زەردە • 24 قاڭتار, 2024
ق.جۇبانوۆ اتىنداعى اقتوبە وڭىرلىك ۋنيۆەرسيتەتىندە «اقتوبە وڭىرىندەگى كەڭەستىك قۋعىن-سۇرگىن: تىڭ دەرەكتەر جانە زەرتتەۋ ناتيجەلەرى» تاقىرىبىندا وتكەن جيىندا ەلىمىزدىڭ باتىس وبلىستارى تاريحشىلارى مەن ولكەتانۋشىلارى زەرتتەۋلەرىمەن ءبولىستى. اقتوبە وبلىسى بويىنشا ساياسي قۋعىن-سۇرگىن قۇرباندارىن تولىق اقتاۋ جونىندەگى وڭىرلىك كوميسسيا مۇشەلەرى حالىق كوتەرىلىستەرى, كۇشتەپ ۇجىمداستىرۋ جانە بوسقىندار, 30-جىلدارداعى اشتىق, الاش يدەياسىن جاقتاۋشىلار, ءدىن وكىلدەرى, اسكەري تۇتقىندار, قازاقستانعا كۇشتەپ كوشىرىلگەندەر بويىنشا زەرتتەۋ جۇرگىزدى. اقتوبە وبلىستىق پوليتسيا دەپارتامەنتى ارنايى ارحيۆىنەن 617 قىلمىستىق ءىس, وبلىستىق ارحيۆتەن 17 611 ءىس زەرتتەلدى. ناتيجەسىندە, مەملەكەتتىك كوميسسيا قاراۋىنا 3 850 ادامدى اقتاۋ ۇسىنىلدى. مۇنىمەن ءبىر كەزدە اقتوبە وڭىرىندەگى 1916-1930 جىلدارداعى كوتەرىلىس وشاقتارى جانە قازا تاپقاندار جەرلەنگەن توعىز ورىن, اشتىقتا ولگەندەر كومىلگەن ون ءتورت ورىن انىقتالدى. كونفەرەنتسيادا ىشكى ساياسات باسقارماسىنىڭ باسشىسى ءلاززات ورازباەۆا كوميسسيا جۇمىسى قورىتىندىسى بويىنشا ازىرلەنگەن «اقتوبە وڭىرىندەگى شارۋاشىلىق-ساياسي ناۋقاندار», «اقتوبە وڭىرىندە بايلاردىڭ, كۋلاكتاردىڭ, ورتا شارۋالاردىڭ قۋدالانۋى», «قاسىرەتتى جىلدار زوبالاڭى» ارحيۆتىك-قۇجاتتار جيناقتارىن, «رۋحاني بولمىستى كۇيرەتۋ جانە ءدىن وكىلدەرىن قۋدالاۋ ساياساتى», «اقتوبە وبلىسىنا كۇشتەپ جەر اۋدارىلعان ۇلت وكىلدەرى: تاريحى مەن تاعدىرى» اتتى مونوگرافيالاردى تانىستىردى.
ايماقتار • 14 قاڭتار, 2024
ۇلەسكەرلەر ۇيلەرىن الا الماي ءجۇر
تۇرعىن ءۇي قۇرىلىس كومپانيالارىنا قاراجات سالعان 540 اقتوبەلىك ۇلەسكەر بىرنەشە جىلدان بەرى پاتەرلەرىنە قول جەتكىزە الماي كەلەدى. بۇل ىستە جۇرتتىڭ 3,5 ملرد تەڭگەسىن يەلەنگەن 11 كومپانيانىڭ كىناسى بار.
قوعام • 09 قاڭتار, 2024
تۇتىنۋشىلىق نەسيە قارىزى ەكى ەسە وسكەن
ءماجىلىس توراعاسىنىڭ ورىنباسارى دانيا ەسپاەۆا ۇلتتىق بانكتىڭ اقتوبە بولىمشەسىندەگى ەكىنشى دەڭگەيلى بانكتەر مەن ميكرونەسيە ۇيىمدارىنىڭ باسشىلارىمەن كەزدەسۋىندە قارىز الۋشىلاردىڭ قۇقىعىن قورعايتىن جاڭا زاڭ جوباسى تۋرالى ايتتى.
قوعام • 20 جەلتوقسان, 2023
ءسابيدى ساۋىقتىراتىن باعدارلاما
اقتوبە وبلىسىندا اۋتيزم دەرتىنە شالدىققان 600 بالا بار. ولاردىڭ جاس ايىرماشىلىقتارى دا ءارتۇرلى. وسى بالالاردىڭ اتا-اناسى ءبىراز جىلدان بەرى ارنايى بالاباقشا اشۋ قاجەتتىگىن كۇن تارتىبىنە كوتەرىپ كەلەدى. ويتكەنى ءسابيدىڭ اۋتيستىك سپەكترى بۇزىلعانى نەعۇرلىم ەرتەرەك انىقتالسا, سوعۇرلىم ماماندار كومەگىمەن قالىپتى ورتاعا بەيىمدەۋ مۇمكىندىگى جوعارىلايدى. بالا قاتارىنان قالىپ قويماسىن دەپ شىرىلداپ جۇرگەن انانىڭ دا تىلەگى وسى.
دەنساۋلىق • 11 جەلتوقسان, 2023
قازىرگى كەزدە اقتوبە وبلىسىندا قىزىلشامەن ناۋقاستانعان 207 ادام اۋرۋحانالارعا جاتقىزىلدى. وبلىستىق دەنساۋلىق ساقتاۋ باسقارماسىنىڭ سوڭعى دەرەگى بويىنشا جۇقپالى دەرتتىڭ وسى تۇرىنە شالدىققانداردىڭ 36-سى – ەرەسەك ادامدار, 189-ى – نەگىزىنەن 3 جاسقا دەيىنگى سابيلەر.
تانىم • 29 قاراشا, 2023
اقتوبەدە عۇن ارحەولوگياسى ماسەلەلەرىنە ارنالعان «حالىقتاردىڭ ۇلى قونىس اۋدارۋى قارساڭىنداعى دالالىق تايپالار» اتتى حالىقارالىق عىلىمي-تاجىريبەلىك كونفەرەنيا ءوتتى. ءا.مارعۇلان اتىنداعى ارحەولوگيا ينستيتۋتى مەن اقتوبە وبلىسىنىڭ مادەنيەت, ارحيۆتەر جانە قۇجاتتاما باسقارماسى, وبلىستىق تاريحي-ولكەتانۋ مۋزەيى بىرلەسە ۇيىمداستىرعان جيىندا عۇن كەزەڭى تالقىلاندى. عۇندار ءداۋىرى – قازاقستان تاريحىنىڭ اقتاڭداعى, وسى كەزگە دەيىن تاريحشىلارىمىز سول زاماندى حالىقتاردىڭ ۇلى قونىس اۋدارۋ كەزەڭى دەپ جەتكىلىكتى زەرتتەمەي كەلدى. جىل ساناۋىمىزدىڭ العاشقى بەس عاسىرىندا قازاق دالاسىندا ساق-سارمات تايپالارىمەن بىرلەسە كۇشتى وداق قۇرىپ, قارا تەڭىز, كاۆكاز, قىرىمنان اسىپ, شىعىس ەۋروپاعا دەيىن يمپەريا قۇرعان عۇن تايپالارىنىڭ ەسكەرتكىشتەرى قازاق دالاسىنىڭ بارلىق ايماعىنان تابىلىپ جاتىر. سونىڭ الدىڭعى قاتارىندا اقتوبە وبلىسى ويىل اۋدانىنداعى سورلاقمولا وباسى مەن ماڭعىستاۋ وبلىسىنداعى عۇنداردىڭ قاراقاباق پورتى جانە التىنقازعان قونىستارى تۇر.
قۇقىق • 05 قاراشا, 2023
«Qnet»-ءتى ۇيىمداستىرۋشى سوتتالدى
اقتوبە قالاسىنىڭ №2 سوتىندا قارجى پيراميداسىن قۇرۋ جانە وعان باسشىلىق ەتۋ, قىلمىستىق جولمەن الىنعان قارجىنى زاڭداستىرۋ ايىبىمەن اقتوبەلىك كەلىنشەككە قاتىستى قىلمىستىق ءىس قارالدى.
ەڭبەك • 04 قازان, 2023
وتكەن جىلدىڭ اياعىندا جەرگىلىكتى ماڭىزعا يە ورقاش ورمان جانە جانۋارلار دۇنيەسىن قورعاۋ مەكەمەسى قۇرىلدى. بۇل – اقتوبە وبلىسىندا سەگىزىنشى بولىپ قۇرىلعان تابيعات قورعاۋ مەكەمەسى. وعان تەمىر ورمان شارۋاشىلىعىنان 57 469 گەكتار جەر ءبولىنىپ, مەكەمە كەڭسەسى مۇعالجار اۋدانىنىڭ قاراكول اۋىلىندا ورنالاساتىن بولدى.
رۋحانيات • 02 قازان, 2023
«تەمىر ناركومنىڭ» سوڭعى كۇندەرى
تۇركسوي ۇيىمىنىڭ شەشىمىمەن 2023 جىل مەملەكەت جانە قوعام قايراتكەرى تەمىربەك جۇرگەنوۆ جىلى بولىپ جاريالانعان-دى. وسىعان وراي قازاق جانە كىندىك ازيا مەملەكەتتەرىنىڭ وقۋ-اعارتۋ سالاسى مەن مادەنيەتىن دامىتۋعا ولشەۋسىز ۇلەس قوسىپ, 39 جاسىندا ستاليندىك قۋعىن-سۇرگىن قۇربانى بولعان كورنەكتى تۇلعانىڭ 125 جىلدىعى اقتوبەدە اتالىپ ءوتتى. ءىس-شاراعا الماتىدان ۇزاقباي ق ۇلىمبەتوۆتىڭ قىزى, قازاقستاننىڭ ەڭبەك سىڭىرگەن قايراتكەرى, ارداگەر ۇستاز ورىنشا قارابالينا-قازىباەۆا, جازۋشى زەينەپ احمەتوۆا ارنايى كەلدى. اقتوبە قالاسىنداعى ۇزاقباي ق ۇلىمبەتوۆ اتىنداعى №64 جانە باۋىرجان مومىش ۇلى اتىنداعى №62 مەكتەپتەردە «باۋكەڭنىڭ ءتالىمى» تاقىرىبىندا وقۋشىلاردىڭ ورىنشا جانە زەينەپ اپايلارمەن كەزدەسۋى ءوتتى. ىرعىز اۋدانىندا وسى توپىراقتان ونگەن ءۇش ارىس –تەلجان جامانمۇرىنوۆ, ۇزاقباي ق ۇلىمبەتوۆ, تەلجان شونان ۇلىنا ارناپ اس بەرىلدى.
زەردە • 14 قىركۇيەك, 2023
تەمىر اۋدانى ءشيلىسۋ وزەنى بويىندا ءحىح عاسىردىڭ سوڭىندا اقتوبە وڭىرىندە بىرنەشە جەردەن مەشىت-مەدرەسە سالعان كورنەكتى رۋحاني ۇستاز, ءدىن قايراتكەرى دوسمۇحامەد (دوسجان) يشان قاشاق ۇلىنىڭ مەموريالدىق كەشەنى اشىلدى. ەلىمىزدىڭ باتىس ولكەسىندە ءدىني-اعارتۋشىلىق قىزمەتپەن اينالىسىپ, ەلگە ۇستاز بولا بىلگەن جۇزدەگەن حازىرەت, احۋن, يشان ەسىمدەرى وتارلاۋ كەزەڭىندە تاسادا قالدى.
