احمەت بايتۇرسىن ۇلى • 01 قاراشا, 2022
اقاڭ مەرەيتويى – تۇركيا تورىندە
ۇلت ۇستازىنىڭ 150 جىلدىق مەرەيتويىنا وراي ءتۇرKسوي اياسىندا ىستامبۇل قالاسىندا «احمەت بايتۇرسىن ۇلى جانە تۇركى وركەنيەتى» اتتى عىلىمي كونفەرەنتسيا ءوتتى. القالى جيىنعا تۇركى مەملەكەتتەرى ۇيىمىنىڭ باس حاتشىسى باعدات امىرەەۆ, تۇركسوي باس حاتشىسى سۇلتان راەۆ, حالىقارالىق تۇركى اكادەمياسى پرەزيدەنتىنىڭ مىندەتىن اتقارۋشى مادجيدلي فيزۋلي, قازاقستان رەسپۋبليكاسىنىڭ تۇركيا رەسپۋبليكاسىنداعى توتەنشە جانە وكىلەتتى ەلشىسى ەركەبۇلان ساپيەۆ, قازاقستان رەسپۋبليكاسىنىڭ ىستامبۇلداعى باس كونسۋلى ءالىم بايەل, ىستامبۇل ۋنيۆەرسيتەتىنىڭ رەكتورى ماحمۋت اك, سونداي-اق وسى شارانى حالىقارالىق دەڭگەيگە كوتەرۋگە اتسالىسىپ جۇرگەن ۆەلوشەرۋشى, اۋدارماشى ەرنات مەلس ۇلى قاتىستى.
رۋحانيات • 01 قاراشا, 2022
تاريحتى عىلىممەن دە, كوركەم ادەبيەتپەن دە زەردەلەگەن
ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە تاريح عىلىمدارىنىڭ دوكتورى, پروفەسسور, جازۋشى تۇرسىنحان زاكەن ۇلىنىڭ عىلىمي شىعارماشىلىعىنا ارنالعان «شىعىس وركەنيەتىن زەرتتەۋدىڭ ءداستۇرى مەن جاڭا پاراديگمالارى» اتتى حالىقارالىق عىلىمي-پراكتيكالىق كونفەرەنتسيا ءوتتى.
رۋحانيات • 01 قاراشا, 2022
«بەكەجان مىرزا, ءسوزدى بولە بەردىڭ عوي» دەگەننەن شىعادى ءبارى. سوناۋ «قىز جىبەك» فيلمىندەگى وسى ءبىر تىركەس ورايى كەلگەندە, ءسوزىمىزدىڭ لامىنە اينالىپ كەتتى. قازاقتىڭ اڭگىمە اراسىنا كيلىگىپ, ادەپتەن اسا قويماعانى وسىنداي كەسەك تۋىندىلاردان بايقالادى. ادەبيەتىنەن, كينوسىنان, تاعى باسقالارىنان ايقۇلاقتانىپ كورىنەدى. بۇل – ءسوزدى بولمەۋ, اڭگىمەگە ورىنسىز كيلىكپەۋ بولسا, ءان-كۇي تىڭداۋشىلار مادەنيەتى دە بار ەمەس پە؟
ونەر • 01 قاراشا, 2022
«كۇلاشپەن كەزدەسۋ – انمەن كەزدەسۋ ەدى» دەپتى قازاقتىڭ بۇلبۇل ءانشىسى كۇلاش بايسەيىتوۆا جايلى تولعانعاندا كومپوزيتور لاتيف حاميدي. ولاي دەۋىنە سەبەپ تە, دالەل دە مول. ويتكەنى ءانشىنىڭ بويىنداعى ساف التىنداي جارقىراعان تۋما تالانت قاي كەزدە دە ونىڭ دارالىعىن تانىتىپ تۇراتىن. كۇلاشتىڭ ءانىن ءبىر تىڭداعان جان بالعا اربالعان اراداي ءۇن قۇدىرەتىنە ماس بولىپ, ءانشىنى قايتا-قايتا تىڭداۋعا بەيىلدى ەدى. ال تالايدى تامساندىرعان سول داۋىس وقۋ-توقۋسىز, تابيعاتتىڭ وزىمەن ءانشى بويىنا دارىعان ايرىقشا دارىن ەكەنىن بىلگەن مۋزىكا ماماندارى سول كەزدىڭ وزىندە-اق ءانشىنىڭ كومەيىنە ۇيا سالعان كوركەم ءۇندى قۇبىلىسقا بالايتىن. ايتپەسە تەاترعا العاش جۇمىسقا قابىلدانعان جىلى وپەرانىڭ نە ەكەنىن بىلمەگەن جاننىڭ ارادا جىلعا جۋىق ۋاقىت وتپەي ساحنانىڭ ناعىز بۇلب ۇلىنا اينالعانى قۇبىلىس ەمەي نەمەنە؟!
كينو • 01 قاراشا, 2022
1945 جىلى حاكىم ابايدىڭ تۋعانىنا 100 جىل تولدى. ءدال وسى ايتۋلى داتاعا بايلانىستى الماتى كوركەم جانە حرونولوگيالىق فيلمدەر ستۋدياسى «اباي اندەرى» ءفيلمىن ءتۇسىرۋدى قولعا الدى. بۇل تۋىندىنى سوعىس جىلدارىندا قازاقستانعا كەلگەن, سول كەزدەگى وداققا تانىمال رەجيسسەرلەر – گريگوري روشال مەن ەفيم ارون ءتۇسىردى. ستسەناريىن زاڭعار جازۋشى مۇحتار اۋەزوۆ جازدى.
