وڭتۇستىك قازاقستان وبلىسىندا مايدانگەرگە قۇرمەت كورسەتىلدى

شىمكەنت. 12 مامىر. وڭتۇستىك قازاقستان وبلىسىنىڭ اكىمى بەيبىت اتامقۇلوۆتان باستاپ مەملەكەتتىك قىزمەتكەرلەر قارت مايدانگەرلەردىڭ ۇيىنە بارىپ قۇتتىقتادى. بۇل تۋرالى egemen.kz ءتىلشىسى حابارلادى. سولاردىڭ ءبىرى ۇلى وتان سوعىسىنىڭ مۇگەدەگى شاميل لاتىەۆ سۇراپىل جىلدارى 3-ءشى بەلارۋس, باتىس فرونتتارىندا بولىپ, ءتۇرلى جاراقاتتار الىپ, قان مايداننان ءىى توپ مۇگەدەگى بولىپ ورالدى. سوعىس جىلدارىنان سوڭ №51 بۋدەنوۆسكي جىلقى زاۋىتىنا جۇمىسقا شاقىرىلعان ول قۇرىلىس تەحنيكۋمىن اياقتاپ, پارتيالىق مەكتەبىنە ءتۇستى, سوۆحوز ديرەكتورى ورىنباسارىنىڭ قىزمەتىن اتقاردى. 1969 جىلى چاپاەۆ قالاسىنا شاقىرىلىپ, پروراب جۇمىسىنان باستاپ پمك-63 ترەست «ۋرالسك-ۆودستروي» پارتيا ۇيىمىنىڭ حاتشىسى بولىپ جۇمىس ىستەدى. سوڭعى قىزمەتى ۋرالسك قالاسىندا ترەست «ۋرالسك-ۆودستروي» ساتىپ الۋ ءبولىمىنىڭ باستىعى بولدى. توقساندى ورتالاعان قارت مايدانگەر بۇگىندە نەمەرە, شوبەرە شۋاعىنا بولەنىپ وتىر. قازىر «بۇل سوعىستىڭ قازاققا كەرەگى جوق ەدى» دەپ ءار قيىرعا سالاتىندار بار بولعانىمەن سۇراپىل سوعىستىڭ ءورتىن كورگەن جاۋىنگەرلەردىڭ فاشيزم دەرتىنەن ساقتاپ قالعانىن ۇمىتپاعان ءجون. باقتيار تايجان. دەرەك, فوتو: egemen.kz