جىل باسى جاڭالىقتارعا تولى

قويان جىلىن قارعالىلىقتار جار­قىن جاڭالىقتارمەن باستادى. مۇندا جاڭا جىل قارساڭىندا بىرنەشە جاڭا نىساندار پايدالانۋعا بەرىلىپ, اۋىل­داردىڭ الەۋمەتتىك جاعدايىن جاق­سارت­تى. پەتروپاۆلوۆكا اۋىلىندا رەس­پۋب­ليكالىق «اۋىز سۋ» باعدارلا­ماسى بو­يىنشا بولىنگەن 155 ميلليون تەڭگەدەن استام قارجىعا قايتا ج­ا­راقتاندى­رىل­عان سۋ قۇبىرى ىسكە قو­سىلدى. وسى جۇ­مىستى جۇرگىزگەن «اق­توبە ارناۋلى قۇ­رىلىس قۇراس­تىرۋ» جشس ءشامشى قال­داياقوۆ اتىنداعى اۋىلدىڭ دا سۋ قۇبىرىن قايتا جاراق­تاندىردى. بۇل قۇرىلىسقا 122 ميلليون تەڭگە ءبولىندى. رەسپۋبليكالىق بيۋدجەتتەن بولىنگەن 135,5 ميلليون تەڭ­گەدەن استام قارجى مامىت اۋى­لىن­دا دا اۋىز سۋ ماسەلەسىن شەشۋگە العىشارت جاسادى. سۋمەن قامتا­ماسىز ەتەتىن ەكى نىسان قۇرىلىسى بيىل اياق­تالادى. سونداي-اق, ۇستىمىزدەگى جى­لى قايراقتى اۋىلى دا اۋىز سۋلى بولادى, بۇل ءۇشىن رەسپۋبليكالىق بيۋدجەتتەن 100 ميلليونعا جۋىق تەڭگە ءبولىندى. «بيزنەستىڭ جول كارتاسى – 2020» باع­دارلاماسى بويىنشا بولىنگەن 9 ميلليون تەڭگەگە قوسەستەك سەلولىق وكرۋگىنە قاراس­تى «جاڭا تۇرمىس» شارۋا­شىلىق قۇرى­لى­مى­نىڭ مال شارۋاشى­لىعى كەشەنىنە ەلەكتر جەلىسى تارتىلدى. شارۋاشىلىق باس­­شىسى مۇرات قۇبيەۆ­تىڭ قۋانىشىندا شەك جوق. قۋانباعاندا شە, ەلەكتر قۋاتىمەن كوپ شارۋانى تىن­دىرۋعا بولادى, مالشى­لار دا تۇرمىس­تىق يگىلىكتەردى كورەتىن بولدى. اۋداندا جاڭا جىل قارساڭىندا كوپ­تەگەن جەكە كاسىپكەرلىك نىساندارى اشىل­دى. «اقتوبە-ور» حالىقارالىق تراسساسى بويىن­دا 24 ورىندىق «رودنيچوك» كافەسى پاي­دا­لانۋعا بەرىلدى. مۇندا جو­لاۋشىلار تى­­نىعاتىن ءۇش بولمە بار. وسىمەن ءبىر مەزگىلدە اۋدان ورتالىعى بادامشادا اشىل­عان «كەرەمەت» جانە «باقداۋلەت» كافەلەرى دە تۇتىنۋشى­لاردى قابىلداي باستادى. مۇندا كەلۋشىلەرگە قالاداعىداي جاع­داي جاسالعان. كەڭ دە ساۋلەتتى كافەلەردە قىزمەت كورسەتۋ مادەنيەتى دە جو­عارى. «البينا» جەكە دۇكەنى دە قارعا­لى­لىقتارعا جاڭا جىلدىق تارتۋ بولدى. وسى اشىلعان جەكە كاسىپكەرلىك نىساندارىنىڭ بارلىعى دا «اۋىل شارۋاشىلىعىن قارجىلاي قولداۋ قورى» اق اقتوبە وكىلدىگىنىڭ قارجى­سى ەسەبىنەن نەسيە الۋ ارقىلى ىسكە قوسىلىپ وتىر. وكىلدىكتىڭ ديرەكتورى گۇلجانات ەرعازينانىڭ مالىمدەۋىن­شە, وتكەن جىلى بولىنگەن قىرىقتان استام نەسيەنىڭ 14-ءىن قارعالىلىقتار العان ەكەن. نەسيە قارجىسى تولىق يگەرىلىپ, ءوز ماقساتىنا جۇمسالىپتى. كۇردەلى جوندەۋدەن وتكەن اۋدان­دىق ولكەتانۋ مۇراجايى دا جاڭا جىلدا كەلۋشىلەرگە ەسىگىن ايقارا اشتى. بۇرىن ءبىر-ەكى بولمەدە ورنا­لاس­قان مۇراجاي كۇردەلى جوندەۋدەن كەيىن ادام تانى­ماستاي وزگەرگەن. عيمارات كەڭەيىپ, جاڭا ەكسپوناتتار قويۋعا مۇمكىندىك تۋدى. ساتىبالدى ءساۋىرباي, اقتوبە وبلىسى.