ساياسات • 27 قاراشا, 2022
حالىقتىق كواليتسيانىڭ باستى مىندەتى – پرەزيدەنت رەفورمالارىن ورىنداۋ
قاسىم-جومارت توقاەۆتىڭ رەسپۋبليكالىق قوعامدىق شتابىنىڭ قورىتىندى وتىرىسى ءوتتى. جيىن بارىسىندا ۇگىت-ناسيحات كەزەڭىندە اتقارىلعان جۇمىستار تالقىلاندى.
قوعام • 27 قاراشا, 2022
تەحنيكالىق قۇرالدار مەن وڭالتۋ قىزمەتتەرىن ناشار جەتكىزۋشىلەردى الەۋمەتتىك قىزمەتتەر پورتالىنان شىعارۋ قاجەت. مۇنداي مىندەتتى جەرگىلىكتى اتقارۋشى ورگانداردىڭ الدىنا ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا بيىلعى 10 ايداعى الەۋمەتتىك-ەڭبەك سالاسىنداعى جۇمىس قورىتىندىلارى جونىندەگى كەڭەس بارىسىندا قويدى. اكىمدىكتەر ونى 2023 جىلعا دەيىن شەشۋى كەرەك.
ساياسات • 27 قاراشا, 2022
«حالىقارالىق الەۋمەتتانۋ جانە ساياسات ينستيتۋتى» قوعامدىق قورى جانىنداعى جاس ساراپشىلار مەكتەبى «قاسىم-جومارت توقاەۆتىڭ پرەزيدەنت رەتىندەگى جۇمىسىنىڭ نەگىزگى قورىتىندىلارى: 2019-2022 جىلدار» جانە «2022 جىلعى پرەزيدەنت سايلاۋىنىڭ قورىتىندىلارى» باياندامالارىن تانىستىرىپ, سايلاۋ بارىسىنا قاتىستى زەرتتەۋلەرىمەن ءبولىستى.
قوعام • 27 قاراشا, 2022
كاسىبي جۋرناليستيكا: قاۋىپ-قاتەرلەر داۋىرىندەگى مەديا
اياقتالىپ كەلە جاتقان جىلعا كوز جۇگىرتەر بولساق, بىلتىرعى مەن بيىلعى مەديا قۇرىلتاي اراسىندا تالاي ماڭىزدى وقيعالار ءوتتى. دۇربەلەڭ دۇنيەنىڭ ءار شالعايىنان قىلاڭ بەرىپ جاتقان جاعدايلار, ادام بالاسىن ارا-تۇرا سىلكىلەپ الاتىن تابيعي قۇبىلىستار, ءتۇرلى ساياسي مۇددەلەر وتىن جاققان اينالاداعىلاردىڭ قاقتىعىسى... وسىنداي جاعدايدا كاسىبي جۋرناليستيكا مەن بلوگەرلىكتىڭ ورتاسىندا قالعان وقىرمان جاۋاپكەرشىلىك ارقالايتىن, شىنايى مالىمەتتى جالعان اقپاراتتان قالاي اجىراتادى؟
سۇحبات • 27 قاراشا, 2022
نۇرقانات جاقىپباي, مەملەكەتتىك سىيلىقتىڭ لاۋرەاتى: ءومىرىمنىڭ كرەدوسى – شەڭبەردەن شىعۋ
استانانىڭ تاعى ءبىر اق تاڭى اتتى. تاڭعاجايىپ تەاتر تاڭى. ساحنادا مۇلگىگەن تىنىشتىق. جاستار تەاترىنىڭ ات شاپتىرىم زالىندا نوقاتتاي عانا قارايعان بەينە كوزگە شالىندى. وڭاشاعا وقشاۋلانىپ العان جالقى سۇلبا الىسقا, تىم-تىم الىسقا كوز تىگەدى. ءوزى وسىندا بولعانىمەن, ويى قياندا. ماڭايىندا تىرشىلىك بارىن الدەقاشان ۇمىتقان. ءتىپتى جانىنا جاقىنداپ بارساڭ دا, سەلت ەتەر ەمەس. يىعىنا تۇسكەن ۇزىن شاشىن سالالاپ قويىپ, تەرەڭ ويدىڭ قۇشاعىندا وتىر. ءتىپتى ءبىزدىڭ قاسىنا قالاي كەلگەنىمىزدى دە سەزبەدى بىلەم, توسىننان شىققان ءۇنىمىز ويىن ۇركىتكەندەي, ءسال توسىرقاپ قالدى دا, لەزدە ءوزىن جيناپ الا قويدى. ك ۇلىمسىرەي امانداسىپ, بىردەن: «جاڭا قويىلىمنىڭ پرەمەراسىنا دايىندالىپ جاتىرمىز. ۋ.شەكسپيردىڭ «رومەو-جۋلەتتاسى». بۇل قويىلىم مەنىڭ شەكسپير دراماتۋرگياسىنا جاساعان تاجىريبە-تريپتيحىمنىڭ ءتۇيىنى دەسەم دە بولادى. وسىعان دەيىن «اساۋعا تۇساۋى» مەن «گاملەتىن» ساراپتاسام, ەندىگى كەزەك «رومەو مەن جۋلەتتاعا» كەلدى. كوپتەن بەرى كوڭىل تۇكپىرىندە تولعانتىپ ءجۇر ەدى, مىنە, ەندى كورەرمەنىمەن قاۋىشاتىن دا ءسات جاقىنداپ قالدى. بۇيىرسا, ەرتەڭ پرەمەرا. سپەكتاكلدىڭ ساحناعا شىعار كۇنى جاقىنداعان سايىن مەندە دە مازا جوق. وسىلاي ەلدەن بۇرىن كەلىپ اۋەلى دايىندىق الدىندا ءوزىم وڭاشا قالىپ ويلانامىن, بۇعان دەيىن جاسالعان جۇمىستارعا قايتادان كوز جۇگىرتىپ, ويشا ارتىق-كەم تۇسىن ەكشەپ الامىن دا, سودان كەيىن اكتەرلەرىمدى شاقىرامىن. ءسويتىپ, ءوزىمنىڭ ويىم مەن ولاردىڭ تۇنىمەن ىزدەنىپ دايىندالعان ىزدەنىسىن ءبىر ارناعا توعىستىرىپ, سودان ورتاق شەشىمگە كەلەمىز» دەپ اڭگىمەسىن باستاعان رەجيسسەر تاعى دا ساحنادان كوز الماي, ءۇنسىز قالدى. پرەمەراالدى تولعانىس ءھام تولقىنىس ەكەنىن تۇسىندىك. سانادا سايراپ تۇرعان سانسىز ساۋالىمىزبەن كيلىگىپ, ويىن بولگىمىز كەلمەدى.
