رۋحانيات • 22 قاڭتار, 2020
موڭعول ەلى مەن قازاق ەلىنىڭ ورتاق ماقتانىشىنا اينالعان اسا كورنەكتى مەملەكەت جانە قوعام قايراتكەرى, تانىمال تاريحشى, بىلىكتى مامىلەگەر زاردىحان قينايات ۇلىنىڭ ارامىزدان كەتكەنىنە دە ءتورت جىلدىڭ ءجۇزى بولىپ قالىپتى-اۋ! 1996-2016 جىلدارى ءبىر مەكەمەنىڭ ءبىر بولىمىندە قاتار وتىرعان سىرلاس, مۇڭداس, تاعدىرلاس اعامنىڭ سۇيىكتى بەينەسى, از سوزبەن-اق كوپ وي, الۋان سىرعا تولى تاعىلىمدى اڭگىمەلەردىڭ ءتۇيىنىن تارقاتىپ بەرۋشى ەدى, اسىرەسە تاۋەلسىز قازاق ەلىنىڭ بۇگىنى مەن بولاشاعى تۋرالى ءسوز بولعاندا جايشىلىقتا سىپايى, مومىنتورى بولىپ كورىنەتىن زاقاڭدى تانىماي قالۋشى ەدىك. زاقاڭ سونداي اسا شەتىن تاقىرىپتار جونىندەگى ويلارىن وڭاشا بولمە مەن اسحانا توڭىرەگىندە ەمەس, راديو, گازەت, جورنالداردا, كىتاپتارىندا اشىق-اشكەرە ايتۋدان تارتىنباعانىنا «تاريحقا كوزقاراس» اتتى جيناعىن وقىعان ادامنىڭ كوزى جەتەدى.
ايماقتار • 22 قاڭتار, 2020
سوڭعى جىلدارى قىزىلوردا قالاسىنىڭ اۋقىمى ۇلعايىپ, كوشەلەر كەڭەيدى, ءتۇرلى عيماراتتار بوي كوتەردى. ەڭ باستىسى, قالا تازارا ءتۇستى. ايتپەسە, جەل كوتەرىلسە كوشەدەگى قاعاز بەن تسەللوفان كوكتەگى قۇستارمەن جارىسا جالپىلداي ۇشىپ, كەلگەن قوناقتار الدىندا كوزىمىزبەن جەر شۇقىعان ساتتەرىمىز از بولماعان. قازىر سىرتتان كەلگەندەردىڭ كوپشىلىگى قىزىلوردانى قازاقستانداعى ەڭ تازا قالالار قاتارىنا قوسادى. بۇل ارينە, وبلىس پەن قالا باسشىلىعىنىڭ, ءتيىستى قۇرىلىمدار ەڭبەگىنىڭ جەمىسى.
مەديتسينا • 22 قاڭتار, 2020
يواحيم برويەر: الەۋمەتتىك قامسىزداندىرۋمەن بارشانى قامتۋ كەرەك
الەۋمەتتىك قامسىزداندىرۋ – الەۋمەتتىك قورعاۋ جۇيەسىنىڭ حالىقتىڭ ەڭبەككە جارامسىز بولىگىنىڭ قاجەتتەرىن قاناعاتتاندىرۋعا جانە تۇرمىس دەڭگەيىن قولداۋعا باعىتتالعان تارماعى. مەملەكەت تاراپىنان جۇزەگە اسىپ جاتقان ءتۇرلى الەۋمەتتىك قولداۋلار وسى سالاعا ەنەدى. حالىقارالىق ەڭبەك ۇيىمىنىڭ جانىنان 1927 جىلى قۇرىلعان حالىقارالىق الەۋمەتتىك قامسىزداندىرۋ قاۋىمداستىعى (حاقق) وسى باعىتتا الەمدىك دەڭگەيدە جۇمىس ىستەيدى. شتاب-پاتەرى جەنەۆادا ورنالاسقان ۇيىمعا بۇگىندە الەمنىڭ 320-دان اسا الەۋمەتتىك قامسىزداندىرۋ ۇيىمى مەن مەملەكەتتىك ورگانى مۇشە. بيىل 23 قاڭتاردا حاقق پرەزيدەنتى يواحيم برويەر قازاقستانعا جۇمىس ساپارىمەن كەلمەك. ەلىمىزبەن بىرلەسكەن جوبالاردى جۇزەگە اسىرىپ, مۇمكىندىكتەردى قاراستىرۋدى كوزدەگەن قاۋىمداستىق باسشىسىن الدىن الا اڭگىمەگە تارتقان بولاتىنبىز.
ەكونوميكا • 22 قاڭتار, 2020
«قازاگرو» سىرتقى قارىزىن تولىق وتەدى
«قازاگرو» ۇلتتىق باسقارۋشى حولدينگىنىڭ قارجى ينستيتۋتتارى ارقىلى ەلىمىزدىڭ اگروونەركاسىپ كەشەنىن قارجىلاندىرۋ كولەمى جىل سايىن ارتىپ كەلەدى. بىلتىر «قازاگرو» حولدينگى اگروونەركاسىپ كەشەنى سۋبەكتىلەرىن 477 ملرد-تان استام تەڭگەگە قارجىلاندىردى.
ەكونوميكا • 22 قاڭتار, 2020
ەندىگى ارادا اۋىل شارۋاشىلىعى ەل ەكونوميكاسىنىڭ درايۆەرىنە اينالۋى كەرەك. مەملەكەت باسشىلىعى جۇكتەپ وتىرعان مىندەت – وسى. قالاي, قايتىپ؟.. ەڭ الدىمەن, ءتورت ت ۇلىك مالدىڭ تۇقىمىن اسىلداندىرۋ پارىز. سوڭعى جىلدارى تۇقىمى ازىپ كەتكەن جەرگىلىكتى مالدىڭ جىلىگى تاتىمايتىنى اقيقات. قارا مالدىڭ ىشىندە وڭدىسى دا, قوڭدىسى دا قازاقتىڭ ءتول مالى – اقباس سيىر.
