يسپانيادا ەجەلگى جادىگەرلەر تابىلدى

استانا. 4 مامىر. يسپانيانىڭ سەۆيليا پروۆينتسياسىنا قاراستى تومارەس قالاسىندا Tragsa كومپانياسىنىڭ قىزمەتكەرلەرى سالماعى 600 كيلو بولاتىن ەجەلگى تيىنداردى تاۋىپ الدى. بۇل تۋرالى espanarusa.com-عا سىلتەمە جاساعان egemen.kz ءتىلشىسى حابارلادى. ءبىر مەتر تەرەڭدىكتەن ريم يمپەرياسىنىڭ تيىندارى سالىنعان 19 قۇمىرا تابىلدى. ارحەولوگتار تابىلعان ولجانى ەجەلگى تاريحتى زەرتتەۋدە ماڭىزى زور ەكەنىن ايتتى. ماماندار ءىىى جانە ءىV عاسىرعا تيەسىلى ەكەنىن مالىمدەدى. ولاردىڭ كەيبىرى ءتىپتى اينالىمعا شىقپاعان كۇيى ساقتالعانى بەلگىلى بولدى. سونىمەن قاتار, بۇل زاتتاردىڭ تۇتاس ءبىر ۇيىمنىڭ قارجىسى نەمەسە ريم يمپەرياسىنىڭ اسكەرلەرىنە ارنالعان جالاقى دا بولۋ مۇمكىندىگى جوققا شىعارىلمادى. قازىر ماماندار وسى ىسپەن اينالىسۋدا. رەسمي مالىمەتتەر بويىنشا, تيىنداردىڭ سىرتىندا كونستانتين جانە ماكسيميليان يمپەراتورلاردىڭ تاڭبالارى باسىلعان. قۇندى دۇنيە تەك قولادان عانا ەمەس, كۇمىستەن سوعىلعان دەگەن بولجام بار. ايان ءابدۋالي. دەرەك, فوتو: espanarusa.com.