ءبىلىم • 19 قاراشا, 2025
ءبىلىم كەلەشەگى – اباي مەن احمەت تىلىندەگى مەكتەپ
الماتىدا اتا-انالاردىڭ نارازىلىعىن تۋعىزعان مەكتەپ داۋى ءالى شەشىلگەن جوق. «كەلەشەك مەكتەپتەرى» ۇلتتىق جوباسى اياسىندا قالانىڭ بوستاندىق اۋدانىندا سالىنعان №224 مەكتەپ جارعىسىنا سايكەس مەملەكەتتىك تىلدە اشىلۋعا ءتيىس ەدى. الايدا نارازى توپ ءبىلىم ورداسىنىڭ ارالاس مەكتەپ بولۋىن تالاپ ەتىپ وتىر. بالالارىن انا تىلىندە وقىتقىسى كەلەتىن اتا-انالاردىڭ دەنى بۇعان ءۇزىلدى-كەسىلدى قارسى. مەكتەپ تاپشىلىعىنان بالالارىن قاشىققا تاسىپ قاجىعان ولار قازاق تىلىندە اشىلۋىن قالايدى.
جاستار • 19 قاراشا, 2025
جاڭا بۋىننىڭ جاسامپاز باستاماسى
بۇگىندە شەتەلدە ءبىلىم الىپ, كاسىبي تاجىريبەدەن وتكەن قازاق جاستارىنىڭ سانى جەتىپ ارتىلادى. ءبىرى – مەملەكەتتىڭ «بولاشاق» باعدارلاماسى ارقىلى, ەندى ءبىرى – تاباندىلىعى مەن ءوز قاراجاتىنا سۇيەنىپ قانات قاقتى. وسى ازاماتتاردىڭ اراسىندا جيعان-تەرگەن وي قازىناسىن تۋعان ەلدىڭ وركەندەۋىنە جۇمسايمىن دەپ سانالى تۇردە ورالعاندار بار.
مەديتسينا • 19 قاراشا, 2025
جۇرەك اقاۋىن ەمدەۋدىڭ تىڭ ءتاسىلى
قاراعاندى وبلىستىق №2 كوپسالالى اۋرۋحاناسىندا ءوڭىر مەديتسيناسى تاريحىنداعى ايتۋلى وقيعا بولدى. مۇندا العاش رەت ەلەكترودسىز كارديوستيمۋلياتوردى يمپلانتاتسيالاۋ وپەراتسياسى ءساتتى ءوتتى. بۇل – جۇرەك ىرعاعىنىڭ اۋىر بۇزىلىستارىن ەمدەۋدەگى جاڭا بۋىن تەحنولوگياسى, ناۋقاستاردىڭ ءومىر ساپاسىن جاقسارتۋعا باعىتتالعان زاماناۋي شەشىم.
ەكونوميكا • 19 قاراشا, 2025
درونمەن مال باعىپ, GPS-پەن باقىلايدى
پرەزيدەنت قاسىم-جومارت توقاەۆ جاقىندا وتكەن اۋىل شارۋاشىلىعى ەڭبەككەرلەرىنىڭ ەكىنشى فورۋمىندا سالانى تسيفرلاندىرۋدىڭ ماڭىزى تۋرالى توقتالىپ, شىعىندى ازايتىپ, ونىمدىلىكتى ارتتىرۋ ءۇشىن جاڭا تەحنولوگيالاردىڭ مۇمكىندىگىن مەيلىنشە ءتيىمدى پايدالانۋ كەرەك ەكەنى تۋرالى ايتقان ەدى. بۇل باعىتتا ءبىرشاما ىلگەرىلەۋشىلىك بار. ماسەلەن, ارقانىڭ اگرارلىق سالاسى زاماناۋي قۇرال-جابدىقتارمەن تولىعىپ, جۇمىس جۇيەلەنە تۇسكەن. ايتالىق, مالشىلار بۇرىنعىداي جوعىن ىزدەپ, تاۋ-تاس كەزبەيدى. جىلقىسىنىڭ قاي توڭىرەكتە جۇرگەنىن ۇيالى تەلەفونىنان قاراپ, تەز تاۋىپ الادى. بۇل – سمارت-اگرو تەحنولوگيا اكەلگەن يگىلىك.
ءبىلىم • 19 قاراشا, 2025
جۇمىسشى ماماندىقتارىنىڭ الەۋەتى زور
ەلوردادا «جاستار رۋحى» جاستار قاناتىنىڭ ۇيىمداستىرۋىمەن «بولاشاقتىڭ جۇمىسشى ماماندىقتارى» فورۋمى ءوتتى. اۋقىمدى ءىس-شاراعا تەحنيكالىق جانە وندىرىستىك سالالارعا قىزىعۋشىلىق تانىتاتىن, كاسىبي ورلەگىسى كەلەتىن بەس جۇزدەن استام جاس قاتىستى. قاتىسۋشىلار سۇرانىسقا يە ماماندىقتار تۋرالى جان-جاقتى اقپارات الىپ, ساراپشىلاردىڭ كەڭەسىن تىڭدادى. سونداي-اق استاناداعى جەتەكشى جۇمىس بەرۋشىلەرمەن پىكىر الماسىپ, زاماناۋي ءوندىرىستىڭ قالاي جۇمىس ىستەيتىنىن ءوز كوزىمەن كوردى. مەملەكەت باسشىسى قاسىم-جومارت توقاەۆ وتكەن جىلعى جولداۋىندا 2025 جىلدى «جۇمىسشى ماماندىقتارى جىلى» دەپ جاريالاپ, جاستاردىڭ قىزىعۋشىلىعىن ارتتىرۋعا تاپسىرما بەرگەن. «وسى ۋاقىت ىشىندە تەحنيكالىق جانە كاسىبي ءبىلىم جۇيەسىن رەفورمالاۋ قاجەت. ءارى ءبىز جۇمىسشى ماماندىقتارىن دارىپتەۋ ارقىلى قوعامدا ەڭبەكقور جانە ناعىز مامان بولۋ يدەياسىن ناسيحاتتايمىز», دەگەن ەدى پرەزيدەنت. اتالعان ءىس-شارا وسى ماقساتتا ۇيىمداستىرىلىپ وتىر.
