تۋريزم • 27 ناۋرىز, 2024
الماتىنىڭ عانا ەمەس, قازاقستاننىڭ جاۋھارىنا بالاناتىن «شىمبۇلاق» تاۋ-شاڭعى كۋرورتىنىڭ اشىلعانىنا – بيىل 70 جىل. جەتى بەلەس بەدەرىندە تالايدىڭ تابانى تيگەن ءتاڭىرتاۋدىڭ جوتاسىندا دۇنيەنىڭ ءتورت تارابىنان جەتكەن جۋرناليست شاڭعىشىلار دا كەلىپ سىرعانادى. ءوز ەلىنە ولار قازاقستاننىڭ «شىمبۇلاعى» تۋرالى كوپ سىردى, كەرەمەت اسەردى ارقالاي اتتانعانى انىق.
ءداستۇر • 22 ناۋرىز, 2024
بيىل قوڭىر كۇزدە استانا قالاسىندا V دۇنيەجۇزىلىك كوشپەلىلەر ويىندارى وتەدى. 20 سپورت تۇرىنەن 110 مەدال جيىنتىعى ءۇشىن دوداعا كىرەتىن سپورتشىلار اپتا بويى ەلوردانى دۇبىرگە بولەيدى. 10 جىل بۇرىن قىرعىزستان ەلى باس بولىپ ۇيىمداستىرعان العاشقى الامان 10 ۇلتتىق ويىن تۇرىنەن عانا ۇيىمداستىرىلسا, ەكى جىلدان كەيىن وتكەن دالا دوداسىنا 26 سپورت تۇرىنەن 62 ەلدىڭ سپورتشىلارى قاتىستى. 2022 جىلى تۇركيانىڭ يزنيك قالاسى ءسان-سالتاناتىن اسىرا وتكىزگەن دۇنيەجۇزىلىك كوشپەلىلەر ويىندارىنا 102 ەلدەن 3 مىڭنان اسا سپورتشى قاتىسىپ, 13 سپورت تۇرىنەن مەدالدار جيىنتىعىن ءبولىستى. جىلدان-جىلعا جاڭارىپ, تۇلەپ, تۇرلەنىپ كەلە جاتقان كوشپەلىلەر ويىندارى بۇگىندە قاي قۇرلىققا دا ءماشھۇر. بيىل ءبىزدىڭ ەلدە بولاتىن ۇلى دالا دوداسىنا ىنتا تانىتقان ەلدەردىڭ قاتارى 100-دەن الدەقاشان اسىپ كەتتى.
ۇلتتىق سپورت • 20 ناۋرىز, 2024
بۇگىن – ۇلتتىق سپورت كۇنى. بىلتىر ۇلتتىق سپورت تۇرلەرىنەن ساڭلاقتار 12 حالىقارالىق سايىسقا قاتىسىپ, 95 مەدال يەلەندى, ونىڭ ىشىندە 35-ءى – التىن جۇلدە. ۇلتتىق سپورت تۇرلەرىن دامىتۋدىڭ 2029 جىلعا دەيىنگى تۇجىرىمداماسى ازىرلەنىپ, سالانى ورىستەتەتىن كادرلار دايارلاۋدىڭ باعدارلاماسى دا بەكىتىلدى. ۇلتتىق سپورت تۇرلەرىنەن مەكتەپ اشۋ ءىسى دە قولعا الىندى.
ۇلتتىق سپورت • 20 ناۋرىز, 2024
« ۇلى دالا جورىعىنىڭ» رۋحاني ءمانى زور
V دۇنيەجۇزىلىك كوشپەلىلەر ويىندارىنىڭ اياسىندا ۇلتتىق سپورت قاۋىمداستىعىنىڭ مۇشەسى – «Joryq» ات سپورتى فەدەراتسياسىنىڭ مۇرىندىق بولۋىمەن ەلەۋلى ءىس-شارا وتەدى. ول – بيىل ءۇشىنشى رەت ۇيىمداستىرىلاتىن « ۇلى دالا جورىعى» رەسپۋبليكالىق مارافونى. ۇلتتىق سپورت كۇنى قارساڭىندا وسى جوبانىڭ اۆتورى باقىتجان تۇرلىبەكوۆپەن ارنايى كەزدەسىپ, رەسپۋبليكالىق ىرىكتەۋ جارىسىنا دايىندىق بارىسى تۋرالى اڭگىمەلەسكەن ەدىك.
تۋريزم • 14 ناۋرىز, 2024
ماڭعىستاۋ – ەلىمىزدەگى ءتۋريزمدى دامىتۋعا الەۋەتى زور وبلىستاردىڭ ءبىرى. وسى سالانى ورىستەتۋگە قولايلى وندىققا كىرەتىن وڭىردە ەتنوتۋريزمنىڭ دە سالماعى باسىم. تاسىن تۇرتسەڭ, تاريحتى اقتاراتىن دالالىق مەشىتتەردى كورۋگە ىنتىق تۋريستەردىڭ شوعىرى دا قالىڭ. بىراق جاقىندى الىس ەتەتىن جول ازابى سىندى ينفراقۇرىلىمنىڭ اقساۋى ءوڭىردىڭ ەتنوتۋريزمنەن تۇسەتىن تابىسىن جۇقارتىپ تۇر.
قوعام • 12 ناۋرىز, 2024
ۇلتتىق ستاتيستيكا بيۋروسىنىڭ مالىمەتىنشە, 0–17 جاس ارالىعىنداعى مۇگەدەكتىگى بويىنشا تىركەۋدە تۇراتىنداردىڭ قاتارى ارتىپ بارادى. 2010 جىلى مۇگەدەك ەسەبىندە تىركەۋدە تۇرعان بالالاردىڭ سانى 49 349 بولسا, 2022 جىلعى دەرەكتە 104 260 ادامعا جەتكەن. توبە قۇيقاڭدى شىمىرلاتاتىن تسيفر. وكىنىشتىسى, جىل وتكەن سايىن ەرەكشە بالالاردىڭ قاتارى ارتقانىمەن, ولارعا ەم-دوم قوندىرىپ, مەديتسينالىق كومەك كورسەتەتىن وڭالتۋ ورتالىقتارى تەك مەگاپوليستەردە عانا بار. باتىستاعى وڭىرلەردەن بالاسىن باس قالاعا, بولماسا الماتىعا اپارىپ ەمدەتۋ اتا-اناعا اۋىر تيەتىنى انىق.
ايەل الەمى • 08 ناۋرىز, 2024
بەكزادا ونەردىڭ ۇلىعى سانالعان قۇسبەگىلىكتىڭ شىققان تەگى, ءتۇپ-تامىرى تۋراسىندا تالاس توقتاعان ەمەس. تاريحتان ەسكەن اڭىزدىڭ جەلىسى جوشى حاننىڭ 3 مىڭ, حان ابىلايدىڭ 500 بۇركىتى مەن 300 قارشىعاسى, سۇڭقارى بولعانىن بايان ەتەدى. قۇبىلاي حاننىڭ ساياتشىلىققا سالاتىن قىراندارىن باپتايتىن 10 مىڭ قۇسبەگىسى بولعانى ايتىلادى. قۇسبەگىلىك ونەر قازاق قىزدارىنا دا قونعانىن ايگىلەپ جۇرگەن ارۋلار شوعىرى قالىڭداپ كەلە جاتقانى قۋانتادى. قۇسبەگى قازاق قىزىنىڭ ەسكەرتكىشى قۇمنان قاشالىپ ەۋروپا قۇرلىعىندا قاسقايىپ تۇر.
تۋريزم • 03 ناۋرىز, 2024
تۋريزم جانە سپورت مينيسترلىگى 2019 جىلدان بەرى توپ-10 باسىم تۋريستىك اۋماقتى دامىتۋ بويىنشا جۇمىس اتقاردى. سودان بەرى ايماقتاردىڭ الەۋەتىن سالماقتاي وتىرىپ ءتىزىم ۇزارىپ, تۋريزم كلاستەرىن دامىتۋعا تاپتىرماس ورىنداردىڭ قاتارى ەكى ەسەگە ارتتى. ەندى پرەمەر-ءمينيستردىڭ تاپسىرماسى بويىنشا تۋريستىك الەۋەتى باسىم 20 ايماقتىڭ ءتىزىمى شىقتى.
سۇحبات • 16 قاراشا, 2023
باۋىرجان تاحاۋوۆ: يران قۇراماسىن ەڭسەرۋ مۇمكىن بولمادى
قىتايدىڭ حانچجوۋ قالاسىندا وتكەن ءىV جازعى ازيا پاراويىندارىندا وتىرىپ وينايتىن ۆولەيبول سپورتىنان ۇلتتىق قۇراما كۇمىس مەدال ولجالادى. ماقساتتى مەجە – ازيا پاراويىندارىنىڭ التىن جۇلدەسى ەدى. باۋىرجان تاحاۋوۆ باستاعان باپكەرلەر جىگىتتەردى جاني وتىرىپ, 1994 جانە 1998 جىلدارى جەتكەن جەتىستىكتى قايتالاۋعا بارىن سالۋعا سەندىرگەن, بىراق بۇيىرمادى. بىلىكتى مامان جانىبەك ساۋرانباەۆ باپتاعان جىلدارى وتىرىپ وينايتىن ۆولەيبولدان ۇلتتىق قۇراما ويىنشىلارى (سول كەزەڭدە كوماندادا باۋىرجان تاحاۋوۆ تا وينادى – رەد.) چەمپيوندىق تۇعىرعا ەكى مارتە كوتەرىلدى. مىنە, سودان كەيىن ارادا 25 جىل وتكەندە جازعى ازيا پاراويىندارىنىڭ فينالىنا شىعىپ, ازۋى التى قارىس, داڭقى جەر جارعان يران قۇراماسىنا ەسە جىبەردى. ەندىگى دودا – كەلەسى جىلى وتەتىن پاريج جازعى پاراليمپياداسى. باس باپكەرمەن ديدارلاسىپ, ازيا پاراويىندارىندا جىگىتتەردىڭ قانداي قايرات قىلعانىن, نە جەتىسپەگەنىن سۇرادىق.
