ادەبيەت • 10 مامىر, 2023
رومان جۇگى اۋىر جانر ەكەنى وقۋشى قاۋىمعا بەلگىلى جايت. حح عاسىردا قازاق ادەبيەتىنە ولجا سالعان قاداۋ-قاداۋ كوركەم شىعارمالار سول كەزدەگى وقىرمانداردىڭ ءالى كۇنگە دەيىن ەسىندە. ونى قازىر ويشا شولىپ شىقساق, عابيت مۇسىرەپوۆتىڭ اتاقتى «ۇلپانى», ءىلياس ەسەنبەرليننىڭ «قاھارىنان» باستاپ, كوشپەلىلەر ومىرىنە ارنالعان بىرقاتار تۋىندىسى ادەبيەتىمىزدى جاڭا بيىككە كوتەرگەن ەدى. ءابىش كەكىلباي ۇلىنىڭ «ۇركەرى» مەن مۇحتار ماعاۋيننىڭ «الاساپىرانى» ەسىمىزگە العاشقىلاردىڭ ءبىرى رەتىندە ورالادى. ابەكەڭنىڭ (نۇرپەيىسوۆ) «قان مەن تەرىن», ودان كەيىن «سوڭعى پارىزىن» وقىدىق. ءتىزىمدى بۇدان ءارى دە سوزا بەرۋگە بولار ەدى. سونداي-اق قازاق كوركەم ادەبيەتىنە «جاسىل بەلەس», «تۇيەلى ادام», «بالا جىگىت», «قارا جورعا», «بالداقتى ادام» سياقتى سۇبەلى شىعارمالار بەرگەن راحمەتوللا رايىمقۇلوۆاتىڭ ەسىمى دە قۇرمەتكە لايىق دەپ بىلەمىز.
الەم • 10 مامىر, 2023
تەڭىز جاعاسىندا شاشىلعان مارجان تاستاي جارقىراعان, كاسپي بويىنداعى كوزدىڭ جاۋىن الاتىن عاجاپ قالا – باكۋدى ازەربايجاننىڭ باسىنا بىتكەن باق دەپ قانا ەمەس, تۇركى جۇرتىنىڭ جاۋھارى دەپ بىلەمىز. تاريحى باي بۇل جەرگە قانشا مارتە تابانىمىز تيسە دە, تالاي عاسىر بويىنا بۇككەن مول سىرىنا قانىعۋ استە مۇمكىن ەمەس. وسىناۋ اسەم شاھاردىڭ نۇرىنا شومىلىپ, ەكىنشى رەت جولىمىز ءتۇسىپ تۇرسا دا, جاڭا تانىسقان ارۋ قىزعا تامسانعانداي ودان سايىن ءتانتى بولا تۇستىك.
سپورت • 10 مامىر, 2023
بۇقارالىق سپورت جانە ۇلت ساۋلىعى
مەملەكەت باسشىسى قاسىم-جومارت توقاەۆ «ۇلت دەنساۋلىعىن بەكەمدەۋ ماسەلەسى دە وتە وزەكتى. بارلىق جاس ساناتى اراسىندا بۇقارالىق سپورت تۇرلەرىن ناسيحاتتاي بەرۋ كەرەك. بالالار ءۇشىن سپورتتىق ينفراقۇرىلىمنىڭ بارىنشا قولجەتىمدى بولۋىن قامتاماسىز ەتۋ كەرەك. بۇقارالىق سپورتتى دامىتۋ – پيراميداعا اينالۋى قاجەت. ونىڭ باسىنا چەمپيوندار شىقسا, ونىڭ نەگىزىندە ءبىز ساۋ ءارى سانالى ۇرپاقتى, مىقتى ۇلتتى قالىپتاستىرامىز» دەگەن بولاتىن.
تۇلعا • 09 مامىر, 2023
مايداندا بولعاندار ءومىردى, دوستىقتى ەرەكشە قادىرلەيدى. مايدانداس دوستاردىڭ ءبىر-بىرىنە دەگەن قۇرمەتى ەرەكشە بولاتىنى دا سول. ءومىر وتكەلىنىڭ ءبىر مەزەتىندە كەمەلدىڭ ۇيىندە قونا جاتىپ, سىرلاسقان ءساتى كوز الدىنا اربالىپ تۇرا قالعان. وندا ءازىلحان «سوتسياليستىك قازاقستاننىڭ» پاۆلودار وبلىسىنداعى مەنشىكتى ءتىلشىسى بولىپ ىستەيتىن. كەمەل وسى باسىلىمنىڭ جاۋاپتى حاتشىسى ەدى. الىستان كەلگەن دوسىن قولقالاپ, تورىنە شىعارعان. جۇمىس اياعىندا جەتكەن بۇلاردى ورتا بويلى, تالدىرماش دەنەلى, قاراتورى كەلىنشەك ك ۇلىمدەپ قارسى الادى. جايدارىلىعى جۇزىنەن ەسكەن جان ەكەن, اشىق قاباعىنان قوناق كۇتۋگە داعدىلانعان اڭسارلى ادەپ اڭعارىلادى.
وقيعا • 09 مامىر, 2023
رەسمي دەرەككوزگە جۇگىنسەك, قان مايدانعا قازاقستاننان اتتانعانداردىڭ 410 مىڭى قايتا ورالماعان. بۇل جاۋىنگەرلەردىڭ 350 مىڭى قازاق ۇلتىنىڭ وكىلى بولسا, وسىلاردىڭ 271 مىڭى حابار-وشارسىز كەتكەندەر قاتارىندا ەكەن. سول حابارسىز كەتكەن كوپ قازاقتىڭ ءبىرى – قايىرجان تىكشەكەەۆ ەسىمدى جاۋىنگەردىڭ مۇردەسى 2020 جىلدىڭ ناۋرىز ايىندا ۋكراينانىڭ كيەۆ وبلىسىنا قاراستى ماكاروۆسكي اۋدانىنىڭ بوروۆكا سەلوسى ماڭىنان تابىلدى. سول جىلدىڭ قازان ايىندا قازاق جاۋىنگەرىنىڭ سۇيەگى استانا قالاسىنا ۇشاقپەن جەتكىزىلىپ, ەلورداداعى اسكەري-تاريحي مۋزەيدە مارقۇمدى ۇلىقتاۋ ءىس-شاراسى وتكىزىلگەن سوڭ, كىندىك قانى تامعان داۋقارا اۋىلىنداعى اتا-بابا قورىمىنا جەرلەندى. وسىلاي قاتارداعى سولدات قايىرجان تىكشەكەەۆكە 80 جىلدان كەيىن عانا تۋعان جەرىنەن توپىراق بۇيىردى.
