ساياسات • 10 ءساۋىر, 2024
باياندى بايلانىستىڭ جاڭا كەزەڭى
مەملەكەت باسشىسىنىڭ تاپسىرماسىمەن پرەمەر-مينيستر ولجاس بەكتەنوۆ قىسقامەرزىمدى جۇمىس ساپارىمەن قىرعىز رەسپۋبليكاسىنا باردى.
سەنات • 10 ءساۋىر, 2024
ۇلتتىق مۇددەگە ساي ستراتەگيالىق ارىپتەستىك
پارلامەنت سەناتىنىڭ توراعاسى ماۋلەن اشىمباەۆ ورتالىق ازيا بويىنشا ارنايى وكىل فارا كاريمي باستاعان ەقىۇ پارلامەنتتىك اسسامبلەياسىنىڭ دەلەگاتسياسىمەن كەزدەستى. تاراپتار ءوزارا ءىس-قيمىلدى, ونىڭ ىشىندە حالىقارالىق ۇيىمدار اياسىنداعى بايلانىستى ودان ءارى دامىتۋ ماسەلەلەرىن تالقىلادى.
ۋنيۆەرسيتەت • 10 ءساۋىر, 2024
تۇرار رىسقۇلوۆ ەسىمىن ۋنيۆەرسيتەتكە قايتارۋ – كوپتىڭ قالاۋى
قازىرگى جوعارى مەكتەپ – عىلىم-ءبىلىم مەن وتانشىلدىقتىڭ وشاعى. بىزدە قالىپتاسقان داستۇرگە سايكەس, ۇلتتىق جانە وڭىرلىك ۋنيۆەرسيتەتتەردىڭ ءاربىرى تاريحىمىزداعى ءىرى تۇلعالاردىڭ ەسىمىن العان. سونداي وقۋ ورىندارىنىڭ ءبىرى ت.رىسقۇلوۆ اتىنداعى ۇلتتىق ەكونوميكا ۋنيۆەرسيەتى ەدى. «ەدى» دەگەندى امالسىز ايتىپ وتىرمىز. ەل تاۋەلسىزدىگىنە ەڭبەك سىڭىرگەن شەرحان مۇرتازا, ءابىش كەكىلباەۆ, كامال سمايىلوۆ سىندى زيالىلاردىڭ, مولديار سەرىكباەۆ سەكىلدى قوعام جانە عىلىم وكىلدەرىنىڭ باستاماسىمەن 2000 جىلى بۇرىنعى حالىق شارۋاشىلىعى ينستيتۋتى (نارحوز) ۇلتتىق ەكونوميكالىق ۋنيۆەرسيتەتكە اينالىپ, وعان كورنەكتى تاريحي تۇلعا تۇرار رىسقۇلوۆتىڭ ەسىمى بەرىلگەن. كوپ كەشىكپەي وقۋ عيماراتى الدىنان قايراتكەردىڭ ەسكەرتكىشى بوي كوتەردى. 2013 جىلعا دەيىن وسى اتپەن الەمگە تانىلدى. جىلدا ەكونوميكالىق ت.رىسقۇلوۆ فورۋمى (وقۋلارى) ءوتىپ تۇردى... بۇدان كەيىن بۇل وقۋ ورنى جەكەمەنشىككە ءوتىپ, تاۋەلسىزدىك مۇراتىمەن كەلگەن باستامانىڭ ءبارى تاس-تالقان بولدى. باس عيمارات الدىنداعى ەسكەرتكىش تە جاسىرىن الىنىپ تاستالدى. ەڭ سوراقىسى, بەيداۋا نارىق «اكۋلالارى» جەكشەلەندىرگەن وقۋ ورنى كەڭەستىك ەكونوميكا اتاۋىن («نارحوز») تاڭداپ, ۋنيۆەرسيتەت سايتىنداعى تاريحىنان ت.رىسقۇلوۆقا قاتىستى دەرەكتىڭ ءبارىن جويدى. مۇنى قازاقشا – قاسيەتسىزدىك, ورىسشا – «كوششۋنستۆو», اعىلشىنشا «blasphemy» دەمەي تۇرا المايمىز. ءبىز وسى ماتەريالدى جازۋ بارىسىندا «Egemen Qazaqstan» گازەتىنىڭ قالىپتاسۋى مەن دامۋىنا ەڭبەك سىڭىرگەن ت.رىسقۇلوۆتىڭ (باسقارعان ۋاقىتى – 1926 جىل), شەرحان مۇرتازانىڭ (1989-1992), ءابىش كەكىلباەۆتىڭ (1992-1993) ارۋاعى الدىنداعى پارىزىمىزدى دا قاپەرگە الدىق.
ءوندىرىس • 10 ءساۋىر, 2024
ۆاكۋمدىق تۇتىكشە شىعاراتىن كاسىپورىن
گۇليا جۇزەنوۆا سوناۋ 1995 جىلى ءدارى-دارمەكتى كوتەرمە باعامەن ساۋدالايتىن فيرما اشىپ, كاسىپ باستاعان. ماماندىعى – فارماتسەۆت. سوندىقتان بيزنەستىڭ بۇل ءتۇرىن تاڭداۋى ەش كەزدەيسوقتىق ەمەس. جۇمىسى العا باسىپ, 160 ءدارىحاناسى, 11 وبلىستا قويماسى بولدى. 2010 جىلى «دامۋ» قورىنىڭ مۇمكىندىگىن پايدالانىپ, فيرماسى ۇلكەن كاسىپورىنعا اينالادى. بۇگىندە «ەكوفام ينتەرنەيشنل» جشس وندىرەتىن مەديتسينالىق بۇيىمدار وتاندىق ءوندىرىستىڭ ماقتانىشى بولىپ تۇر.
توتەنشە جاعداي • 10 ءساۋىر, 2024
ءتىلسىز جاۋ ءالى دە تىزگىنگە ىرىق بەرمەي تۇر. ەلىمىزدىڭ بەس ايماعىنداعى سۋ قويمالارى كەمەرىنە كەلىپ قالدى. اسىرەسە باتىس وڭىرىندەگى وزەن سۋلارىنىڭ دەڭگەيى كۇن سايىن ورلەپ بارا جاتقانى بايقالادى. سوعان ساي مەملەكەتتىك قۇرىلىمدارمەن بىرگە جۇرتشىلىق تا تايلى-تۇياعى قالماي جايىقتىڭ جاعاسىندا دامىلسىز دامبى سالىپ, كەلە جاتقان قاۋىپتىڭ الدىن الۋعا جۇمىلدى.
