«شىعىس» كەنشىلەرى بالالار ءۇيىنىڭ اۋلاسىنا 70 ءتۇپ اعاش ەكتى.

ەكىباستۇز. 27 ءساۋىر. ەۋرازيالىق توپ (ERG) قۇرامىنا كىرەتىن, «ەۋروازياتتىق ەنەرگەتيكالىق كورپوراتسياسى» اكتسيونەرلىك قوعامى «شىعىس» كەنىشىنىڭ ارداگەرلەرى اتا-انانىڭ قاراۋىنسىز قالعان بالالارمەن بىرگە 50 قاراعاي مەن 30 قايىڭ وتىرعىزدى. بۇل جايىندا كاسىپورىننىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. قالاداعى «ءۇمىت» بالالار ءۇيىنىڭ اۋماعىنا اعاشتار وتىرعىزۋدى «شىعىس» كەنىشىنىڭ ارداگەرى ە. بوروۆيكوۆ ۇسىندى. كاسىپورىننىڭ ارداگەرلەر ۇيىمى مەن كاسىپوداق كوميتەتى بۇل ۇسىنىستى قولدايدى. بۇل جاقسى ءۇردىس, ءداستۇر. بالالار ءۇيىنىڭ تاربيەلەنۋشىلەر ەندى اعاشتاردى سۋارىپ, كۇتىپ باپتايدى. «ەندى ءبىزدىڭ ءۇيىمىزدىڭ اۋلاسى بۇدان دا ادەمى ءارى جايلى بولادى», – دەيدى بالارلار ءۇيىنىڭ تاربيەلەنۋشىسى سابينا لەكونتسەۆا. كەنشىلەر بالالار ءۇيىنىڭ اۋلاسىنا 6 ورىندىق جانە قوقىس سالاتىن جاشىكتەر ورناتتى. «شىعىس» كەنىشى 15 جىل بويى «ءۇمىت» بالالار ءۇيىنىڭ قامقورشىسى, دەمەۋشىسى. ولار ءاردايىم بالالاردى قولدايدى. بالالارمەن بىرلەسىپ ءىس-شارالار وتكىزەدى, قايرىمدىلىق اكتسياسىن ۇيىمداستىرادى, ال ەڭ باستىسى بالالار ءۇشىن ەڭ سەنىمدى دوستار. فاريدا بىقاي. دەرەك, فوتو: egemen.kz.