قوستاناي. 4 مامىر. ا.بايتۇرسىنوۆ اتىنداعى قوستاناي مەملەكەتتىك ۋنيۆەرسيتەتىندە «الاش» اللەياسى اشىلدى. وعان الاش ارداقتىلارىنىڭ ارقايسىسىنىڭ اتىنا ارناپ اعاش كوشەتتەرى وتىرعىزىلدى. بۇل تۋرالى egemen.kz ءتىلشىسى حابارلادى.
الاش ارداقتىسى, ۇلت كوسەمى ءاليحان بوكەيحانوۆتىڭ تۋعانىنا 150 جىل جانە قوستاناي وبلىسىنىڭ قۇرىلعانىنا 80 جىل تولۋىنا بايلانىستى وتكەن «ءاليحان بوكەيحان جانە الاش تاعىلىمى» اتتى عىلىمي-پراكتيكالىق كونفەرەنتسياسى اياسىندا تاعى ءبىر يگىلىكتى شارا اتقارىلدى. كونفەرەنتسياعا كەلگەن قوناقتار مەن ستۋدەنتتەر, ءبىلىم ورداسىنىڭ وقىتۋشى-پروفەسسور قۇرامى قازاق زيالىلارىنىڭ ارقايسىسىنا, ءاليحان بوكەيحانعا, احمەت بايتۇرسىنوۆقا, مىرجاقىپ دۋلاتوۆقا جانە قوشكە كەمەڭگەردىڭ قۇرمەتىنە ارناپ اعاش كوشەتتەرىن وتىرعىزدى.
ۋنيۆەرسيتەت الدىندا وبلىس ورتالىعىنىڭ كورىكتى ورىندارىنىڭ ءبىرى – گۇلزار, ساياباق ورنالاسقان. وندا ۇلت ۇستازى احمەت بايتۇرسىنوۆتىڭ ويلى قاراپ وتىرعان ەسكەرتكىشى جۇرتتىڭ نازارىن ەرەكشە اۋدارادى. ەندى ۋنيۆەرسيتەت الدىنان ورىن تەپكەن ۇلت قايراتكەرلەرىنە ارنالعان اللەيا دا جاستارعا رۋح بەرەتىن بولادى.
ءنازيرا جارىمبەتوۆا.
دەرەك, فوتو: egemen.kz.
