بالعىن بىلعارى قولعاپ شەبەرلەرىنىڭ باسەكەسىندە جەرلەستەرىمىز التى رەت جەڭىس تۇعىرىنىڭ ەڭ بيىك ساتىسىنا كوتەرىلدى. اتاپ ايتساق, ايدار قادىرحان (52 كيلو), تورەحان سابىرحان (57 كيلو), احمەت ۇسەن (63 كيلو), سانجار-ءالي بەگاليەۆ (66 كيلو), ارۋجان جاڭاباەۆا (66 كيلو) جانە قۇرالاي ەگىنبايقىزى (80 كيلو) سىندى ۇلدار مەن قىزدار التىن مەدالداردى مويىندارىندا جارقىراتتى. جاستار اراسىنداعى جارىستا جەتى باس جۇلدە بۇيىردى. ونىڭ يەگەرلەرى – توميريس مىرزاقۇل (52 كيلو), ۆيكتوريا بايدۋكوۆا (54 كيلو), ۇلجان سارسەنبەك (57 كيلو), باقىت سەيدىش (66 كيلو), كاميلا باجبەنوۆا (81 كيلو), ەگور ەگوروۆ (71 كيلو) جانە تەمىرلان مۇقاتاەۆ (86 كيلو).
جاسوسپىرىمدەر مەن جاستار قۇراماسىنىڭ ناتيجەلەرىن قوسا العاندا, مەدالدار سانى بويىنشا قازاقستان قۇراماسىنىڭ الدىنا ەشكىم تۇسە العان جوق. ءبىزدىڭ ورەندەر 44 مەدالعا يەلىك ەتتى. ونىڭ 13-ءى التىن, 14-ءى كۇمىس جانە 17-ءسى قولا. دەسەك تە, جالپىكوماندالىق ەسەپتە ءۇشىنشى ورىندا قالىپ قويدىق. ويتكەنى وزبەكستاننىڭ قورجىنىندا 20 جانە ءۇندىستاننىڭ ەنشىسىندە 15 باس جۇلدە بار.
