رۋحانيات • 09 اقپان, 2021
ساكەننىڭ تۋعان ءىنىسى ءماجيتتىڭ كۇيەۋ بالاسى (ۇلكەن قىزى رىمجاننىڭ كۇيەۋى) قارپىق قۇسايىنوۆ − اۋىل شارۋاشىلىعى عىلىمدارىنىڭ دوكتورى. رۋحاني جاعىنان جان-جاقتى ءبىلىمدى, وي ءورىسى كەڭ, ادەبيەت پەن مۋزىكاعا زەردەلى ەستەت جان. عالىمدار قاۋىمىنىڭ ورتاسىندا بەدەلدى, سىيلى ازامات. زيپا بويىنداعى ىزەتى, پاك سەزىمدى تازالىعى, ىشكى مادەنيەتى جان بىتكەندى جىلى مەيىرمەن باۋرايدى. وسى قاسيەتى كىسىلىك كەلبەتىنە جاراسىپ-اق تۇرادى. بۇل كىسىمەن كوپ ارالاستىم. قيسىنى كەلىپ اڭگىمەلەسە قالسام, ءوزى تۋىپ-وسكەن جاڭاارقا ەلىنىڭ ارعى-بەرگى تاريحىن تۇپتەن تارتىپ, تەرەڭنەن قوزعايدى.
رۋحانيات • 07 قاڭتار, 2021
اباي اقىندىعىنىڭ التىن باستاۋى
اباي ءومىربايانىنىڭ مۇحتار اۋەزوۆ جازىپ قالدىرعان ءتورت نۇسقاسى بار. ۇلى اقىن ون جاسقا كەلگەندە اكەسى سەمەي قالاسىنا اكەلىپ, وقۋعا بەرگەن. بۇدان بۇرىن قىردا دا ابايدىڭ ءبىراز وقىعاندىعى ايتىلادى. اقىندى اۋىلىندا وقىتقان مولدا تۋرالى س.مۇقانوۆ بىلاي دەپ جازادى: «قۇنانباي ابايدى عابيتحان دەيتىن تاتار مولداعا ساباققا بەرەدى. عابيتحان قازان جاقتان 1850 جىلدارى سولداتقا الىنۋدان قاشىپ, قازاق دالاسىنا كەلەدى دە, بالقاش كولىنىڭ شىعىس جاق جيەگىن مەكەندەپ وتىرعان كەرەي رۋىندا ءشۇرشىت اتتى بايعا كوپ توقىرايدى. كەلەسى جىلى كوكشەتاۋ دەيتىن جەردە قۇنانباي كورشىلەس كوپ رۋلاردى شاقىرىپ, ولگەن اكەسى وسكەنبايعا اس بەرەدى.
سۇحبات • 29 جەلتوقسان, 2020
قازاقستانداعى ەكوتۋريزم قورشاعان ورتانى قورعاۋ قۇرالى بولا الادى
ەكولوگيالىق تۋريزم بيوالۋانتۇرلىلىك پەن ەكوجۇيەنى ساقتاۋدىڭ پارمەندى جانە ءتيىمدى قۇرالدارىنىڭ ءبىرى عانا ەمەس, سونداي-اق جەرگىلىكتى حالىقتىڭ تۇرمىسىن تۇزەۋگە ىقپال ەتەتىن تەتىك. وسىعان وراي, قازاقستانداعى بۇۇ دامۋ باعدارلاماسى (بۇۇدب) ەكى اۋقىمدى ءىستى – بيوالۋانتۇرلىلىكتى قارجىلاندىرۋدىڭ جاھاندىق باستاماسى (بيوقجب) مەن ورمان ەكوجۇيەلەرىن ساقتاۋ جوبالارىن جۇرگىزىپ وتىرعانى ايان. ەلىمىزدەگى ەكولوگيالىق ءتۋريزمدى دامىتۋدا بۇۇدب جوبالارى نە اتقاردى, ءتۋريزمنىڭ بۇل ءتۇرىن جولعا قويۋدىڭ تۇيتكىلدەرى قانداي, دەگەن ساۋالدارعا جىل سوڭىندا, بۇۇدب بيوالۋانتۇرلىلىكتى ساقتاۋ جوبالارىنىڭ مەنەدجەرى تالعات كەرتەشەۆ جاۋاپ بەرەدى.
قازاقستان • 23 جەلتوقسان, 2020
قولجازبالار مەن سيرەك كىتاپتار – ۇلتىمىزدىڭ قۇندى مۇرالارى
قولجازبالار مەن سيرەك كىتاپتار – قاي زاماندا دا كيەلى قۇندىلىق, اسىل قازىنا. ءاربىر حالىق مادەنيەتىنىڭ بيىكتىگى مەن ءدىلىنىڭ بەرىكتىگى قۇندى دەرەكتەردىڭ مازمۇنىمەن, ونىڭ كوركەمدىك ساپاسىمەن جانە ساۋاتتىلىعىمەن ولشەنەتىنى انىق. قازاقستان رەسپۋبليكاسى تۇڭعىش پرەزيدەنت – ەلباسى ن.ءا.نازارباەۆتىڭ ءوزى قولداۋ كورسەتىپ, باستاماشى بولعان «مادەني مۇرا» باعدارلاماسى بويىنشا شەتتە جاتقان ءبىراز قۇندىلىقتارىمىز ەلگە كەلگەنىمەن, ءالى دە زەرتتەلمەگەنى قانشاما. مادەني مۇرانىڭ جالعاسى ىسپەتتەس «ارحيۆ - 2025» جوباسىن ىسكە اسىرۋ جونىندەگى 2020 - 2025 جىلدارعا ارنالعان كەشەندى ءىس-شارالار جوسپارى ەلىمىزدىڭ ارحيۆ سالاسىنا ۇلكەن ءبىر سەرپىن بەرە وتىرىپ, ۇلتىمىزدىڭ قۇندى مۇرالارىن عىلىمي دەرەكتەر تۇرعىسىنان باياندى ەتۋدە قولجازبالار مەن سيرەك كىتاپتاردىڭ ماڭىزى ەرەكشە ەكەندىگىنە نازار اۋدارتتى. ەجەلدەن قازىرگە دەيىن ساقتالعان جازبا دۇنيەلەرىمىزدى ۇلىقتاۋ ارقىلى ءبىرتۇتاس ۇلتىمىزدىڭ جارقىن بولاشاعىن قالىپتاستىرۋ – «رۋحاني جاڭعىرۋ» باعدارلاماسىنىڭ بىردەن-ءبىر ماقساتى بولىپ وتىر.
الەم • 23 جەلتوقسان, 2020
«بريۋسسەل اسەرى» تەحنولوگيالىق كومپانيالارعا دا تيەدى
نيۋ-يورك . ەۋروپالىق كوميسسيا تاياۋدا تسيفرلى ەكونوميكاعا قاتىستى نەگىزگى ەرەجەلەردى تانىستىرىپ, تاعى ءبىر جاھاندىق ستاندارتتى ىسكە قوستى. ۇلكەن تەحنولوگيالاردىڭ ىقپالىن ازايتۋعا ارنالعان تسيفرلى قىزمەت اكتى (DSA) جانە تسيفرلى نارىق اكتى (DMA) Apple, Amazon, Facebook, Google جانە باسقا دا اقش-تا ورنالاسقان ۇلكەن كومپانيالاردىڭ بيزنەسكە ىقپالىن تومەندەتۋگە ۇمتىلادى. ەۋروپالىق وداق اتالعان كومپانيالاردى ينتەرنەتتىڭ كۇزەتشىلەرى رەتىندە بەلگىلەپ, ولاردىڭ نارىقتى جاۋلاپ العان بيلىگىنىڭ اسەرىن باقىلاۋعا الۋدى كوزدەيدى.
