سپورت • 16 ناۋرىز, 2022
كەشە يوردانيانىڭ استاناسى – امماندا بوكستان جاسوسپىرىمدەر مەن جاستار اراسىنداعى ازيا بىرىنشىلىگى اياقتالدى.
اۋىر اتلەتيكا • 15 ناۋرىز, 2022
الەم چەمپيوناتىنىڭ كۇمىس جۇلدەگەرى الماس وتەشوۆ: قوعامعا كەرەكسىز بولعانىما قىنجىلامىن
قازىرگى كەزدە كوپشىلىك كوزىنەن تاسا قالىپ, قاراپايىم عانا تىرشىلىك كەشىپ جاتقان الماس وتەشوۆتىڭ سپورت سالاسىندا ءبىراز بەلەستى باعىندىرعانىن جۇرت جاقسى بىلەدى. ول – الەم چەمپيوناتىندا جەڭىس تۇعىرىنا كوتەرىلگەن قازاقتىڭ تۇڭعىش اۋىر اتلەتى. الماس 2013 جىلى پولشانىڭ ۆروتسلاۆ قالاسىندا كۇمىس مەدالدى موينىندا جارقىراتتى. وسى جەتىستىگىنىڭ ارقاسىندا قازاقستان رەسپۋبليكاسىنا ەڭبەك سىڭىرگەن سپورت شەبەرى اتاندى. وتەشوۆكە دەيىن بۇل مارتەبەلى اتاق بىردە-ءبىر قانداسىمىزعا بۇيىرماعان ەدى. ءدال وسى ناتيجەنى كەلەسى جىلى اقش-تىڭ حيۋستون قالاسىندا قايتالادى. بىراق وسى جارىستان كەيىن قانداسىمىزعا «دوپينگ قولداندى» دەگەن ايىپ تاعىلدى. سونىڭ سالدارىنان ول امەريكادا جەڭىپ العان جۇلدەسىنەن ايىرىلىپ قانا قويماي, ۇلكەن سپورتتان ءتورت جىلعا شەتتەتىلدى.
سپورت • 14 ناۋرىز, 2022
تاتاميدەگى تابىسىمىز قاشان ەسەلەنەدى؟
دزيۋدو كۇرەسى كۇنشىعىس ەلىندە ءحىح عاسىردىڭ سوڭىندا پايدا بولعانىمەن, ول تەك حح عاسىردىڭ ەكىنشى جارتىسىندا عانا الەمنىڭ كوپتەگەن ەلىندە كەڭىنەن قانات جايدى. جاپوندار ونى دامىتۋ ءۇشىن بارىن سالدى. جۇيەلى تۇردە ناسيحات جۇمىستارى جۇرگىزىلىپ, قىسقا عانا مەرزىم ارالىعىندا وزدەرى ويلاپ تاپقان ونەردى حالىقارالىق ارەناعا الىپ شىقتى. ناتيجەسىندە, 1956 جىلى توكيوداعى ايگىلى كuramae Kokugikan سپورت كەشەنىندە تۇڭعىش رەت الەم چەمپيوناتى ۇيىمداستىرىلسا, 1964 جىلى ول وليمپيا ويىندارىنىڭ باعدارلاماسىنا ەندى. بۇگىنگى تاڭدا حالىقارالىق دزيۋدو فەدەراتسياسى (IJF) – بارلىق بەس قۇرلىقتاعى 198 مەملەكەتتىڭ ۇلتتىق فەدەراتسيالارىنىڭ باسىن بىرىكتىرىپ وتىرعان الەمدەگى ەڭ بەلدى سپورتتىق ۇيىمداردىڭ ءبىرى.
سپورت • 10 ناۋرىز, 2022
كەڭەس وداعى داۋىرىندە قازاقستاننىڭ ەركىن كۇرەس شەبەرلەرى تولاعاي تابىسقا قول جەتكىزە المادى. ونى مويىنداۋعا ءتيىسپىز. ماسەلەن, 1945-1992 جىلدار ارالىعىندا 47 مارتە جەلبىرەگەن كسرو چەمپيوناتتارىندا جەرلەستەرىمىز نەبارى 8 التىن, 10 كۇمىس جانە 12 قولا مەدالدى ەنشىلەدى. بارلىعى – 30 جۇلدە. سول تۇستا رەسەي, ۋكراينا جانە بەلارۋستىڭ بالۋاندارى تالاي بيىك بەلەستەردەن كورىندى. قارسى كەلگەندەردى قوعاداي جاپىرعان قاپ تاۋىنىڭ وكىلدەرى دە وزدەرىنىڭ مىقتىلىعىن تۇبەگەيلى مويىنداتتى. ارا-تۇرا بالتىق جاعالاۋى ەلدەرىنەن دە ارىندى اپايتوستەر شىقتى. بىراق بىزگە ونداي باق بۇيىرمادى. كۇرەستىڭ بۇل تۇرىندە قازاقتىڭ ءبىر نەسىبەسى كەم بولعانى انىق.
سپورت • 10 ناۋرىز, 2022
ارالاس جەكپە-جەك الەمىندەگى ەڭ ۇزدىك بەس پروموۋشەننىڭ ءبىرى – رەسەيدىڭ اسا ليگاسى الداعى ايلاردا جەڭىل سالماقتا كۇش سىناسىپ جۇرگەن ەڭ مىقتى سەگىز سپورتشىنىڭ باسىن قوسىپ, جاقسى ءبىر جارىستىڭ جالاۋىن جەلبىرەتۋدى كوزدەپ وتىر. سول ءدۇبىرلى دودادا ءبىزدىڭ ارتەم رەزنيكوۆ تا ونەر كورسەتەدى.
كۇرەس • 03 ناۋرىز, 2022
جەڭىستى جول جالعاسىن تاپسا يگى
كەزىندە كسرو حالىقتارى سپارتاكياداسى دەپ اتالاتىن ءدۇبىرلى دودا ءتورت جىلدا ءبىر ۇيىمداستىرىلىپ تۇراتىن. سول ارقىلى بۇرىنعى وداقتاس 15 رەسپۋبليكادا وسى سالا قالاي دامىپ جاتقانىن انىق اڭعارۋعا بولاتىن. كەڭەس وداعىنىڭ بودانىندا بولعان مەملەكەتتەردىڭ بارلىعى دا وتكەن عاسىردىڭ توقسانىنشى جىلدارىنىڭ باسىندا تاۋەلسىزدىك الىپ, حالىقارالىق جارىستارعا دەربەس كوماندا رەتىندە قاتىسا باستادى. سودان بەرى زىمىراپ 30 جىل وتە شىقتى.
سپورت • 01 ناۋرىز, 2022
تۇركيانىڭ ىستانبۇل قالاسىندا كۇرەس تۇرلەرىنەن وتكەن ياشار دوعۋ, ۆەحبي ەمرە جانە حاميت كاپلاننىڭ مەموريالىن جەرلەستەرىمىز 9 جۇلدەمەن قورىتىندىلادى.
سپورت • 28 اقپان, 2022
ناۋرىز ايىنىڭ باسىندا اقش-تىڭ پەنسەلۆانيا شتاتىنداعى «حەرشيپارك-ارەنادا» وتكەن ويىندى تاماشالاۋ ءۇشىن ادەتتەگىدەن الدەقايدا از ادام جينالدى. سەبەبى, قالادا تاڭ اتا سەبەلەپ جاڭبىر جاۋىپ, كۇن كۇرت سۋىتىپ كەتكەن ەدى. دەسەك تە سول 4 124 كورەرمەنگە تاريحي ءساتتىڭ كۋاسى بولۋ باقىتى بۇيىردى. دامىلسىز ءارى قارقىندى شابۋىلمەن وتكەن ماتچ 169:147 ەسەبىمەن الاڭ يەلەرىنىڭ پايداسىنان شەشىلدى. ياعني, ەكى كوماندانىڭ ناتيجەلەرىن قوسا العاندا, ولار 316 ۇپايعا يەلىك كەتتى. ودان بولەك, «فيلادەلفيا ۋورريورزدىڭ» ەڭ بەلدى ويىنشىسى ۋيلت چەمبەرلەن بۇل باسەكەدە ۇبق-نىڭ بەس بىردەي رەكوردىن جاڭارتتى. سول كورسەتكىشتەردىڭ تورتەۋىنىڭ كۇنى بۇگىنگە دەيىن مۇرتى بۇزىلماي تۇر. ۋيلتتىڭ تابىستارىنىڭ ىشىندەگى ەڭ كەرەمەتى – «نيۋ-يورك نيكسكە» قارسى كەزدەسۋدە 100 ۇپاي جيناۋى. وعان دەيىن دە رەكوردتىق ناتيجە ءدال سول باسكەتبولشىعا تيەسىلى ەدى. 1961 جىلدىڭ 8 جەلتوقسانىندا «لوس-اندجەلەس لەيكەرسپەن» شەبەرلىك بايقاسقان كەزدە چەمبەرلەن 78 ۇپاي ەنشىلەدى. ارادا ءۇش اي وتپەي جاتىپ, امەريكالىق جۇلدىز 100 ۇپايلىق مەجەگە جەتتى. ءبىر عاجابى, بويى كوك تىرەگەن باسكەتبولشى وسى ويىندا 63 رەت دوپتى شىعىرشىققا لاقتىرىپ, سونىڭ 36-سى نىساناعا ءدوپ ءتۇستى. 32 ايىپ دوبىنىڭ 28-ءىن مۇلتىكسىز ورىندادى. وسىلايشا, ونىڭ ەسىمى باسكەتبولدىڭ داڭق زالىندا التىن ارىپتەرمەن جازىلدى. ۋيلت چەمبەرلەن 1936 جىلدىڭ 21 تامىزىندا اقش-تىڭ فيلادەلفيا قالاسىندا دۇنيەگە كەلدى. ونىڭ بويى – 216 سانتيمەتر, سالماعى – 125 كيلو. 1959-1968 جىلدار ارالىعىندا ۋيلت ءوزىنىڭ تۋعان جەرىندە جاساقتالعان كوماندانىڭ نامىسىن قورعادى. 1968-1973 جىلدارى «لوس-اندجەلەس لەيكەرستىڭ» جەيدەسىن كيدى. ەكى رەت ۇبق چەمپيونى اتانىپ, ءتورت رەت ەڭ قۇندى ويىنشى دەپ تانىلدى. «جۇلدىزدار ماتچىندا» 13 مارتە ونەر كورسەتتى. ودان دا باسقا كوپتەگەن تولاعاي تابىستارعا قول جەتكىزدى. ءار كەزدەسۋ بارىسىندا ورتا ەسەپپەن 40-50 ۇپايدى قورجىنعا سالىپ وتىردى. ۇبق تاريىحىنداعى ەڭ ۇزدىك سۇرمەرگەندەر تىزىمىندە چەمبەرلەن جەتىنشى ورىندا تۇر. ۋيلتتىڭ الدىن تەك لەبرون دجەيمس, كاريم-ابدۋل دجاببار, كارل مەلوۋن, كوبي برايانت, مايكل دجوردان جانە ديرك نوۆيتسكي سىندى اتتارى اڭىزعا اينالعان ويىنشىلار عانا وراي الدى. ۇبق جارىستارىندا كەيىپكەرىمىز بارلىعى 31 419 ۇپايدى ەنشىلەدى. چەمبەرلەننىڭ كورسەتكىشى تاياۋ ارادا جاڭارۋى ەكىتالاي. ويتكەنى ودان كەيىنگى ۋاقىتتا ويىن الاڭىندا جاسىنداي جارقىلداعان تالاي تانىمال تۇلعالاردىڭ بىردە-بىرەۋى ونىڭ رەكوردىنا ماڭايلاي دا العان جوق. ۋيلتتان كەيىنگى ەڭ جاقسى ناتيجە كوبي برايانتقا تيەسىلى. 2006 جىلدىڭ 22 قاڭتارىندا «تورونتو رەپتورسقا» قارسى ماتچتا «لوس-اندجەلەس لەيكەرستىڭ» سەركەسى وتە تاماشا ويىن ورنەگىن كورسەتىپ, مول ولجاعا كەنەلدى. بىراق اتاعى جەر جارعان برايانتتىڭ ءوزى 81 ۇپايلىق مەجەدەن اسا المادى. ۋيلت چەمبەرلەن 1999 جىلدىڭ 12 قازانىندا 64 جاسقا قاراعان شاعىندا ۇزاق ۋاقىتقا سوزىلعان اۋىر ناۋقاستان قايتىس بولدى.
سپورت • 28 اقپان, 2022
بەيجىڭدە وتكەن قىسقى وليمپيا ويىندارىنىڭ شايبالى حوككەيشىلەر سايىسىندا سلوۆاكيا قۇراماسى ءوز تاريحىندا تۇڭعىش رەت قولا مەدال يەلەنگەنى بەلگىلى. كانادالىق مامان كرەيگ ەدۆارد رەمزي جەتەكشىلىك ەتكەن كوماندانىڭ ساپىندا نۇر-سۇلتاننىڭ «بارىس» كلۋبىنىڭ شابۋىلشىسى توماش يۋرچو دا ونەر كورسەتتى. ال ءبىز سول ويىنشى جايىندا نە بىلەمىز؟
سپورت • 28 اقپان, 2022
بۇل كۇندەرى تۇركيانىڭ ىستانبۇل قالاسىندا كۇرەس تۇرلەرىنەن ياشار دوعۋ, ۆەحبي ەمرە جانە حاميت كاپلان سىندى داڭقتى بالۋانداردى ەسكە تۇسىرۋگە ارنالعان حالىقارالىق تۋرنير ءوتىپ جاتىر. اتالعان جارىستا الەمنىڭ كوپتەگەن مەملەكەتىنەن كەلگەن دۇلدۇلدەرمەن قاتار ءبىزدىڭ ەلدىڭ ورەندەرى دە باق سىناۋدا.
