قىزمەت ەتتى. ت.رىسقۇلوۆتىڭ موڭعوليادا اتقارعان ەڭبەگى جايلى «ەگەمەن قازاقستان» گازەتىنىڭ جىلاشار سانىندا «تۇراردىڭ كۇرەدەگى كۇندەرى» اتتى كولەمدى ماقالا جاريالانعان ەدى. وسى جازبادا قايراتكەردىڭ ول جاقتا اتقارعان جۇمىسى جايلى باياندالعان بولاتىن. دەيتۇرعانمەن ت.رىسقۇلوۆ وسى ساپارىندا كوشپەندى ەلدىڭ ساياسي باعىتىن دۇرىستاپ قانا قويماي, ىرگەدەگى قىتاي رەسپۋبليكاسىنا قۇپيا بارىپ كەلگەنى جايلى كوپ ايتىلماي ءجۇر. ءبىز وسى تاقىرىپتى قاۋزاپ كورمەكپىز.
رۋحانيات • 16 تامىز, 2019
الەكەڭ – ءاليسۇلتان قۇلانبايدىڭ ومىردەن وتكەنىنە دە ءبىر جىل بولىپ قالىپتى. جىميا ك ۇلىپ جانىمىزدا جۇرگەنى كۇنى كەشە عانا سياقتى ەدى – زىمىراعان ۋاقىت. ال ونىڭ اياق استىنان بولعان قازاسى ءۇي-ءىشى, جاقىن-تۋىستارىمەن قاتار, «ەگەمەندەگى» قاناتتاس ۇلكەن-كىشى ارىپتەستەرىنىڭ دە قابىرعاسىن قايىستىردى. جانى جايساڭ اپتالداي ازاماتتان توسىننان ايىرىلىپ قالۋ كىمگە دە بولسا اۋىر ءتيىپ ەدى.
