قازاقستان • 13 شىلدە, 2017
ەلىمىزدىڭ پرەزيدەنتى ن.ءا.نازارباەۆ بيىلعى جىلدىڭ باسىندا جاريالانعان جولداۋىندا قازاقستاننىڭ ءۇشىنشى جاڭعىرۋى تۋرالى حابارلاپ, رەسپۋبليكانى قايتا تۇلەتۋدىڭ جولدارى جايلى ويلارىمەن بولىسكەن ەدى. سوندا الەمدەگى ەڭ دامىعان 30 ەلدىڭ قاتارىنا كىرۋ ءۇشىن حالىقتى رۋحاني جاڭعىرتۋدىڭ دا ەرەكشە ماڭىزى بارىن اتاپ ايتتى. ەلباسىنىڭ «بولاشاققا باعدار: رۋحاني جاڭعىرۋ» اتتى ەڭبەگى وسى ماسەلەگە ارنايى جازىلعان, عىلىمي-تەوريالىق جانە پراكتيكالىق ءمانى زور جاڭا تۋىندى بولىپ تابىلادى. ەڭبەكتىڭ نەگىزگى وزەگى ءوزى قۋاتتى, ءارى جاۋاپكەرشىلىگى بيىك ءبىرتۇتاس ۇلت بولۋدىڭ جولدارىن اشۋعا قۇرىلادى. سولاردىڭ ىشىندە ۇلتتىق سانانى جاڭعىرتۋ, باسەكەگە قابىلەتتىلىكتى ارتتىرۋ, پراگماتيزم, ۇلتتىق بىرەگەيلىكتى ساقتاۋ, ءبىلىمنىڭ سالتانات قۇرۋى, قازاقستاننىڭ رەۆوليۋتسيالىق ەمەس, ەۆوليۋتسيالىق دامۋى سياقتى ماڭىزدى ماسەلەلەر بار. سونىمەن بىرگە, ەلباسى تاياۋ جىلداردا اتقارىلۋعا ءتيىس مىندەتتەرگە توقتالادى. بۇل – ساياسي جانە ەكونوميكالىق جاڭعىرۋلاردى تولىقتىرۋ مەن ورنىقتىرۋدىڭ, جوسپارلى ماسەلەلەردى جۇزەگە اسىرۋدىڭ ناقتى جولدارىن نۇسقايدى. «كۇن ساناپ وزگەرىپ جاتقان ءدۇبىرلى دۇنيەدە سانا-سەزىمىمىز بەن دۇنيەتانىمىمىزعا ابدەن ءسىڭىپ قالعان تاپتاۋرىن قاعيدالاردان ارىلماساق, كوش باسىنداعى ەلدەرمەن تەرەزەمىزدى تەڭەپ, يىق ءتۇيىستىرۋ مۇمكىن ەمەس. وزگەرۋ ءۇشىن ءوزىمىزدى مىقتاپ قولعا الىپ, زامان اعىمىنا يكەمدەلۋ ارقىلى جاڭا ءداۋىردىڭ جاعىمدى جاقتارىن بويعا ءسىڭىرۋىمىز كەرەك», دەدى.
بيزنەس • 13 شىلدە, 2017
نەمىستەردىڭ تاجىريبەسى نەسىمەن ۇتىمدى؟
تاۋەلسىزدىك سارايىندا گەرمانيا ەنەرگەتيكالىق ديالوگى كونگرەسى ءوتتى. ەكى كۇنگە جالعاسقان شارانى نەمىس ەنەرگەتيكالىق اگەنتتىگى ۇيىمداستىردى. وندا تاراپتار ەنەرگەتيكا سالاسىنداعى جەتىستىكتەر مەن تەحنولوگيالاردىڭ قولدانىلۋ ماسەلەلەرىن تالقىلادى.
ۇكىمەت • 13 شىلدە, 2017
كەلەلى ماسەلەلەرگە ارنالعان كەڭەس
ۇكىمەت ۇيىندە پرەمەر-مينيستر باقىتجان ساعىنتاەۆ كوشى-قون ساياساتى جانە مونوقالالاردى دامىتۋ ماسەلەلەرى جونىندە كەڭەس وتكىزدى, دەپ حابارلادى ۇكىمەت باسشىسىنىڭ ءباسپاسوز قىزمەتى.
ۇكىمەت • 13 شىلدە, 2017
ەقىۇ-نىڭ مينيسترلەر كەزدەسۋىنە قاتىستى
تاياۋدا قازاقستان رەسپۋبليكاسىنىڭ سىرتقى ىستەر ءمينيسترى قايرات ءابدىراحمانوۆ ەۋروپاداعى قاۋىپسىزدىك جانە ىنتىماقتاستىق ۇيىمىنىڭ مينيسترلەر جينالىسىنا قاتىستى جانە ەقىۇ-عا قاتىسۋشى مەملەكەتتەر دەلەگاتسيالارىمەن ۇيىمنىڭ كۇن تارتىبىندەگى وزەكتى ماسەلەلەردى تالقىلادى, دەپ حابارلادى قازاقستان رەسپۋبليكاسى سىرتقى ىستەر مينيسترلىگىنىڭ ءباسپاسوز قىزمەتى.
بيزنەس • 13 شىلدە, 2017
توقىما ءىسى توقىراۋدان شىقتى ما؟
كىلەم توقۋ – ازيا, ەۋروپا, كاۆكاز حالىقتارىنا ەجەلدەن بەلگىلى قولونەر ءتۇرى. كىلەمدى اتا-اجەلەرىمىز التىن, كۇمىس سياقتى قىمبات بۇيىمداردىڭ ساناتىنا قوسىپ, داۋلەتتىڭ, بايلىقتىڭ ءبىر بەلگىسى دەپ بىلگەن. بايگەدەن وزىپ كەلگەن تۇلپارعا كىلەم جاۋىپ, جەڭىمپاز بالۋانعا كىلەم تارتۋ ەتكەن. تۇكتى كىلەم, تىقىر كىلەم سياقتى ەل اۋزىنداعى اسەم بۇيىمدار ءار شاڭىراقتىڭ ءسانى مەن سالتاناتى بولدى. قازاق حالقىنىڭ كىلەم ونەرىنىڭ كوركەمدىك-ەرەكشەلىكتەرى تۋرالى ءا.مارعۇلاننىڭ, س.قاسىمانوۆتىڭ ەڭبەكتەرىندە كەڭىنەن ايتىلادى. ءبىر كەزدەرى ءۇيىمىزدىڭ شىرايىن اشقان ءتۇرلى كىلەمدەر قازىرگى ۋاقىتتا كەرەگەمىزدەن ءتۇسىپ قالسا دا, كەرەگىمىزگە جاراپ تۇر. سوڭعى جىلدارى ەلىمىزدەگى كىلەم ءوندىرىسى تىڭ تىنىس الىپ, وتاندىق ونىمدەر شەتەلدەرگە دە ەكسپورتتالا باستادى.
