سپورت • 16 جەلتوقسان, 2023
ەكى دۇركىن وليمپيادا چەمپيونى اتانۋعا دانيار ەلەۋسىنوۆتىڭ مۇمكىندىگى مول
استانادا وتكەن «IBA چەمپيوندار ءتۇنى» (IBA Champion`s Night) دوداسىندا ريو جازعى وليمپياداسىنىڭ چەمپيونى دانيار ەلەۋسىنوۆ 6 راۋندتىق جەكپە-جەكتە جەڭىسكە جەتتى, دەپ حابارلايدى Egemen.kz.
قوعام • 16 جەلتوقسان, 2023
كوزتۇرتكى كەڭەستىك كەزەڭدە وزىندىك كوزقاراسى ءۇشىن قۋعىندالعان ازامات تۋرالى
2019 جىلى اقپاندا پاۆلوداردا ءبىر عىلىمي-پراكتيكالىق كونفەرەنتسيا ءوتتى. ول 1969 جىلى سول قالاداعى جالعىز قازاق مەكتەبىندە جاسىرىن قۇرىلعان «جاس ۇلان» ۇيىمىنىڭ 50 جىلدىعىنا ارنالعان باسقوسۋ ەدى. وندا بايانداما جاساعان اقىن ارمان قاني سول توتاليتارلىق كەزەڭدە بيلىككە دەگەن قارسىلىق بەلگىلەرىنىڭ جەكەلەگەن ادامدار تاراپىنان دا بوي كورسەتكەنىن ءسوز ەتتى. ءسويتتى دە, ولاردى ىزدەپ تاۋىپ جازىپ, جيناق شىعارۋدىڭ قاجەت ەكەنىن كونفەرەنتسياعا قاتىسۋشىلار الدىنا ماسەلە ەتىپ قويدى. وسى يدەيا بويىنشا بولاشاق كىتاپقا كىرەتىن ءبىر تاقىرىپپەن اينالىسۋعا ءتيىس بولدىم. ول ديسسيدەنت ماحمەت قۇلماعامبەتوۆ ەدى. استاناعا كەلگەن سوڭ قوستانايعا, ونداعى «ەگەمەن قازاقستاندا» كوپ جىل مەنشىكتى ءتىلشى بولىپ ىستەگەن ءنازيرا جارىمبەتوۆاعا تەلەفون سوقتىم. ارىپتەسىم مەن ىزدەگەن ادامنىڭ ءوز وڭىرلەرىندەگى مەڭدىقارا اۋدانىنىڭ تۋماسى ەكەنىن راستادى. ءسويتتى دە: «ونى وبلىس ورتالىعىندا تۇراتىن ۇقك پودپولكوۆنيگى, زەينەتكەر عاليحان ماۋلەتوۆ اعاي جاقسى بىلەدى. قاجەت دەپ تاپساڭىز, تەلەفونىن تاۋىپ بەرەيىن», دەدى. بۇل حاباردى ەستىگەن سوڭ, بىردەن ىسكە كىرىسىپ, اقساقالعا قوڭىراۋ شالىپ, حابارلاستىق تا. ماسەلەنىڭ ءمان-جايىن ۇققان سوڭ قاريا اتالعان تاقىرىپتا سويلەسۋگە ىقىلاستى ەكەنىن ءبىلدىرىپ, ءبىراز دەرەك ايتتى. سودان كەيىنگى اڭگىمە ول كىسىنىڭ ەلورداعا كەلىپ, ۇقك-ءنىڭ ورتالىق گوسپيتالىندەگى مەديتسينالىق بايقاۋدان ءوتۋ كەزىندەگى بوس ۋاقىتى ارالىعىندا ودان ءارى جالعاستى. سونىمەن…
سۇحبات • 16 جەلتوقسان, 2023
باقىت قاجىباەۆ: «ويان, قازاق» – ۋاقىتتىڭ سۇرانىسى
اكتەر باقىت قاجىباەۆتى تەاترعا باراتىن كوزىقاراقتى كورەرمەن جاقسى بىلەدى. الايدا ونى ءبىر-اق ساتتە كۇللى قازاق ەلىنە ءماشھۇر ەتكەن ءرول – «ويان, قازاق» فيلمىندەگى مىرجاقىپ دۋلاتوۆ بەينەسى. كوپ ىشىنەن بەكزات بولمىسىمەن دارالاناتىن ونەر يەسىنىڭ تابيعاتىنا دا وسى ءرول ءدوپ كەلگەندەي. ونى كورەرمەن دە لايىقتى باعالادى. وسى جىلدىڭ باستى جاڭالىعىنا اينالعان ءفيلمنىڭ باس كەيىپكەرى بۇگىندە ەلگە تانىمال بەلدى اكتەرگە اينالدى. كوپتىڭ كوزايىمى بولعان باقىت قاجىباەۆتان سىر تارتقان ەدىك.
وقيعا • 16 جەلتوقسان, 2023
شاماحان اۋلەتىنىڭ تالايلى تاعدىرى
اياق ارتار كولىگى جوق حالىق جاياۋ-جالپىلاپ تۇرىكمەن جەرىنە قاراي شۇبىردى. بوسقان جۇرتتىڭ قاتارىندا شاماحان اۋلەتى دە بار ەدى. ءبىر رۋلى ەل ۇجىمداستىرۋ زوبالاڭىنان قاشىپ, جەم وزەنى بويىنداعى كىر جۋىپ, كىندىك كەسكەن اتا قونىستان اۋەلى سام بارىپ, ودان جەلتاۋ اسىپ, تۇرىكمەنستان جاعىنا وتكەن.
تاريح • 16 جەلتوقسان, 2023
1986 جىل. جەلتوقساننىڭ ىزعارىندا الاڭعا ادىلدىك ىزدەپ شىعىپ, كەڭەس بيلىگىنىڭ تەپكىسىن كورگەن ورىمدەي بوزبالالار مەن بويجەتكەندەردىڭ ەرلىگى بۇگىنگى جاس ۇرپاققا اڭىز بولىپ ايتىلىپ جۇرگەنى حاق. ازاتتىقتى جاقىنداتا تۇسۋگە سەپ بولعان جەلتوقسان كوتەرىلىسىندە كەرەكۋلىك سايا تورباەۆا دا از تەپەرىش كورمەدى.
