وقىرمان
ارداگەرلەر كەڭەسى قارجىلاندىرىلسا
ايتايىن دەگەنىمىز, قانداي ءبىر ءدۇبىرلى مەرەكەلىك ءىس-شارالارىن وتكىزۋ بارىسىندا قارجىعا تىرەلەتىن ماسەلەلەردە بارلىق دەڭگەيدەگى ارداگەرلەر كەڭەستەرى قالتالىلار مەن ىسكەر ازاماتتاردىڭ قولداۋىنا جالتاقتاپ قاراۋمەن, سولاردان دامەتۋمەن بولادى. بەس ساۋساق بىردەي ەمەستىگىندەي, كومەگىن ۇسىنا قويسا جاقسى عوي. ءايتپەسە ۇنەمى الاقان جايا بەرۋدىڭ ءوزى قادىردى قاشىرماي ما؟ وسى جاعىن ەسكەرە كەلىپ, رەسپۋبليكالىق ارداگەرلەر كەڭەسىنە ۇسىنىس جاساعالى وتىرمىز. جەرگىلىكتى ارداگەرلەر كەڭەستەرىن بيۋدجەتتەن قارجىلاندىرۋدىڭ رەتىن تابۋعا بولماس پا ەكەن؟ شاعىن شتات بەكىتىپ, ازداپ قارجى كولەمىن انىقتاپ دەگەندەي. جاسىراتىنى جوق, كەيبىر جەرگىلىكتى ارداگەرلەر ۇيىمدارى ءوز كۇشتەرىمەن وفيس جالداپ تا جۇمىس ىستەيدى. بىراق بۇل وڭايلىققا تۇسپەيتىنىن ۇعىنامىز. قايتكەندە دە جوعارى ورگاندار ارالاسىپ, ءبىر وڭتايلى جولىن قاراستىرسا دەگەن ءۇمىتىمىز بار. ءوز كەزەگىندە ارداگەرلەر ۇيىمدارى تاۋەلسىز ەلىمىزدىڭ ءوركەندەپ, قۋاتتانۋى تۇرعىسىندا ءوز ۇلەستەرىن قوسىپ ءجۇرگەنىن كوپتەگەن جارقىن مىسالداردان اڭعارۋعا ابدەن بولادى. ن. داۋلەتوۆ, سارىاعاش اۋداندىق ارداگەرلەر كەڭەسىنىڭ حاتشىسى, ب. شىرىنبەكوۆ, سارىاعاش قالالىق ارداگەرلەر كەڭەسىنىڭ حاتشىسى. وڭتۇستىك قازاقستان وبلىسى.... تالاپ ەتەدى
ادال تابىسىم ءراسۋا بولدى
مەن ەكىنشى توپتاعى مۇگەدەكپىن. 40 جىل ءۇزىلىسسىز ەڭبەك ەتىپ, ەڭ تومەنگى زەينەتاقى راسىمدەلدى. ودان مۇگەدەكتىككە بەرەتىن جاردەماقى كوتەرىڭكى بولىپ, سونى قاناعات تۇتىپ ءجۇرمىن. جيعان-تەرگەنىمدى «ۆاليۋت-ترانزيت» بانكىنە سالىپ وتىرعان ەدىم. ول بانكىنىڭ جايى بەلگىلى. باسقارۋشىلارى تەمىر تورعا توعىتىلىپ, بانك جابىلىپ تىندى. سونىڭ ەسەبىندە ازىن-اۋلاق ءوسىم اقشام قالعان ەدى. سونى انە-مىنە بەرەمىز دەپ, ساعىزشا سوزىپ كەلەدى. بۇلاي سان سوعىپ قالعان جالعىز مەن ەمەس, مىڭداپ سانالادى. تالاي ءوتىنىش قاعاز جازىپ, جوعارىعا جونەلتتىك. ەش قايران جوق. مىسىمىز قۇرىدى. جەتپىستەن اسقان ادامعا تىنىشتىق كەرەك. تەلمىرىپ, قۇر ۇمىتپەن ءجۇرۋدىڭ ءوزى اۋىر سوققى ءبىز ءۇشىن. ادىلدىك قاشان ۇستەمدىك قۇراتىن بولادى؟ وسى تىلەگىم جەتەر مە ەكەن, ءتيىستى ورىنعا. جوقتاپ وتىرعانىم – ماڭداياقىمنىڭ وتەمى. كۇنكورىستىڭ قيىندىعىنان قولىما ەرىكسىز قالام الدىم. ءۇمىتتىمىز! راحىمجان بولەكباەۆ, 2- توپتاعى مۇگەدەك. تاراز.... پىكىرىن بولىسەدى
قىرىقتاعى ادام كارى مە؟
جاسىراتىنى جوق, قوعامىمىزدا جۇمىسسىزدىق بار. ونىمەن كۇرەس جوعارى بيلىك تاراپىنان جۇيەلى جۇرگىزىلىپ كەلە جاتقانىنان دا حاباردارمىز. بىراق ءبىر دەمدە بارىنە جۇمىس ۇلەستىرە قويۋدىڭ دا قيسىنى كەلمەيتىنىن تۇسىنەمىز. وسىندايدا جاستار جاعىنىڭ سەلتەڭبايعا سالىنۋى قينايدى. ماماندىعىنا ساي جۇمىس تابۋ وڭاي ەمەس. ال جاسى ەگدە تارتقانداردىڭ جايى ءتىپتى اسقىنىپ تۇر. ەگدە دەيمىن-اۋ, كادىمگى قىرىقتاعى قىلشىلداعان جىگىتىڭنىڭ ءوزىن «كارىسىڭ» دەپ, جۇمىسقا قابىلداردا كەۋدەدەن يتەرگەنىن ەستىپ ءجۇرمىز. دۇرىس پا, وسى؟ سوندا جۇمىسقا 20-30-داعىلار عانا قابىلدانار بولسا, باسقالارى نە ىستەۋ كەرەك؟ ناعىز اقىل توقتاتىپ, ءتاجىريبەسى بايىعان كەزدە قاجەتسىز بولىپ قالۋدان وتكەن سوققى بولا قويماس, ءسىرا؟ ەلباسىنىڭ ءوزى ءبىر سوزىندە, زەينەت جاسىنا كەلگەندەردىڭ دەنساۋلىعى مىقتى بولىپ, ىسكەرلىك قابىلەتى تومەندەمەگەن جاعدايدا, جۇمىسىن جالعاستىرا بەرگەنى ابزال دەپ ايتىپ قالعانىن ءوز قۇلاعىمىزبەن ەستىگەنبىز. ەندەشە وسى ويدى ەسكەرەيىك. تاعى ءبىر ايتارىم, باستىق وزگەرە قالسا, سول ورىنعا كەلۋشى كومانداسىمەن ساۋ ەتە قالادى. سودان بۇرىنعىلاردى سەبەپتى-سەبەپسىز قىسقارتۋ باستالادى. ءوز ەرتپەسىن تىعۋ كەرەك قوي... وسى كەلەڭسىزدىكتى تىيعان ءجون بولار ەدى. ەركىن داۋەش ۇلى, زەينەتكەر. استانا.
