ۇلتتىق سپورت • 08 اقپان, 2024
كوشپەلىلەر ويىندارىنا دايىندىق قالاي؟
اڭگىمەنىڭ القيسساسى تۇركياداعى IV دۇنيەجۇزىلىك كوشپەلىلەر ويىندارىنان باستالدى. ەكى جىل بۇرىن كورىكتى يزنيك شاھارىنىڭ قاق تورىندە, دالىرەك ايتساق, 2022 جىلدىڭ 3 قازانىندا تۇركيانىڭ جاستار جانە سپورت ءمينيسترى مەحمەت كاساپوگلۋ ءدۇبىرلى دودانى قورىتىندىلاپ تۇرىپ, 102 مەملەكەت وكىلدەرى الدىندا «ەندىگى V دۇنيەجۇزىلىك كوشپەلىلەر ويىندارىن وتكىزۋ قۇرمەتىنە باۋىرلاس قازاق جۇرتى يە بولدى», دەپ سالتاناتتى تۇردە جاريالاعان ەدى. اقجولتاي حابار ءبىر دەمدە الاش دالاسىن ارالاپ كەتتى. سونىمەن, مىنە, ويداعى جوسپاردىڭ ورىندالار كۇنى دە جاقىنداپ قالدى. ابىرويىمەن قاتار جاۋاپكەرشىلىگى دە زور الاماندى وتكىزۋگە دايىندىعىمىز قالاي؟ 4 مىڭعا جۋىق سپورتشىمەن سىنعا تۇسەتىن ۇلتتىق قۇرامامىز قالاي جاساقتالىپ جاتىر؟
قىسقى سپورت • 31 قاڭتار, 2024
قازاق سپورتى جىلدان-جىلعا دامىپ كەلە جاتىر. ايتسە دە كۇرمەۋى شەشىلمەگەن ماسەلەلەر ءالى دە كوپ. جازعى وليمپيا ويىندارىندا جاقسى ناتيجە كورسەتسەك تە, قىسقى سپورت دودالارىندا قىنجىلىپ قالاتىنىمىز راس. قارجىنى بولگەنمەن, قورجىنى تولماي قايتاتىن سپورتشىلارىمىز ءۇمىتتى نەلىكتەن اقتاي الماي جاتىر؟ مەملەكەتتىڭ ەڭ باعالى كاپيتالى دەنى ساۋ ۇرپاق بولسا, كاسىبي سپورتپەن شۇعىلدانۋ ءۇشىن بالالارعا بارلىق جاعداي جاسالعان با؟
رۋحانيات • 23 قاڭتار, 2024
شىعىس پوەزياسىنىڭ تانىمدىق تامىرىنا ۇڭىلسەك, جاراتۋشىمەن بولمىس بىرلىگىنە ۇمتىلعان ليريكالىق «مەندى» بايقايمىز. وت پەن كوبەلەك, گۇل مەن بۇلبۇل سەكىلدى كانوندىق وبرازدار اقىن جانىنىڭ ءابسوليۋتتى اقيقاتقا تالپىنىسىن بەينەلەيدى. وسى جولدا كۇللى رۋحانيات ساتىلارىن باعىندىرعان كىسى «كامالي ينسان» نەمەسە «تولىق ادام» دەپ اتالادى. ءدال وسى ساتىدا ول ءۇشىن پەندەلىكتىڭ پەردەسى اياقتالىپ, ادام – قۇداي اراسىنداعى شەكارا جويىلادى دا, ەكى بولمىس ءبىر بۇتىنگە اينالادى. ابايدىڭ ء«اربىر حاقيقاتقا تىرىسىپ, يجديھاتىڭمەن كوزىڭ جەتسە, سونى تۇت, ولسەڭ ايىرىلما» دەگەن كونتسەپتۋالدى يدەياسى دا وسى ويدى قۋاتتايدى. ناتيجەسىندە اقيقاتپەن تۇتاسقان كەمەل رۋح ەندى تاڭىرلىك دياپازوننان ءۇن قاتا باستايدى. قىسقاشا ايتساق, قۇدايدىڭ اتىنان سويلەيدى. ەندى اتالعان دوكترينانىڭ اقىن شىعارماشىلىعىنان قالاي كورىنىس تاباتىنىنا توقتالايىق. زامانىندا «مەن – حاقپىن» دەگەن ايگىلى ۇستانىمى ءۇشىن وپات بولعان ميستيك شايىر مانسۇر حاللاج بەن «وزىمە ءوزىم تابىنام» دەپ جىرلاعان ماعجان جۇماباەۆ اراسىنداعى رۋحاني ۇندەستىك تاڭعالدىرماي قويمايدى.
