تانىم • 29 قاراشا, 2023
اقتوبەدە عۇن ارحەولوگياسى ماسەلەلەرىنە ارنالعان «حالىقتاردىڭ ۇلى قونىس اۋدارۋى قارساڭىنداعى دالالىق تايپالار» اتتى حالىقارالىق عىلىمي-تاجىريبەلىك كونفەرەنيا ءوتتى. ءا.مارعۇلان اتىنداعى ارحەولوگيا ينستيتۋتى مەن اقتوبە وبلىسىنىڭ مادەنيەت, ارحيۆتەر جانە قۇجاتتاما باسقارماسى, وبلىستىق تاريحي-ولكەتانۋ مۋزەيى بىرلەسە ۇيىمداستىرعان جيىندا عۇن كەزەڭى تالقىلاندى. عۇندار ءداۋىرى – قازاقستان تاريحىنىڭ اقتاڭداعى, وسى كەزگە دەيىن تاريحشىلارىمىز سول زاماندى حالىقتاردىڭ ۇلى قونىس اۋدارۋ كەزەڭى دەپ جەتكىلىكتى زەرتتەمەي كەلدى. جىل ساناۋىمىزدىڭ العاشقى بەس عاسىرىندا قازاق دالاسىندا ساق-سارمات تايپالارىمەن بىرلەسە كۇشتى وداق قۇرىپ, قارا تەڭىز, كاۆكاز, قىرىمنان اسىپ, شىعىس ەۋروپاعا دەيىن يمپەريا قۇرعان عۇن تايپالارىنىڭ ەسكەرتكىشتەرى قازاق دالاسىنىڭ بارلىق ايماعىنان تابىلىپ جاتىر. سونىڭ الدىڭعى قاتارىندا اقتوبە وبلىسى ويىل اۋدانىنداعى سورلاقمولا وباسى مەن ماڭعىستاۋ وبلىسىنداعى عۇنداردىڭ قاراقاباق پورتى جانە التىنقازعان قونىستارى تۇر.
قوعام • 29 قاراشا, 2023
كەيدە وقىرماندار تاراپىنان: «جازۋشىلار بۇگىنگى ومىردەگى كورىنىستەردى, قوعامداعى قۇبىلىستاردى, جازعاننان گورى وتكەن تاريحي تۇلعالار, وقيعالار تۋرالى كوبىرەك قالام تەربەيدى», دەگەن پىكىردى ەستيمىز. ءبىر جاعىنان, بۇل پىكىردىڭ دە جانى بار. ويتكەنى وقىرمان شىعارمادان ءوز ءداۋىرىنىڭ بەينەسىن كورگىسى كەلەدى. بىراق ونى جازۋ وڭاي ەمەس. الايدا بۇگىنگى ادامداردىڭ جان-دۇنيەسىندە نە بولىپ جاتىر, ولاردىڭ قوعامعا, ومىرگە كوزقاراسى قانداي دەگەن ساۋالدارعا جاۋاپ بەرەتىن كوركەم تۋىندى جازىپ جۇرگەن جازۋشىلار دا جەتەرلىك. سونىڭ ءبىرى – قۋاندىق تۇمەنباي. قارىمدى قالامگەردىڭ كىتاپتارىمەن ەرتەدەن تانىس بولعاندىقتان با, ونىڭ كەز كەلگەن حيكاياتىندا بولسىن, شاعىن اڭگىمەسىندە بولسىن, سومدالعان كەيىپكەرلەر – كادىمگى ءوزىمىز كۇندە كورىپ جۇرگەن قاراپايىم ادامدار بەينەسى. سولاردىڭ باسىنان وتكەن مۇڭى مەن قايعىسى, قيىندىعى مەن قۋانىشى كوركەم شىندىقپەن ءورىلىپ, اق پاراققا مولدىرەپ تۇسە قالعان.
قوعام • 29 قاراشا, 2023
قاراشانىڭ باسىندا ادىلەت ءمينيسترى ازامات ەسقاراەۆ ۇكىمەت وتىرىسىندا المانىڭ اپورت سورتىن برەند رەتىندە بەكىتىلگەنىن حابارلادى. ونىڭ ايتۋىنشا, مەنشىكتەپ العالى تۇرعانداردىڭ قاتارىندا اپورتتان وزگە قىمىز, قۇرت, كوجە, سونداي-اق مال تەرىسى دە بار. قازىر بۇلاردى پاتەنتتەۋ بويىنشا جۇمىستار ءجۇرىپ جاتىر. اپورتتى 13 قازاندا وتاندىق برەند دەپ تىركەتىپ قويعان, ەندى ونى حالىقارالىق دەڭگەيدە تىركەتۋ ءۇشىن قۇجاتتار ازىرلەنىپ جاتىر. ال ساراپشىلار بۇل شەشىم وسى سورتتىڭ حالىقارالىق نارىقتا تانىلۋىن جانە شىنايىلىعىن ارتتىرۋعا ىقپال ەتەتىنىن ايتادى.
ماسەلە • 29 قاراشا, 2023
ورتالىق ازياعا ورتاق سۋ ماسەلەسى
ورتالىق ازيادا سۋ تاپشىلىعى ماسەلەسىنىڭ كۇردەلەنىپ بارا جاتقانى ءجيى ايتىلا باستادى. يرريگاتسيالىق ينفراقۇرىلىمنىڭ پايدالانۋ ۋاقىتى 50 جىلدان اسىپ كەتكەن. سۋارىلاتىن القاپتاردىڭ 50 پايىزىنان كوبى تۇزدانعان. سۋدىڭ 40 پايىزى سۋاراتىن كانالدارعا ءسىڭىپ كەتەدى ەكەن.
سپورت • 29 قاراشا, 2023
سكانديناۆيا تۇبەگىندە گاندبولدان ايەلدەر اراسىنداعى الەم چەمپيوناتىنىڭ شىمىلدىعى ءتۇرىلدى. دانيا, نورۆەگيا جانە شۆەتسيانىڭ بىرقاتار شاھارىندا ءوتىپ جاتقان جارىستا 32 مەملەكەتتىڭ وكىلدەرى ونەر كورسەتىپ جاتىر. سولاردىڭ قاتارىندا قازاقستاننىڭ ۇلتتىق قۇراماسى دا بار.
