مەديتسينا • 23 قاراشا, 2022
مەكتەپ مەديتسيناسى: ءىس-شارالار اۋقىمى
بالالار دەنساۋلىعى – ەل دامۋىنىڭ ماڭىزدى باسىمدىقتارىنىڭ ءبىرى. بالالار جەڭىلدىك ساناتىنا كىرەدى جانە مەملەكەت ەسەبىنەن ءمامس جۇيەسىندە ساقتاندىرىلعان. بالالارعا مەديتسينالىق ساقتاندىرۋ قورىمەن شارت جاساسقان مەديتسينالىق ۇيىمدار تەگىن مەديتسينالىق قىزمەت كورسەتەدى. 2022 جىلى مەكتەپ مەديتسيناسىنا شامامەن 26,1 ملرد تەڭگە قاراستىرىلعان.
ايماقتار • 23 قاراشا, 2022
تاۋەلسىزدىك ۇرپاقتارى ماراپاتتالدى
شىمكەنت قالاسىندا «تاۋەلسىزدىك ۇرپاقتارى» گرانتىنىڭ جەڭىمپازدارى ماراپاتالدى. وزدەرى دايىنداعان تىڭ جوبالارىن ۇسىنىپ, بايقاۋشىلاردىڭ جوعارى باعاسىن العان تالانتتى جاستارعا 1 ميلليون تەڭگەدەن قارجى ۇلەستىرىلدى. ءىس-شاراعا ارنايى قاتىسقان قالالىق ىشكى ساياسات جانە جاستار ىستەرى جونىندەگى باسقارماسىنىڭ باسشىسى مۇراتجان شوتانوۆ جاستاردى جەڭىستەرىمەن قۇتتىقتاپ, الداعى ىستەرىنە ساتتىلىك تىلەدى.
ايماقتار • 23 قاراشا, 2022
جاقىندا شىمكەنت اگرارلىق-تەحنيكالىق كوللەدجىندە «جۇمىس بەرۋشى كۇنى» ءوتتى. ءىس-شارا تەحنيكالىق جانە كاسىبي ءبىلىم بەرۋ ۇيىمدارىندا ساپالى كادرلاردى دايارلاۋ مەن ولاردىڭ بىلىكتىلىگىن ارتتىرۋ جانە جۇمىس بەرۋشىلەرمەن ارادا بولعان كەلىسىمشارت نەگىزىندە ءوزارا ءىس-قيمىل مەن بايلانىستاردى جاقسارتۋ ماقساتىندا ۇيىمداستىرىلدى. جيىنعا شىمكەنت قالاسى اكىمىنىڭ ءبىرىنشى ورىنباسارى شىڭعىس مۇقان, قالالىق ءبىلىم باسقارماسىنىڭ باسشىسى جانات تاجيەۆا جانە كوللەدجدىڭ الەۋمەتتىك سەرىكتەستەرى قاتىستى.
قازاقستان • 23 قاراشا, 2022
الاش قوزعالىسى تاريحىندا ءاليحان بوكەيحاننىڭ باسشىلىعىمەن ۇلت مۇددەسi جولىندا قالتقىسىز قىزمەت ەتكەن قازاق زيالىلارىنىڭ بiرi – بياحمەت سارسەنوۆ. ول 1885 جىلى بۇرىنعى سەمەي وبلىسىنىڭ زايسان ۋەزiنە قاراستى نارىن بولىسىندا (قازiرگi اقسۋات جەرiندە) داۋلەتتi وتباسىندا دۇنيەگە كەلiپ, 1905-1909 جىلدارى باستاپقىدا سەمەيدەگi مۇعالiمدەر سەمينارياسىنىڭ دايارلىق ءبولiمiن, ودان سوڭ تولىق كۋرسىن ۇزدiك باعاعا بiتiرiپ شىققان جالعىز قازاق ەكەنi, اۋىل مەكتەبiندە بەس جىل ساباق بەرiپ, بالا وقىتقانى, ءۇش جىلداي بولىس بولىپ ەل باسقارىپ, باستاۋىش مەكتەپتەر اشقانى, 1917 جىلعى اقپان توڭكەرiسiنەن كەيiنگi كەزەڭدە الاشوردا ۇكiمەتiنiڭ قۇرامىندا, ال كەڭەس وكiمەتiنiڭ العاشقى جىلدارى حالىق-اعارتۋ سالاسىندا باسشىلىق قىزمەتتەر اتقارعانى, 1921 جىلى جاز ايىندا ورىنبوردا 36 جاسىندا وبا اۋرۋىنان قازا بولعانى ءمالىم (بۇل تۋرالى ولكەتانۋشى قارپىق ەگiزباەۆتىڭ «تاعىلىم» اتتى كiتابىندا كەڭىرەك جازىلعان).
تانىم • 23 قاراشا, 2022
قازاقستاننىڭ اعا جانە ورتا بۋىن مۇعالىمدەرى اراسىندا كەڭەستىك ساياسي قۋعىن-سۇرگىن جىلدارى گرۋزيادا تۋىپ, «جىلىمىق» تۇسىندا پەداگوگيكا سالاسىنا تىڭ ويلار الىپ كەلگەن كسرو پعا اكادەميگى, پسيحولوگيا عىلىمدارىنىڭ دوكتورى, پروفەسسور شالۆا ءاموناشۆيليدى بىلمەيتىندەر كەمدە-كەم. ونىڭ عىلىمي ىزدەنىستەرى 80-جىلداردىڭ اياعىندا كەڭ ناسيحاتتالدى. سەنىمگە, سۇيىسپەنشىلىككە, شىنايى جەتىلۋگە قاتىستى تۇجىرىمدارى ءالى دە وزەكتى. اكادەميك وسى باعىتتا 30-دان اسا مونوگرافيا, ەسسە, وقۋلىق جازىپتى. بۇگىندە 90-نىڭ تورىنە شىقسا دا تىڭ, كۇردەلى قوعام تۋرالى ايتارى دا از ەمەس.پەداگوگيكا ابىزى شالۆا اموناشۆيلي ەلىمىزگە تالاي رەت كەلىپ, ءدارىس وقىعان. بيىل 14 مامىردا رەسپۋبليكالىق «Senimen Bolashaq» اتا-انالار قوعامدىق بىرلەستىگىنىڭ شاقىرۋىمەن الماتىداعى القالى ەلدىك جيىنعا قاتىستى. ەلەۋلى وي-ۇسىنىستارىن ورتاعا سالىپ, قازاقستان پەداگوگتەرىنىڭ ىقىلاسىنا بولەندى. وسى تاريحي كەزدەسۋ-ءدارىستىڭ كۋاسىندەي تاياۋدا «Senimen Bolashaq» قب اكادەميك ش.اموناشۆيلي «ىزگىلىك پەداگوگيكاسى» اتتى ەڭبەگىن تۇڭعىش رەت قازاق تىلىنە اۋدارىپ, وقىرمانعا ۇسىندى («سانالى اتا-انا اكادەمياسى», 2022).تومەندە وقىرمانداردىڭ وتىنىشىمەن شالۆا ۇستازدىڭ الماتى ءدارىسى جازباسىنان جانە اتالعان كىتابىنان ۇزىندىلەردى جاريالاپ وتىرمىز.
