زاڭدىلىعى ايقىندالدى

بۇدان بۇرىن حابارلاعانىمىزداي, اتا زاڭعا وزگەرىستەر مەن تولىقتىرۋلار ەنگىزۋ جونىندە پارلامەنت قابىلداعان زاڭنىڭ كونستيتۋتسياعا سايكەستىگىن قاراۋ تۋرالى پرەزيدەنت نۇرسۇلتان نازارباەۆتىڭ ءوتىنىشىن كونستيتۋتسيالىق كەڭەس اتا زاڭنىڭ 72-بابى 2-تارماعى 1-تارماقشاسىنىڭ جانە كونستيتۋتسيالىق كەڭەس جونىندەگى كونستيتۋتسيالىق زاڭنىڭ 22 جانە 25-باپتارىنا سۇيەنە وتىرىپ وندىرىسكە قابىلداعان بولاتىن. سوعان وراي مەملەكەتتىك ورگانداردىڭ وكىلدەرى اراسىنان كونستيتۋتسيالىق ءوندىرىستى جۇرگىزۋگە قاتىسۋشىلار توبى بەلگىلەنىپ, پارلامەنت قابىلداعان زاڭنىڭ كونستيتۋتسياعا سايكەستىگىن قاراۋ جۇمىسى باستالعان ەدى. كەشە كونستيتۋتسيالىق كەڭەس وسى مەملەكەتتىك ورگانداردىڭ, اتاپ ايتقاندا, پارلامەنت سە­نا­تى مەن ءماجىلىس دەپۋتاتتارى, ۇكى­مەت مۇشەلەرى, جوعارعى سوت, باس پروكۋراتۋرا, سىرتقى ىستەر مينيسترلىگى, ورتالىق سايلاۋ كو­مي­س­سيا­سى, ادام قۇقىقتارى ءجونىن­دەگى ۋاكىل جانە ۇكىمەتتىك ەمەس ۇيىمداردىڭ وكىلدەرى مەن تاۋەل­سىز ساراپشىلاردىڭ پىكىرلەرىن تىڭ­دادى. وتىرىسقا ءتور­اعا­لىق ەتۋشى ي.روگوۆ اۋەلى كونستي­تۋ­تسيا­لىق ءوندىرىستىڭ مۇشەلەرىنە ولار­دىڭ كونستيتۋتسيالىق زاڭنىڭ 21-بابىندا ايقىندالعان قۇقىق­تارى مەن مىندەتتەرىن اتاپ ءوتتى. ولار وزدەرىنىڭ ۋاكىلەتتىلىك شەڭ­بەرىندە بارلىعىنا بىردەي پرو­تسەسسۋالدىق قۇقىقتارعا يە. سون­دىقتان كونستيتۋتسيالىق ءوندىرىس­تىڭ مۇشەلەرى ءوندىرىس قۇجات­تارى­مەن تانىسۋعا, دالەلدەر كەلتىرۋگە, ونى زەرتتەۋگە اتسالىسۋعا, ءوز­دەرىنىڭ پىكىرلەرىن شىنايى تو­لىق­تاي جەتكىزۋگە, ۇسىنىس ءتۇسى­رۋ­گە, جازباشا نەمەسە اۋىزشا كونس­تيتۋتسيالىق كەڭەسكە زاڭدى ءتۇ­سىندىرمە بەرۋگە قۇقىلى. بۇدان كەيىن توراعا ءسوز كەزەگىن كونستيتۋتسيالىق كەڭەستىڭ مۇشە­سى ۆيكتور مالينوۆسكيگە بەردى. ول اتالعان ماسەلەنى كەڭەستىڭ قا­راۋ سەبەبى مەن ونىڭ مازمۇنىن ءتۇسىندىرىپ ءوتتى. ۇستىمىزدەگى جىل­دىڭ 14 قاڭتارىندا كونستي­تۋ­تسيا­لىق كەڭەسكە پرەزيدەنت نۇر­سۇل­تان نازارباەۆتان قازاقستان رەس­پۋبليكاسىنىڭ كونستيتۋتسياسىنا وزگەرىستەر مەن تولىقتىرۋلار ەنگىزۋ جونىندەگى زاڭنىڭ كونستي­تۋتسياعا سايكەستىگىن تەكسەرۋ تۋ­رالى ءوتىنىشى كەلىپ تۇسكەن ەدى, دەدى ۆ.مالينوۆسكي. پارلامەنت 2011 جىلدىڭ 14 قاڭتارىنداعى بىرلەسكەن وتىرىسىندا رەسپۋبليكا حالقىنىڭ پىكىرىن قولداپ, قا­زاقستان رەسپۋبليكاسىنىڭ تۇڭ­عىش پرەزيدەنتى ن. نازارباەۆتىڭ پرەزيدەنتتىك وكىلەتتىگىن ۇزارتۋ مەرزىمىن كوزدەيتىن كونستي­تۋ­تسياعا وزگەرىس ەنگىزۋ تۋرالى زاڭ جوباسىن تالقىلاپ, قابىلدادى. ول زاڭ پرەزيدەنت قاراۋىنا جىبەرىلدى. جوعارىدا ايتىلعان ءوتى­نىشتى وندىرىسكە الىپ, قاراۋ بارى­سىندا ەلىمىزدىڭ جانە بىرقاتار شەت­ەلدىڭ كونستيتۋتسيالىق زاڭنا­ما­لارى اتالعان زاڭدى قولدانۋ بارىسى بويىنشا تەرەڭ زەرتتەلگەن. ءسويتىپ, ءون­دىرىستىڭ قاتىسۋ­شى­لارىنىڭ كومە­گى­مەن كوپتەگەن قۇجاتتار جان-جاق­تى تەكسەرىلگەن جانە ولاردىڭ زاڭعا قايشى كەلمەيتىندىگى قا­رالعان. سونىمەن, اتا زاڭعا وزگە­رىس­تەر مەن تولىقتىرۋلار ەنگىزۋ ءجونىن­دەگى پارلامەنت قابىل­دا­عان زاڭ­نىڭ كونستيتۋتسياعا ءساي­كەس كەلەتىندىگى تۋرالى مەملەكەتتىك ورگان­دار­دىڭ, پارلامەنت سەناتى مەن ءما­جىلى­سىنىڭ, ءادى­لەت, سىرتقى ىستەر مي­نيستر­لىك­تەرىنىڭ, جو­عار­عى سوت, ور­تا­لىق سايلاۋ كو­ميسسياسىنىڭ, ادام قۇقىقتارى جونىندەگى ءۋا­كىل, ۇكى­مەتتىك ەمەس ۇيىمداردىڭ وكىلدەرى مەن تاۋەلسىز ساراپشىلار جانە ءتۇرلى جوو-نىڭ عالىمدارى بايانداما جاساپ, ناقتى دالەلدەر كەلتىرىپ, كونستيتۋتسياعا جانە باسقا زاڭدارعا سۇيەنىپ تۇجىرىم جاسا­دى. ەڭ سوڭىندا ولاردىڭ كەلتىرگەن دالەل­دەرىنىڭ زاڭدىلىعىن سا­رالاعان باس پروكۋروردىڭ ورىن­باسارى اسحات داۋىلباەۆ بۇل اي­تىلعان مالىمەت­تەردىڭ بىردە-ءبىرى زاڭعا قايشى ەمەستىگىن ايتىپ بەردى. ءسويتىپ كونستيتۋتسيالىق كە­ڭەس كونستيتۋتسيالىق ءوندىرىس مۇشە­لەرى­نىڭ اربىرەۋىنىڭ پىكىرىن, دالە­لىن, ۇسىنىسىن مۇقيات تىڭداپ اتا زاڭعا وزگەرىستەر مەن تولىق­تىرۋ­لار ەنگىزۋ ءجو­نىن­دەگى پارلامەنت قابىلداعان زاڭنىڭ كونس­تيتۋ­تسياعا سايكەس كەلەتىندىگى تۋ­رالى ءوتىنىشتى قا­راپ, ناقتى شەشىم شىعارۋعا مول مالىمەت جينالعاندىعىن بايان ەتتى. الايدا, كونس­تي­تۋ­تسيالىق كەڭەستىڭ مۇشەسى ءىلياس باقتىباەۆتىڭ وسى جي­نال­عان مول مالىمەتتى تەرەڭ قو­رىتىپ, ايقىن دا ناقتى تۇ­جىرىم جاساۋ ءۇشىن ءالى دە ۋاقىت كەرەك دەگەن ۇسىنىسى بويىنشا كونستي­تۋ­تسيالىق كەڭەس اتالعان ماسەلە جونىندە ءوز شەشىمىن جا­ريا­لاۋدى كەيىنگە قالدىردى. الەكساندر تاسبولاتوۆ.