ونەر • 06 قىركۇيەك, 2023
استاناداعى ۇلتتىق مۋزەيدە كورەي سۋرەتشىسى – يلليۋستراتورى ۋ نايوننىڭ «ۋ نايونمەن قازاقستاندا كەزدەسۋ: ەرتەگىلەردەگى حانبوك» اتتى تاماشا كورمەسى اشىلدى. كورمە بولعاندا قانداي, اۋزىڭدى اشىپ, كوزىڭدى جۇماسىڭ. بۇل مازمۇندى ءىس-شارا ىرگەلى ەكى ەل اراسىنداعى مادەني الماسۋ جىلى اياسىندا ۇيىمداستىرىلدى. وعان قازاقستانداعى كورەيا رەسپۋبليكاسى ەلشىلىگىنىڭ كورەي مادەني ورتالىعى مۇرىندىق بولدى.
مادەنيەت • 06 قىركۇيەك, 2023
استانادا روزا باعلانوۆا اتىنداعى «قازاقكونتسەرت» مەملەكەتتىك كونتسەرتتىك ۇيىمىنىڭ 63-كونتسەرتتىك ماۋسىمى اشىلدى. كورەرمەننىڭ كوزايىمىنا اينالعان ونەرپازدار جاڭا ماۋسىمدى ەرەكشە تىنىسپەن, ايرىقشا اسەرمەن باستادى. بىرنەشە كۇنگە سوزىلعان مادەني مەرەكەدە «gala opening» جوباسى اياسىندا تانىمال ارتىستەردىڭ قاتىسۋىمەن گالا-كونتسەرت پەن «Turan» ەتنوفولكلورلىق ءانسامبلىنىڭ «Bridge of Times» بىرەگەي جوباسى ءوتىپ, «دجاز كەشتەرى» حالىقارالىق فەستيۆالى ۇيىمداستىرىلدى.
مادەنيەت • 06 قىركۇيەك, 2023
كوشپەلىلەر مادەنيەتى جايلى تەك كىتاپتان وقىپ, ءتۇرلى تاريحي فيلمدەر ارقىلى كورىپ-بىلدىك دەسەڭىز, قاتتى قاتەلەسەسىز. ەڭسەلى قورعان مەن قالا قاقپاسى. ساۋداسى قىزعان بازار. اينالا تىگىلگەن التى قانات اق وردا. جۇرتشىلىققا ونەرىن پاش ەتكەن سال-سەرىلەر. كەرەك دەسەڭىز, ءبىر ويلاپ قاراعاندا, ساداق اتىپ, باتپان قىلىش كوتەرگەن الىپ باتىرلار دا, كوكپار تارتىپ, تەڭگە ىلگەن, اساۋعا قۇرىق سالىپ, ات جارىستىرعان شاباندوزداردى دا ءبىر جەردەن كورۋ مۇمكىن دەپ ويلاماسسىز. مۇنىڭ ءبارى ۇلىستىڭ ۇلى كۇنى – ناۋرىزدى كوز الدىڭا كەلتىرەتىن كورىنىس ەمەس, شىندىعىندا. ال الماتى حالقى ءۇشىن وتكەندى اڭساۋدان تۋعان قيالي اڭگىمەگە ەش ۇقسامايدى. كەرىسىنشە, تۇركى مادەنيەتىنىڭ جاڭا زامان بەتالىسىنا قاراي جاڭعىرۋىنا كۋا بولعاندايمىز.
پىكىر • 06 قىركۇيەك, 2023
سوزبەن ەمەس, ىسپەن قولداۋ قاجەت
مەملەكەت باسشىسى قاسىم-جومارت توقاەۆتىڭ «ادىلەتتى قازاقستاننىڭ ەكونوميكالىق باعدارى» جولداۋى ەكونوميكالىق جاڭعىرۋعا باعىتتالدى. حالىقتىڭ كوپتەن كۇتكەنى دە ەكونوميكالىق دامۋ ەدى. البەتتە, ىشكى-سىرتقى ساياسي تۇراقتىلىق بولماسا, الەۋمەتتىك-ەكونوميكالىق دامۋ مۇمكىن ەمەس. ەڭ باستىسى پرەزيدەنت جولداۋلارىندا ايتىلعان ماسەلەلەر جەرگىلىكتى جەرلەردە شەشىمىن تابۋى كەرەك.
تۋريزم • 06 قىركۇيەك, 2023
تۋريزم: الەۋەت پەن ارەكەتتىڭ اراسى
جىلداعى ءداستۇر بويىنشا پارلامەنت پالاتالارىنىڭ بىرلەسكەن وتىرىسىندا پرەزيدەنت قاسىم-جومارت توقاەۆ «ادىلەتتى قازاقستاننىڭ ەكونوميكالىق باعدارى» اتتى قازاقستان حالقىنا جولداۋىن جاريالادى. ەل دامۋىنا سەرپىن بەرەتىن بۇل قۇجات نەگىزىنەن ەكونوميكالىق سيپاتتا ءوربىدى. پرەزيدەنت بۇل تۋرالى «ناعىز دامىعان ەل بولامىز دەسەك, ساياسي رەفورمالارمەن شەكتەلىپ قالماۋىمىز كەرەك. وسى جۇمىستى تۇبەگەيلى جانە جان-جاقتى الەۋمەتتىك-ەكونوميكالىق رەفورماعا ۇشتاستىرۋ قاجەت», دەپ ناقتى ماقسات پەن مىندەتتەردى ايقىنداپ بەردى. «وسىنداي اسا ماڭىزدى شاقتا زور ەكونوميكالىق سەرپىلىس جاساۋعا ەلىمىزدىڭ تولىق مۇمكىندىگى بار. ول ءۇشىن ءبىز بىرتىندەپ جاڭا ەكونوميكالىق ۇلگىگە ءوتۋىمىز كەرەك. بۇل جۇمىستى باتىل جۇرگىزۋىمىز قاجەت. باستى ماقسات – قاعاز جۇزىندەگى بيىك جەتىستىكتەرگە قول جەتكىزۋ ەمەس, شىن مانىندە حالىقتىڭ تۇرمىس ساپاسىن جاقسارتۋ بولۋعا ءتيىس», دەدى.
