تانىم • 06 ناۋرىز, 2020
ارۋلارعا ارنالعان اندەر كوپ, جىرلار دا جەتىپ ارتىلادى. بىراق كۇيلەر از. بار بولعاننىڭ وزىندە تىڭدارماننىڭ جۇرەگىندە, قۇلاعىندا قالعان, ومىرشەڭ كۇيلەر ساۋساقپەن سانارلىق. سونىڭ ءبىرى – «ەركە سىلقىم». بۇل كۇيدى بىلمەيتىن قازاق جوق شىعار. الايدا ءدال وسى تاماشا تۋىندىنى كۇيشىنىڭ 20 جىل تولعاتقانىن بىلەمىز بە؟ بىلسەك تە سونىڭ سىرىنا ۇڭىلدىك پە؟
رۋحانيات • 06 ناۋرىز, 2020
الەمدى قوبىزىمەن تامسانتقان اقەركە بيىل قازاقستاننىڭ تۇكپىر-تۇكپىرىن ارالاماق. ءوز تويىندا ونەر كورسەتكەن اقەركە تاجىباەۆا تۇرمىس قۇرعاننان كەيىن ەلورداعا قونىس اۋداردى. شيرەك عاسىر قوبىز ارقالاپ كەلە جاتقان ارۋدىڭ جاڭا شاھارداعى ءومىرى ونەرگە جاڭادان كەلگەندەي كۇي كەشتىرگەنى انىق.
قوعام • 06 ناۋرىز, 2020
اسكەر تۋرالى ءسوز بولعاندا ادەتتە جۋان بىلەك, ءاپايتوس ساربازدار كوزگە ەلەستەيدى. بىراق ەلىمىزدىڭ قارۋلى كۇشتەرى قاتارىندا سۇلۋلىعىمەن تالايدى تاڭعالدىراتىن, يناباتتى مىنەزىمەن تالايعا ۇلگى بولاتىن نازىك جاندىلار جەتەرلىك.
قوعام • 06 ناۋرىز, 2020
تاعدىرىما تۋرا كەلگەن ماماندىق
ايەلدىڭ ورنى – وتباسى, وشاق قاسى دەيدى حالىق دانالىعى. بۇل پىكىردى مەن دە قۇپتايمىن. باقىتتى جار, اياۋلى انا اتانىپ, قازان-وشاقتىڭ قاسىنان تابىلعانعا نە جەتسىن؟ دەي تۇرعانمەن بالا كۇنگى ارمانىمنان اۋلاقتاي المادىم. قۇپيا ءبولىمنىڭ باستىعى بولعان اپكەم بار. ەسىمى – ءلايلا كاكەنقىزى. قازىرگى تاڭدا زەينەتتە. بالدىرعان كەزىمدە سوعان ۇقساعىم كەلدى. اپكەمنىڭ كەڭەسىمەن سارباز بولام دەگەن شەشىمگە كەلدىم. بۇل شەشىمىمە تۋعاندارىم دا قارسى بولعان جوق. تۇسىنىستىك تانىتتى. ارىدەن باستايىن...
تانىم • 06 ناۋرىز, 2020
زەڭگىر كوكتەن اۋەلى اققۋ كورىنگەن. كوگىلدىر اسپاندا قالىقتاپ كەلە جاتقان اققۋ كەنەت اق پاراشيۋتكە اينالدى دا قالىقتاپ تۇرىپ قالدى. ارتىنشا ءبىر قىرىنا سىرعي اعىپ, تومەن قاراي قۇلديلادى دا زاۋ-زاڭعار بيىكتىكتە ءتۇرلى پىشىندە ورنەك سالىپ بارىپ جەر-انا قۇشاعىنا جاقىنداي ءتۇستى. مانادان بەرى الابارقىن اسپانعا كۇن سالىپ قاراپ تۇرعان كوپشىلىك ءىشىن تارتىپ قالعانداي ەدى. ويتكەنى كوكتەن تۇسكەن ءپاراشيۋتشى ەرجىگىت ەمەس, سىمداي تارتىلعان سىمباتتى ارۋ بولىپ شىقتى. – ياپىراي, تۋ-ۋ بيىكتەن قالاي قورىقپاي سەكىرىپ ءجۇر؟ – جۇرەك جۇتقان جان ەكەن! – ءوزىنىڭ سۇلۋىن-اي! – ەلىكتىڭ لاعىنداي ەكەن! اسپاننان تۇسكەن ارۋدىڭ ءابجىل قيمىلىنا, باتىل قادامىنا, اسپاندا قالىقتاپ كەلە جاتىپ ءتۇرلى ورنەك سالاتىنىنا قاراپ, جينالعاندار وسىلاي دەسىپ قالىپ ەدى. ءپاراشيۋتشى قارىنداس جەرگە تۇسكەن بويى كوپشىلىككە جىميا قاراپ, قول بۇلعادى. ارتىنشا ءپاراشيۋتىن جيناستىرا باستادى. كوپشىلىككە جاقىنداعاندا ونىڭ ق ۇلىن ءمۇسىنى ايقىندالا ءتۇستى: الابۇرتقان الاۋ ءجۇزدى, كەرمە قاس, نازىك دەنە سپورتشى قىزدى تىم سۇلۋلاندىرىپ كورسەتەدى. بۇل – پاراشيۋت سپورتى فەدەراتسياسىنىڭ سپورتشى-ءپاراشيۋتشىسى ەلميرا بەردىشەۆا بولاتىن. اسپاننان تۇسكەن ارۋعا اڭتارىلا قاراپ قالعان كوپشىلىكتىڭ اراسىنان سىنا تاۋىپ, ءوزىمىزدىڭ جۋرناليست ەكەنىمىزدى ءبىلدىرىپ, از-كەم سۇحبات بەرۋىن وتىندىك.
