ءبىلىم • 27 شىلدە, 2024
ەلىمىزدىڭ ەكونوميكالىق دامۋى ءۇشىن جۇمىسسىزدىق دەڭگەيى تومەندەپ, ءبىلىم ساپاسى جوعارى بولۋى كەرەك ەكەنى بەلگىلى. اسىرەسە ايماقتاردى, سونىڭ ىشىندە ءبىر سالانىڭ ءوندىرىسى توڭىرەگىنە شوعىرلانعان مونوقالالاردىڭ الەۋەتىن كوتەرۋ اسا ماڭىزدى. وسى ورايدا «قازمۇنايگاز» ۇق اق قولداۋىمەن ماڭعىستاۋ ءوڭىرى مەن جاڭاوزەن جاستارى ءۇشىن ىسكە اسىرىلىپ جاتقان «جارقىن بولاشاق» باعدارلاماسىنىڭ ورنى بولەك. ىرگەلى جوبانىڭ ماقساتى مەن ەرەكشەلىگى تۋرالى حالىقارالىق «قازاق ءتىلى» قوعامىنىڭ پرەزيدەنتى راۋان كەنجەحان ۇلى اڭگىمەلەپ بەردى.
ەكونوميكا • 27 شىلدە, 2024
ءانۋاردىڭ كاسىپكەر بولۋىنا تىكەلەي اسەر ەتكەن اكەسى – مۇرات ۇزاقباي ۇلى. ول 80-جىلداردىڭ ورتا تۇسىنان زاماننىڭ جەلى باسقاشا سوعا باستاعانىن جاقسى ءتۇسىندى. كەلىنشەگى گۇلسىم ەكەۋى جەزقازعاندا العاشقىلاردىڭ ءبىرى بولىپ كاسىپكەرلىككە بەت بۇردى. ەسكى مەن جاڭانىڭ تايتالاسىپ تۇرعان شاعى ەمەس پە, كوپشىلىك «كاسىپكەرلىك» دەگەندى مۇلدەم تۇسىنبەيتىن. ءبىرى كوزىنە ايتىپ, ەندى بىرەۋلەرى سىرتىنان «بۇلار كاپيتاليست بولعالى جۇرگەندەر» دەپ مىسقىلداپ جاتاتىن.
ءبىلىم • 27 شىلدە, 2024
قازىر قوعامدى الاڭداتىپ وتىرعان وزەكتى ماسەلە – ۇرپاق ياكي بالا تاربيەسى. بۇعان ەل ەرتەڭىن ويلاعان ءاربىر ازامات بەيجاي قارامايدى. پرەزيدەنت قاسىم-جومارت توقاەۆ ءاردايىم ۇرپاق تاربيەسىنە جاۋاپتى بولۋدى جۇيەلى ەسكەرتىپ-اق ءجۇر. مۇنى ۇلتتىق قۇرىلتاي مىنبەرىنەن دە ايتتى. ءبىر سوزىندە: «وسكەلەڭ ۇرپاقتىڭ تاربيەسى – وتە ماڭىزدى ماسەلە. اشىعىن ايتساق, قازىر جاس ۇرپاق الەۋمەتتىك جەلى ارقىلى تاربيە الىپ جاتىر. بالانى دۇرىس باعىتقا بۇرىپ, جول كورسەتىپ وتىرماساق, بۇل – وتە قاۋىپتى ءۇردىس», دەگەن-ءدى. وسى جاعىنان كەلگەندە, بار سالماق اتا-اناعا تۇسەدى. ويتكەنى بالا تاربيەنى الدىمەن وتباسىندا الادى. وتباسىندا نە كوردى, نە ءتۇيدى – سونى بويىنا سىڭىرەدى. بۇل رەتتە سان عاسىر جالعاسىپ كەلە جاتقان ۇلتتىق تاربيەمىزدىڭ ءرولى زور. ەلدىك تاربيەنىڭ قاينارىنا قانىپ وسكەن ورەننىڭ تانىمى دا تەرەڭ. اسىرەسە قازاق وتباسىندا اتا-اجە, اكە-شەشە, باۋىر دەگەن ۇعىمداردىڭ ورنى بولەك. قوعام, ۋاقىت وزگەردى دەگەنىمەن, ۇلتتىق تاربيەدەن اجىراماعان ءجون. بۇعان ءوز ۇلتىنىڭ ءداستۇرى مەن بولمىسىن ساقتاعان الەم ەلدەرىنەن كوپ مىسال كەلتىرە الامىز. سونىمەن قاتار پرەزيدەنتتىڭ «ادال ادام» تۇجىرىمداماسى دا حاكىم ابايدىڭ «تولىق ادام» ىلىمىمەن ۇندەسەدى. وسى رەتتە ءبىز بۇگىن قازىرگى جاس ۇرپاقتى ادالدىققا, تازالىققا, ەڭبەكسۇيگىشتىككە قالاي تاربيەلەيمىز, سونداي-اق قوعامداعى ىسىراپشىلدىق سەكىلدى كەلەڭسىز كورىنىستەردى قالاي توقتاتامىز دەگەن ماقساتپەن دوڭگەلەك ۇستەل ءماجىلىسىن ۇيىمداستىرىپ, وعان ەلىمىزگە تانىمال تۇلعالار – تاريح عىلىمدارىنىڭ دوكتورى, پروفەسسور ومىرزاق وزعانباي, بەلگىلى ديپلومات, فيلولوگيا عىلىمدارىنىڭ دوكتورى, پروفەسسور ءادىل احمەتوۆ, ارداگەر-جۋرناليست سايراش ابىشقىزى, مەملەكەت جانە قوعام قايراتكەرى جانىبەك كارىبجانوۆ, قازاقستاننىڭ ەڭبەك ەرى سايران بۇقانوۆ, قوعام قايراتكەرى شالاتاي مىرزاحمەتوۆ سەكىلدى ازاماتتاردى شاقىردىق.
مادەنيەت • 27 شىلدە, 2024
«Comic Con Astana»: كرەاتيۆتى ويلار كەرۋەنى
كۇنى كەشە عانا ەل استاناسىندا حالىقارالىق «Comic Con Astana» فەستيۆالى باستالدى. كوميكستەر, كينەماتوگرافيا, ۆيدەو ويىندار, انيمە جانە گيك-مادەنيەتتىڭ وزگە دە باعىتتارىنا ارنالعان دودا بيىل ءۇشىنشى رەت ۇيىمداستىرىلىپ وتىر. «ەكسپو» حالىقارالىق كورمە ورتالىعىندا ءوتىپ جاتقان ورتالىق ازياداعى ەڭ ءىرى ءارى تانىمال, ەرەكشە فورماتتاعى فەستيۆالعا حالىقارالىق ستۋديالار, پروديۋسەرلەر, تانىمال بلوگەرلەر مەن كاسىبي كوسپلەي سۋرەتشىلەرى, سونداي-اق گولليۆۋد جۇلدىزدارى دا ارنايى ات باسىن بۇرعان.
مادەنيەت • 27 شىلدە, 2024
ەگەر قاجەت دەپ تاپساڭىز, ۋاقىتتى «توقتاتىپ قوياتىن» ءبىر جەر بار. قازىر ۋاقىت قاربالاس بولسا دا, وزىڭمەن-ءوزىڭ قالىپ, ىشىڭە ۇڭىلەتىن ورىن قالسا, ول كىتاپحانا شىعار. بىزدە عانا ەمەس, الەمدىك احۋال سولاي. ال كىتاپحاناعا كىرسەڭ, كەڭىستىك باسقا. بايىزداپ, وزىمەن-ءوزى كىتاپ وقىپ وتىرعان وقىرماندارعا قاراپ سۇيسىنەسىز.
