تاراز قالاسىندا ءى وبلىستىق ۆولونتەرلار فورۋمى ءوتتى

تاراز. 3 مامىر. تاراز مەملەكەتتىك ۋنيۆەرسيتەتىنىڭ م.ۇركىمباەۆ اتىنداعى «جاستار سارايىندا» ءى وبلىستىق ۆولونتەرلار فورۋمى ءوتتى. بۇل تۋرالى egemen.kz ءتىلشىسى حابارلادى. جامبىل وبلىستىق جاستار ساياساتى ماسەلەلەرى باسقارماسى ۇيىمداستىرعان فورۋمنىڭ ماقساتى – قازاقستان رەسپۋبليكاسىنىڭ «مەملەكەتتىك جاستار ساياساتى تۋرالى زاڭىن», «قازاقستان 2020: بولاشاققا جول» مەملەكەتتىك جاستار ساياساتىنىڭ 2020 جىلعا دەيىنگى تۇجىرىمداماسىنىڭ ەكىنشى كەزەڭىن جۇزەگە اسىرۋ, «ەكسپو-2017» حالىقارالىق ارنايىلاندىرىلعان كورمەنى قولداۋ جانە ءبىلىمىن شىڭداۋ, وبلىس جاستارىنىڭ باسىن بىرىكتىرۋ, پاتريوتتىق سەزىمىن وياتۋ, ادامگەرشىلىك قاسيەتتەرىن نىعايتۋ, قوعامدىق جۇمىستارعا تارتۋ بولدى. وڭىردە مەملەكەتىك جاستار ساياساتىن جۇزەگە اسىرۋدا ۆولونتەرلار ءوز ۇلەسىن قوسىپ كەلەدى. بۇگىنگى تاڭدا وبلىسىمىزدا 2 مىڭعا جۋىق ۆولونتەرلار جۇمىس جاسايدى. باسقارما جانىنداعى وبلىستىق «جاستار رەسۋرستىق ورتالىعى» جانىنان قۇرىلعان «ۆولونتەرلار مەكتەبىنىڭ» بەلسەندىلەرى قوعام جۇمىستارىنا اتسالىسىپ, قوعامدىق ورىنداردى تازالاۋعا, الەۋمەتتىك اكتسيالار بارىسىندا پلاكاتتار مەن كىتاپشالاردى تاراتۋعا ءوز ەرىكتەرىمەن قاتىسىپ, قارتتار ءۇيى مەن بالالار ۇيىندە ءتۇرلى شارالار ۇيىمداستىرۋعا ءوز ۇلەستەرىن قوسىپ, ۇيىمداستىرىلىپ جاتقان ءاربىر شاراعا بەلسەنە قاتىسۋدا. سونىمەن قاتار, باسقارما جانىنان قۇرىلعان «ەرىكتىلەر كلۋبىندا» 150-دەن اسا بەلسەندى ستۋدەنت جاستار جۇمىس ىستەۋدە. بۇل ءوز كەزەگىندە مەرەيلى مەرەيتويلاردىڭ اياسىندا ۇيىمداستىرىلىپ جاتقان شارالارعا جانە «ەكسپو-2017» كورمەسىنىڭ ۇيىمداستىرىلۋىنا ىقپال ەتىپ, ءاربىر شاراعا جاستاردىڭ بەلسەندى قاتىسۋىنا مۇمكىندىك تۋعىزۋدا. فورۋم بارىسىندا «ۆولونتەرلار مەكتەبى» مۇشەلەرىمەن سەكتسيالىق جۇمىستار جۇرگىزىلىپ, وبلىسىمىزعا تانىمال ەسترادا جۇلدىزدارىنىڭ قاتىسۋىمەن وتەتىن ءى وبلىستىق ۆولونتەرلار فورۋمىنىڭ گالا-كونتسەرتىنە ۇلاستى. سونداي-اق, شارا سوڭىندا قوعامدىق جۇمىستارىنا بەلسەنە قاتىسىپ, وڭىرىمىزدە ۆولونتەرلىق جۇمىستىڭ ەرەكشە ۇلگىسىن تانىتقان ۆولونتەرلار وبلىستىق جاستار ساياساتى ماسەلەلەرى باسقارماسىنىڭ ارنايى «العىس حاتتارىمەن»جانە شارا قاتىسۋشىلارىنا ارنايى سەرتيفيكاتتار تاپسىرىلدى. ورالحان ءداۋىت. دەرەك, فوتو: egemen.kz