ەكونوميكا • 21 ءساۋىر, 2023
ۇلتتىق قوردىڭ كولەمى قايتسە ارتادى؟
كۇنى كەشە وتكەن ەلىمىزدىڭ الەۋمەتتىك-ەكونوميكالىق دامۋى جونىندە كەڭەيتىلگەن كەڭەستە مەملەكەت باسشىسى قاسىم-جومارت توقاەۆ ۇلتتىق قور ماسەلەسىنە تاعى نازار اۋداردى. پرەزيدەنت بيۋدجەت تاپشىلىعىن, مەملەكەت قارىزىن, ۇلتتىق قوردان اۋدارىلاتىن ترانسفەرتتى جانە باسقا دا ماكروكورسەتكىشتەردى رەتتەۋدى تاپسىردى.
ەڭبەك • 21 ءساۋىر, 2023
ءبىر كەزدە «اۋليە-اتا فەنيكس» قۇس فابريكاسى وتاندىق نارىقتى باعىندىرىپ قانا قويماي, الىس-جاقىن مەملەكەتتەرگە قۇس ەتىن ەكسپورتقا شىعارادى دەپ ەشكىم ويلاماسا كەرەك. ونىڭ بۇگىنگى يەسى فاريدا ءجۇنىسوۆا جامبىل وبلىسى بايزاق اۋدانىنا قاراستى مىرزاتاي اۋىلدىق وكرۋگىندەگى قاڭقاسى عانا قالعان قۇس فابريكاسىن ساتىپ العاندا «قيراپ قالعان دۇنيەنى قايتپەك؟» دەگەندەر از بولعان جوق.
ينفوگرافيكا • 21 ءساۋىر, 2023
كەيىنگى كەزدەرى جاسوسپىرىمدەر اراسىندا زورلىق-زومبىلىق, الىمجەتتىك, بۋللينگ, سۋيتسيد وقيعالارى جيىلەپ كەتتى. وسكەمەن قالاسىنداعى قىزدار توبەلەسى, تۇركىستان وبلىسىنداعى وقۋشى قىزدىڭ ءولىمى, الماتى وبلىسىنداعى ءبىر مەكتەپتەگى وقيعا سالدارىنان ەكى بالانىڭ قايتىس بولۋى قوعامدا قىزۋ تالقىلانىپ جاتىر. جاس ۇرپاقتىڭ قاۋىپسىزدىگى مەن وتباسى قۇندىلىقتارىن دارىپتەۋ ماسەلەسى كۇنى كەشە ۇكىمەت ۇيىندە وتكەن القالى جيىندا دا كوتەرىلدى. بالالارعا قاتىستى جانتۇرشىگەرلىك قىلمىستار جيىلەپ كەتكەنىن ايتقان مەملەكەت باسشىسى قاسىم-جومارت توقاەۆ: «سوراقى جاعدايلار وقۋشىلاردىڭ وزىنە قول جۇمساۋىنا سەبەپكەر بولىپ وتىر. ءتىپتى اتا-انالاردىڭ وزدەرى بالاسىنا قورلىق كورسەتىپ, ونىڭ ارتى قايعىلى جاعدايعا ۇلاسىپ جاتادى. وتباسىنداعى زورلىق-زومبىلىقتىڭ الدىن الۋ جۇمىسى ءالسىز. جاۋاپتى مەكەمەلەر مەن قۇقىق قورعاۋ ورگاندارىنىڭ قىزمەتى ويداعىداي ناتيجە بەرگەن جوق», دەپ بۇل باعىتتاعى جۇمىستاردى سىنعا الدى. راس, ەندىگى جەردە مۇنداي جانتۇرشىگەرلىك وقيعالارعا وكىنىش ءبىلدىرىپ نەمەسە سىرتتاي قاراپ وتىرۋ مۇمكىن ەمەس. سول سەبەپتى دە «Egemen Qazaqstan» گازەتىنىڭ كەزەكتى دوڭگەلەك ۇستەلىنە ءبىلىم مەن تاربيە سالاسىنا جاناشىرلىق تانىتىپ جۇرگەن قوعام مۇشەلەرىن جيناپ, كوكەيكەستى ماسەلەنى جان-جاقتى تالقىلاعان ەدىك.دوڭگەلەك ۇستەلگە ەلىمىزدىڭ بالا قۇقىعى جونىندەگى ۋاكىلى ارۋجان ساين, ءماجىلىس دەپۋتاتى امانجول ءالتاي, پەداگوگ-پسيحولوگ ءاسيا سەرىكوۆا, رەسپۋبليكالىق «Qazbilim» ورتالىعىنىڭ جانە استانا قالاسىنداعى ق.مۇحامەدحانوۆ اتىنداعى №90 ۇلتتىق گيمنازيانىڭ ديرەكتورى اياتجان احمەتجان ۇلى, ۇلىتاۋ وبلىسى ءبىلىم باسقارماسىنىڭ باسشىسى ساپۋرا تولەكوۆا, استانا قالاسى پوليتسيا دەپارتامەنتى جەرگىلىكتى پوليتسيا قىزمەتى باسقارما باستىعىنىڭ ورىنباسارى قانات نىسانتاەۆ, اتا-انالار وكىلى, جۋرناليست دانيار ەسەن جانە «سەنىمەن بولاشاق» رەسپۋبليكالىق قوعامدىق بىرلەستىگىنىڭ جەتەكشىسى نۇركەن اسانوۆ قاتىسىپ, تاقىرىپقا قاتىستى وي-پىكىرلەرىن ورتاعا سالدى.
قوعام • 21 ءساۋىر, 2023
قوردالانىپ قالعان كەنشىلەر ماسەلەسىن رەتتەۋدە كەلىسىم كوميسسياسىنىڭ ىقپالى زور. وسى كوميسسيا جۇمىسى ناتيجەسىندە كەنشىلەر قويعان تالاپتاردىڭ باسىم بولىگى شەشىمىن تاۋىپتى. العاش كوميسسيا قۇرىلعاندا كەنشىلەر 12 ماسەلە كوتەرگەن بولاتىن. كەيىن ولار تولىعا ءتۇستى.
ەلوردا • 21 ءساۋىر, 2023
استانا جۇرتىنىڭ تاڭ اتىسىمەن EXPO حالىقارالىق كورمە ورتالىعىنا قاراي اعىلىپ جاتقانىنا, مىنە, ءۇشىنشى كۇن. ارينە, جىلىنا ءبىر رەت بولاتىن «Eurasian Book Fair-2023» ەۋرازيالىق حالىقارالىق كىتاپ كورمە-جارمەڭكەسى وقىرمان قاۋىمعا تاپتىرماس مۇمكىندىك. ىبىرايشا ايتساق, «تىلەگەنى الدىنان ىزدەمەي-اق تابىلاتىن» كورمەدەن كىم قۇر قالسىن!
