«التىن قالام»

قازاق ءتىلدى جۋرناليستەر كونكۋرسى بيىل دا جالعاسادى ENRC (ەۋرازيالىق تابيعي رەسۋرستار كورپوراتسياسى) «ەگەمەن قازاقستان» رەسپۋبليكالىق گازەتىمەن بىرگە «التىن قالام» شىعارماشىلىق كونكۋرسىن جاريالايدى. كونكۋرستىڭ ماقساتى ءباسپاسوز جۋرناليستەرى اراسىندا ونەر­كاسىپتىك تاقىرىپقا ماماندانعان ۇزدىك جۋرناليستەردى انىقتاۋ, جاس جۋرناليستەردى ونەركاسىپتىك جانە ەكونوميكالىق تاقىرىپقا جازۋعا ىنتالاندىرۋ, قازاق ءتىلدى بۇقارالىق اقپارات قۇرالدارى اراسىندا ENRC برەندىنىڭ تانىمالدىلىعىن ارتتىرۋ. سايىسقا رەسپۋبليكالىق, وڭىرلىك, ۆەدومستۆولىق با­سىلىمداردىڭ ونەركاسىپتىك تاقىرىپقا ماماندانعان جۋرناليستەرى قاتىسا الادى. كونكۋرس 2011 جىلى 20 قاڭتاردان 30 قازانعا دەيىن ءوت­كىزىلىپ, قورىتىندىلارى – قازاقستان رەسپۋبليكاسى تاۋەلسىزدىگى كۇنى مەرەكەسى قارساڭىندا شىعارىلادى. قازىلار القاسىنىڭ قۇرامى 1. ساۋىتبەك ابدراحمانوۆ – قازىلار القاسىنىڭ توراعاسى, «ەگەمەن قازاقستان» رەسپۋبليكالىق گازەتىنىڭ پرەزيدەنتى. 2. الدان سمايىل – قازاقستان رەسپۋبليكاسى پارلامەنتى ءماجىلىسىنىڭ دەپۋتاتى. 3. جاراسباي سۇلەيمەن – قازاقستان رەسپۋبليكاسى پارلامەنتى ءماجىلىسىنىڭ دەپۋتاتى. 4. يبراگيم ەدىلباەۆ – «ENRC Kazakhstan» جشس پرەزيدەنتىنىڭ باس كەڭەسشىسى . 5. ەرزات تۇرسىنقۇلوۆ – ENRC كورپوراتيۆتىك كوممۋنيكاتسيالار دەپارتامەنتىنىڭ ءبولىم باستىعى. ماقالالارعا قويىلاتىن تالاپتار ماقالالار ونەركاسىپتىك جانە ەكونوميكالىق تاقىرىپقا ارنالۋى قاجەت. جاريالانىمدار رەسپۋبليكالىق, وڭىرلىك, ۆەدومستۆولىق قازاق ءتىلدى باسىلىمداردا 2011 جىلى جارىق كورگەن بولۋى ءتيىس. جولدانعان ماتەريالداردا باسىلىمنىڭ اتاۋى, مەرزىمى مەن اۆتورى كورسەتىلۋى كەرەك. كەمىندە بەس ماقالا (تۇپنۇسقا) قابىلدانادى. ۇسىنىمدار 2011 جىلدىڭ 30 قازانىنا دەيىن قابىل­دا­نادى. جاريالانىمداردىڭ كولەمى شەكتەلمەيدى. كونكۋرس ماتەريالدارى رەتسەنزيالانبايدى جانە قاي­تا­رىلمايدى. ماقالالاردى باعالاۋ ولشەمدەرى اقپاراتتىق قۇندىلىعى. ساراپتامالىق تەرەڭدىگى. تاقىرىپ وزەكتىلىگى. جۋرناليستىك شەبەرلىگى. كونكۋرس جەڭىمپازدارىنا بەلگىلەنگەن سىيلىقتار كونكۋرس قورىتىندىسى بويىنشا قازىلار القاسى مىنا ورىنداردىڭ جەڭىمپازدارىن انىقتايدى. 1 ورىن – ءبىر اتالىم. 2 ورىن – ەكى اتالىم. 3 ورىن – ءۇش اتالىم. سونىمەن قاتار, كونكۋرستا «ۇزدىك جاس جۋرناليست» نوميناتسياسى بويىنشا جەڭىمپاز انىقتالادى. كونكۋرس جەڭىمپازدارى ءۇشىن 2 ميلليون تەڭگە ءمول­شە­رىن­دە جۇلدە قورى بەلگىلەنگەن. ماتەريالداردى «كونكۋرسقا» بەلگىسىمەن مىنا مەكەن­جايعا جىبەرۋ كەرەك: استانا ق., قابانباي باتىر داڭعىلى, 30 ا, 401-بولمە. قوسىمشا اقپارات الۋ ءۇشىن مىنا تەلەفوندارعا حابارلاسۋعا بولادى: تەل: +7 (7172) 592-152, تەل/فاكس: +7 (7172) 592-153, ۇيالى تەل: 8-701-960-69-72, press@kz.enrc.com كونكۋرسقا ۇسىنىلعان جاريالانىمدار رەتسەنزيا­لان­بايدى جانە قايتارىلمايدى.