سۇحبات • 26 قاڭتار, 2021
مامانداردىڭ مالىمدەۋىنشە, الداعى ناۋرىز ايىندا كوروناۆيرۋس قايتا كۇشىنە ەنۋى مۇمكىن. ونىڭ ۇستىنە كوكتەمدە ادام بويىن السىزدىك بيلەيتىن كەزەڭدە ۆيرۋستىڭ ءورشيتىن ادەتى ەكەنىن قاراپايىم ادامدار دا ءوز تاجىريبەسىنەن جاقسى بىلەدى. بۇعان قوسا الەمدى جايلاعان قاۋىپتى ىندەتتىڭ مۋتاتسياعا ۇشىراۋى دا حالىقتى الاڭداتىپ تۇر. وسى رەتتە ەڭ ماڭىزدى جانە ءبارىمىز قۇلاق ءتۇرىپ, ەل بولىپ ەلەڭدەپ وتىرعان اقپارات – الداعى ۋاقىتتا باستالاتىن ۆاكتسينالاۋ ماسەلەسى. دەگەنمەن, ەكپەنىڭ ساپاسىنا نەمەسە ونى ەگۋ-ەكپەۋگە قاتىستى ەكىۇداي كوزقاراس قاپتاعان قوعامدا كوڭىلىمىزدى الاڭداتقان سۇراق كوپ. سول ساۋالداردى دەنساۋلىق ساقتاۋ مينيسترلىگى جانىنداعى قوعامدىق دەنساۋلىق ساقتاۋ ۇلتتىق ورتالىعى «سانيتاريالىق-ەپيدەميولوگيالىق ساراپتاما جانە مونيتورينگ عىلىمي-پراكتيكالىق ورتالىعى» فيليالى ديرەكتورىنىڭ ورىنباسارى مانار اسىرقىزىنا قويدىق.
رۋحانيات • 26 قاڭتار, 2021
ايگىلى «ەرالاش» كينوجۋرنالىنىڭ اكەسى بوريس گراچەۆسكي دۇنيەدەن وزدى. ەسى كىرگەن ءسابي مەن ەڭكەيگەن قارتتىڭ ەزۋىنە كۇلكى ۇيىرگەن كينورەجيسسەردىڭ ەڭبەگى كول-كوسىر. كەڭەستىك كەزەڭنىڭ كوركەم تۋىندىسى ءوز زامانىندا ءار بالانىڭ جۇرەگىنە ۇيا سالدى دەسەك, قاتەلەسپەسپىز. ەركىندىككە قۇمار بالداۋرەن شاقتىڭ بالمۇزداعىنداي ءتاتتى تۋىندىلار ويىنقۇمار جاستىڭ ەرمەگىنە اينالدى. اينالىپ قانا قويعان جوق, سونىمەن بىرگە ەسەيتتى. مىنە, بۇگىن ءبۇتىن ءبىر ءداۋىر كوشكەندەي.
رۋحانيات • 26 قاڭتار, 2021
ءوز بەينەسىنە ءوزى عاشىق سۇلۋ نارتسيسس ۇزاق كۇنگە ايدىنعا قاراۋمەن بولۋشى ەدى. ەڭ اياعىندا سول سۋعا قاتتى ۇڭىلە بەرىپ, باتىپ ولەدى. ال جاعالاۋدا ونىڭ كوز جاسىنان ءوزى اتتاس گۇل ءوسىپ شىعادى. بىراق, وسكار ۋايلد بۇل اڭگىمەنى باسقاشا باياندايدى. نارتسيسس قازا تاپقاندا, ورمان نيمفالارى ايدىننان: – سەن نەگە جىلايسىڭ؟ – دەپ سۇرايدى. – مەن ءنارتسيستى جوقتاپ وتىرمىن, – دەيدى ايدىن. – وعان تاڭ قالۋعا بولمايدى, – دەيدى نيمفالار. – وعان عاشىق ەمەس جان جوق, الايدا ونىڭ سۇلۋلىعىن ەڭ جاقىننان كورگەن جالعىز سەن ەدىڭ, – دەيدى. – ال ول سۇلۋ ما ەدى؟ – دەپ سۇرادى سوندا ايدىن. – بۇل تۋرالى سەنەن ارتىق كىم باعا بەرە الادى؟ – دەپ تاڭ قالىسادى نيمفالار. – سەنىڭ جاعالاۋىڭدا, سەنىڭ سۋىڭا تاڭ اتىپ, كەش باتقانشا قاراپ وتىراتىن سول ەمەس پە ەدى؟ ايدىن ۇزاق ۋاقىت ۇندەمەي, اقىرى بىلاي دەپ جاۋاپ بەرەدى: – مەن ءنارتسيستىڭ سۇلۋ ەكەندىگىن ەشقاشان بايقاماسام دا, ونى جوقتاپ جىلايمىن. سەبەبى, ول مەنىڭ جاعالاۋىما كەلىپ, ماعان ەڭكەيگەن سايىن ونىڭ جانارىنىڭ تۇبىنەن مەن ءوزىمنىڭ اسەمدىگىمدى كورەتىن ەدىم, – دەيدى.
ەكونوميكا • 26 قاڭتار, 2021
زەينەتاقى قاراجاتى: رەفورما ىلگەرى باستى
بيىل 23 قاڭتاردا زەينەتاقى جيناعىنىڭ ءبىر بولىگىن مەرزىمىنەن بۇرىن الۋعا وتىنىشتەر قابىلداۋعا ارنالعان ارنايى سايت جۇمىس ىستەي باستادى. العاشقى كۇنى 129 مىڭ ادام ءوتىنىش بەرىپ, جەتكىلىكتى مولشەردەن اسقان تيىن-تەبەنى ارقىلى جاعدايىن جاقسارتۋعا كىرىستى. سايت قۇرىلىمى الەۋەتتى, العاشقى كۇنى بجزق مەن «وتباسى بانككە» ەش ماسەلە تۋىنداعان جوق. قازىرگى جيناقتاۋشى جۇيەنىڭ ارتىقشىلىعى سالىمشىعا جەكە مۇددەسىنە پايدالانۋعا مۇمكىندىك بەرە الاتىنىمەن ەرەكشەلەنەتىنىن ەل سەزە باستادى.
كينو • 26 قاڭتار, 2021
جاڭا دراما: «تۋعان كۇنىڭىزبەن, اناشىم!»
الماتىدا StartDrama تەاتر لابوراتورياسى فارحاد مولداعاليدىڭ رەجيسسەرلىگىمەن OzgeEpic ونەر كەڭىستىگىندە «تۋعان كۇنىڭىزبەن, اناشىم!» اتتى قويىلىم قويدى. سپەكتاكل جاس جازۋشى الىشەر راحاتتىڭ اتتاس پەساسى جەلىسىندە ساحنالانىپ وتىر.
