ساياسات • 23 قازان, 2023
كىتاپحاناشى – مەرەيلى ماماندىق
كىتاپ وقيتىن ۇلتتىڭ رۋحانياتى دا, مادەنيەتى مەن ادەبيەتى دە بەرىك بولارى ءسوزسىز. ادامزاتتى يگىلىككە باستايتىن, اقىل-ويدىڭ تامىرشىسى كىتاپقا دەگەن قوعامنىڭ قۇرمەتى دە ارقاشان بيىك بولماق. وسى رەتتە رۋحاني ورداعا بالانعان كىتاپحانالار مەن ولاردىڭ شىراقشىسىنا اينالعان كىتاپحاناشىلاردىڭ ءرولى باسىم. مەملەكەت باسشىسى قاسىم-جومارت توقاەۆ كىتاپحانالار مەن كىتاپحاناشىلاردىڭ جاعدايىنا, زاماناۋي ساپاسىنا, اقىلدى ۇلت قالىپتاستىرۋ جولىنداعى جوسپارىنا ەرەكشە ماڭىز قويىپ, توقتالىپ وتىر. بيىل ەكىنشى رەت تويلانىپ جاتقان كىتاپحاناشىلار كۇنى – وسى سالاعا دەگەن سىندارلى ءىستىڭ ناتيجەسى.
جاستار • 22 قازان, 2023
جاستار زەرتحاناسى – جاڭا مۇمكىندىك
24 قازان – كىتاپحاناشى كۇنى مەرەكەسىنە وراي مادەنيەت جانە اقپارات مينيسترلىگىنىڭ قولداۋىمەن, ۇلتتىق اكادەميالىق كىتاپحانانىڭ ۇيىمداستىرۋىمەن رەسپۋبليكالىق «جاس كىتاپحاناشى 2023: جاڭا مۇمكىندىكتەر ۋاقىتى» اتتى جاستار لابوراتورياسى ءوتتى. ەلىمىزدەگى مەملەكەتتىك كىتاپحانالاردىڭ جاس كىتاپحاناشىلارى قاتىسقان ىسكەرلىك كەزدەسۋدىڭ ماقساتى – سالاعا كەلگەن جاستاردىڭ ماماندىققا دەگەن سۇيىسپەنشىلىگى مەن كاسىبي بىلىكتىلىگىن شىڭداۋ, ءوزارا تاجىريبە الماسۋىنا ىقپال ەتۋ, ىسكەرلىك قابىلەتتەرىن دامىتۋ بولدى.
ادەبيەت • 19 قازان, 2023
بيىل عاسىرلىق تويى اتاپ ءوتىلىپ جاتقان كورنەكتى جازۋشى تاحاۋي احتانوۆتىڭ «قاھارلى كۇندەردەگى» اتاققۇمار ءۋاليدى, «ماحاببات مۇڭىنداعى» جاۋاپسىز نيازدى, «بورانداعى» ادىلەتسىز قاسبولاتتى, جاۋىز بەلسەندى جاپپاسبايدى بىلمەيتىن وقىرمان كەمدە-كەم. بۇل كەيىپكەرلەردىڭ ءبارى دە سىنشىل سۋرەتكەردىڭ تۋىندىلارىنداعى ءومىر شىندىعىنىڭ قاراما-قايشىلىقتى سيپاتىن بەرەدى. سول ۋاقىتتىڭ اقيقاتى مەن جالعانىن, سول قوعامنىڭ داڭقى مەن داقپىرتىن, دەرتىن كورسەتەدى. سويتە تۇرا اۆتور قالامى ليريكالىق سىرشىلدىق سارىننان دا الىس ەمەس. ءتىپتى جازۋشىنىڭ ادام جانىنىڭ تەرەڭ يىرىمدەرىنە ءۇڭىلىپ, ءۇمىتى مەن وكىنىشىن, سەزىمى مەن اسەرىن قوزعايتىن كەي شىعارمالارىن كوپ جۇرت بىلە بەرمەيدى. سوناۋ 1960 جىلى جازىلعان شاپ-شاعىن «ول سولاي ەدى» اڭگىمەسى دە وقىرمانعا بەيمالىم بولۋى مۇمكىن.
بايقاۋ • 19 قازان, 2023
ەلىمىزدە Umai-2023 ۇلتتىق سىيلىعىنا قاتىسۋعا ءوتىنىم قابىلداۋ باستالدى. ايتۋلى شىعارماشىلىق تابىستارى مەن ۇزدىك جەتىستىكتەرى ءۇشىن كاسىبي شىعارماشىلىق ۇجىمدار مەن جەكەلەگەن ونەر قايراتكەرلەرىن قولداۋعا باعىتتالعان بايقاۋ وسىمەن ەكىنشى رەت وتكىزىلىپ وتىر. ايتا كەتەيىك, مادەنيەت جانە اقپارات مينيسترلىگىنىڭ قولداۋىمەن, بيىل سىيلىقتار مەن جالپى جۇلدە قورى ەداۋىر ۇلعايدى.
تۇلعا • 17 قازان, 2023
جازۋشى ەڭبەگىنىڭ سالماعىن ەشكىم ولشەي الماس, ءسىرا. جازۋ – ازاپ, جازۋ – مەحنات, ءتىپتى ء«تاتتى تامۇق». جازۋشى ءۇشىن جازۋدان قيىن ءھام جازۋدان وڭاي دۇنيە جوق سەكىلدى. «ادەبيەتتى اردىڭ ىسىنە» بالاعان بۇل قاۋىم ارقاشان ادەبيەتتىڭ ادىلەتىن كورە بەرمەيدى. اتاق-داڭق, ماراپات پەن قوشەمەت جانىن جەپ جازعان قالامگەردىڭ بارىنە بۇيىرمايتىنىن دا تاريح دالەلدەدى. ال لايىقتى جازۋشى ەڭبەگى ەلەنىپ, مويىندالىپ جاتسا, قالامنىڭ قۇدىرەتىنە كوزىڭ جەتە تۇسەدى. القيسسا.
ونەر • 17 قازان, 2023
قازىر تالانتتى جاندار الەۋمەتتىك جەلى ارقىلى تەز تانىلاتىن بولدى. كورەرمەنىن دە سول كەڭىستىكتەن تاۋىپ جاتادى. تاسادا جۇرگەن شىعارماشىل ادامدارعا بۇل تىم جاقسى امال ەكەنىن بايقاپ وتىرمىز. ماسەلەن, ەل استاناسىنداعى Forte Kulanshi Art Space گالەرەياسىندا ءوتىپ جاتقان Qazaq Content اتتى كورمە الەۋمەتتىك جەلىلەردە ەرەكشە قارقىنمەن تاراپ, كوپشىلىكتى تاڭعالدىردى. كورمەدە اسەل سابىرجانقىزى, شالقار قابدەش پەن الماس نۇرعوجاەۆتىڭ تۋىندىلارى قويىلعان. كەسكىندەمە, گرافيكا جانە ءمۇسىن ونەرىندەگى تۋىندىلار كوپتىڭ كوزىن جاۋلادى. اسىرەسە تاريحتا ءىز قالدىرعان ايەلدەر بەينەلەنگەن يران, تۇرىك كىلەمدەرىن كورۋگە اعىلعان جۇرتتى كوردىك. ءبىز دە باردىق.
كينو • 17 قازان, 2023
كوپشىلىككە تانىمال «كەلىنجان-2» كومەدياسى 19 قازاننان باستاپ كينوتەاترلاردان كورسەتىلە باستايدى. پروديۋسەر گۇلنۇر ماماساريپوۆانىڭ ايتۋىنشا, ستسەناريدە قىزىقتى وقيعالار كوپ, ءتىپتى الدىڭعى تۇسىرىلگەن ءبىرىنشى فيلمنەن دە ەرەكشە شىققان.
قوعام • 17 قازان, 2023
ازەربايجاننىڭ شۋشا قالاسىندا تۇركسوي-دىڭ تۇراقتى كەڭەسىنىڭ 40-وتىرىسى ءوتتى. وتىرىسقا تۇركسوي باس حاتشىسى سۇلتان راەۆ, ۇيىمعا مۇشە مەملەكەتتەردىڭ وكiلدەرi قاتىستى.
مادەنيەت • 15 قازان, 2023
قازاق وركەسترىنىڭ جاڭا ماۋسىمى
ەركەعالي راحماديەۆ اتىنداعى مەملەكەتتىك اكادەميالىق فيلارمونيانىڭ قازاق وركەسترى XXVII كونتسەرتتىك ماۋسىمىن «استانا – ونەر ورداسى» باعدارلاماسىمەن اشتى. سازدى كەشتە قازاق جانە الەم كومپوزيتورلارىنىڭ تاڭداۋلى شىعارمالارى ورىندالدى.
ونەر • 12 قازان, 2023
ول ءمۇسىن جاساۋعا بالا كەزىنەن قۇمارتتى. سودان بەرى قولى سازدان ارىلعان جوق. ءار ءمۇسىنىن اياقتاعان سايىن بۇل ونەردىڭ قىر-سىرىن ەندى تانىعانداي, شەبەرلىگىن شىڭداپ كەلەدى. وزىندىك كوزقاراسى مەن تالعامى تۋىندىلارىنان كورىنىپ-اق تۇرادى: الاششىلدار, زيالىلار, تۇلعالار... ول تالاي مارتە جاساپ وتىرعان ءمۇسىنىن بۇزىپ, قايتا سوعىپتى. ويىنداعى سول ءبىر بەينە, سول مىنەز ءوز دەڭگەيىنە جەتكەنشە شەبەرحانادان شىقپايدى. جۇمىسىنا, ەڭ الدىمەن, ونەر دەپ قارايدى. ءار جاڭا ءمۇسىنى كورگەن كوزدى دە قۋانتادى. ول جالاقىسى كوپ قىزمەتتى تاستاپ, تۋعان جەرىنە ورالىپ, تۋعان توپىراعىنىڭ تۇلعالارىن جاڭعىرتىپ ءجۇر. سەمەيدەگى ەل پرەزيدەنتى قاسىم-جومارت توقاەۆ ارنايى بارىپ اشقان اباي مەن ۇلدارىنىڭ, مۇحتار اۋەزوۆ پەن قايىم مۇحامەدحانوۆتىڭ, استاناداعى قالامگەرلەر اللەياسىنا قويىلعان الاش ارىستارى – ءاليحان, احمەت, مىرجاقىپقا ارنالعان مەموريالدىڭ دا اۆتورى سول شەبەر. ءبىزدىڭ كەيىپكەرىمىز – «سەمەي-قولا» مۇسىندىك قۇيۋ ءوندىرىسىنىڭ ديرەكتورى, سۋرەتشى-ءمۇسىنشى نۇربول قاليەۆ.
