قازاقستان رەسپۋبليكاسى ۇكىمەتىنىڭ قاۋلىسى №245

2016 جىلعى 25 ءساۋىر,   استانا, ۇكىمەت ءۇيى «ۇكىمەتتىك بورىشتىڭ جانە جەرگىلىكتى اتقارۋشى ورگان بورىشىنىڭ ءليميتىن, مەملەكەتتىك كەپىلدىكتەر مەن مەملەكەت كەپىلگەرلىكتەرىن بەرۋ ليميتتەرىن ايقىنداۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ  2009 جىلعى 15 ماۋسىمداعى №906 قاۋلىسىنا وزگەرىستەر مەن تولىقتىرۋ ەنگىزۋ تۋرالى قازاقستان رەسپۋبليكاسىنىڭ ۇكىمەتى قاۋلى ەتەدى: 1. «ۇكىمەتتىك بورىشتىڭ جانە جەرگىلىكتى اتقارۋشى ورگان بورىشىنىڭ ءليميتىن, مەملەكەتتىك كەپىلدىكتەر مەن مەملەكەت كەپىلگەرلىكتەرىن بەرۋ ليميتتەرىن ايقىنداۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 15 ماۋسىمداعى №906 قاۋلىسىنا مىناداي وزگەرىستەر مەن تولىقتىرۋ ەنگىزىلسىن: كورسەتىلگەن قاۋلىمەن بەكىتىلگەن ۇكىمەتتىك بورىشتىڭ جانە جەرگىلىكتى اتقارۋشى ورگان بورىشىنىڭ ءليميتىن, مەملەكەتتىك كەپىلدىكتەر مەن مەملەكەت كەپىلگەرلىكتەرىن بەرۋ ليميتتەرىن ايقىنداۋ ەرەجەسىندە: 3 جانە 3-1-تارماقتار مىناداي رەداكتسيادا جازىلسىن: «3. ءتيىستى قارجى جىلىنا ارنالعان ۇكىمەتتىك بورىش ءليميتى وسى ەرەجەگە 1-قوسىمشاعا سايكەس جوسپارلاناتىن قارجى جىلىنىڭ الدىنداعى جىلدىڭ سوڭىنداعى ۇكىمەتتىك بورىش ليميتىنە, جوسپارلاناتىن قارجى جىلىندا ۆاليۋتالاردى ايىرباستاۋدىڭ ەسەپتىك باعامىن ەسەپكە الۋمەن, رەسپۋبليكالىق بيۋدجەتتىڭ تاپشىلىعىن ىشكى نارىقتاعى ۇكىمەتتىك قارىز الۋ جانە سىرتقى نارىقتاعى ۇكىمەتتىك قارىز الۋ ەسەبىنەن قارجىلاندىرۋدىڭ جالپى كولەمىنە سۇيەنە وتىرىپ قالىپتاستىرىلادى جانە رەسپۋبليكالىق بيۋدجەت كوميسسياسىنىڭ قاراۋىنا ەنگىزىلەدى. 3-1. ۇكىمەتتىك بورىش ءليميتىن ناقتىلاۋ جوسپارلاناتىن قارجى جىلىنا بەلگىلەنگەن رەسپۋبليكالىق بيۋدجەت تاپشىلىعىنىڭ كولەمى نەمەسە ۆاليۋتالاردى ايىرباستاۋدىڭ ەسەپتىك باعامى وزگەرگەن جاعدايلاردا, رەسپۋبليكالىق بيۋدجەتتى ءتيىستى قارجى جىلى ىشىندە ناقتىلاۋ كەزىندە جۇرگىزىلەدى.»; مىناداي مازمۇنداعى 3-2-تارماقپەن تولىقتىرىلسىن: «3.2. جوسپارلاناتىن قارجى جىلىنا ارنالعان رەسپۋبليكالىق بيۋدجەتتى ازىرلەۋ بارىسىندا كوزدەلگەن تەڭگەنىڭ اقش دوللارىنا ەسەپتىك باعامىنا قاتىستى ۆاليۋتالاردى ايىرباستاۋدىڭ نارىقتىق باعامى وزگەرگەن جاعدايدا, ۇكىمەتتىك بورىش ءليميتى اسىپ ءتۇسۋى مۇمكىن.»; 6, 7, 8 جانە 8-1-تارماقتار مىناداي رەداكتسيادا جازىلسىن: «6. وبلىستاردىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگاندارىنىڭ قارىز الۋى قازاقستان رەسپۋبليكاسىنىڭ ۇكىمەتىنەن قارىز الۋ تۇرىندە جۇزەگە اسىرىلعان جاعدايلاردا بورىش ءليميتى جوسپارلاناتىن قارجى جىلىندا قارىز الۋدى جانە قاراجات كولەمىن ەسكەرە وتىرىپ قالىپتاستىرىلادى; 7. رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگاندارىنىڭ قارىز الۋى قازاقستان رەسپۋبليكاسىنىڭ ۇكىمەتىنەن قارىز الۋ جانە رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگاندارىنىڭ رەسپۋبليكالىق ماڭىزى بار قالا, استانا بيۋدجەتىنىڭ تاپشىلىعىن قارجىلاندىرۋ ءۇشىن ىشكى نارىقتاعى اينالىم ءۇشىن مەملەكەتتىك باعالى قاعازدار شىعارۋى تۇرىندە, سونداي-اق مەملەكەتتىك جانە ۇكىمەتتىك باعدارلامالاردى ىسكە اسىرۋ شەڭبەرىندە تۇرعىن ءۇي قۇرىلىسىن قارجىلاندىرۋعا ىشكى نارىقتاعى اينالىم ءۇشىن وبلىستاردىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگاندارىنىڭ مەملەكەتتىك باعالى قاعازدار شىعارۋى تۇرىندە جۇزەگە اسىرىلعان جاعدايلاردا: 1) بورىش ءليميتى وبلىستىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگانى ۇسىنعان ءوز بورىشتارىنا دەربەس قىزمەت كورسەتۋ جانە ولاردى وتەۋ مۇمكىندىگىنىڭ ەسەپتەمەلەرى ەسكەرىلە وتىرىپ قالىپتاستىرىلادى; 2) ءليميتتى ەسەپتەۋ وبلىستىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگانى بيۋدجەتىنىڭ بيۋدجەتتىك الىپ قويۋلاردى شەگەرگەندە, سالىقتىق جانە سالىقتىق ەمەس تۇسىمدەر مەن نەگىزگى كاپيتالدى ساتۋدان تۇسەتىن تۇسىمدەردىڭ كولەمىنە سايكەس كەلەتىن كىرىستەرىنە (بۇدان ءارى - مەنشىكتى كىرىستەر) نەگىزدەلە وتىرىپ جۇزەگە اسىرىلادى. 8. مەملەكەتتىك جوسپارلاۋ جونىندەگى ورتالىق ۋاكىلەتتى ورگان بيۋدجەتتى اتقارۋ جونىندەگى ۋاكىلەتتى ورگانمەن كەلىسىم بويىنشا وسى ەرەجەگە 2-قوسىمشاعا سايكەس فورمۋلالار بويىنشا وبلىستاردىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگاندارى بورىشىنىڭ جوسپارلاناتىن قارجى جىلىنا ارنالعان ءليميتىن جوسپارلاناتىن جىلدىڭ الدىنداعى جىلدىڭ 15 تامىزىنا دەيىنگى مەرزىمدە ايقىندايدى. 8-1. جەرگىلىكتى اتقارۋشى ورگاندار بورىشىنىڭ ءليميتىن ناقتىلاۋ بيۋدجەتتىك ولشەمدەر وزگەرگەن جاعدايدا, رەسپۋبليكالىق جانە جەرگىلىكتى بيۋدجەتتەردى ءتيىستى قارجى جىلى ىشىندە ناقتىلاۋ كەزىندە جۇرگىزىلەدى.»; كورسەتىلگەن ەرەجەگە 2-قوسىمشادا: 1, 2-تارماقتار مىناداي رەداكتسيادا جازىلسىن: «1. وبلىستاردىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگاندارى بورىشىنىڭ جوسپارلاناتىن كەزەڭگە ارنالعان ءليميتى مىناداي فورمۋلاعا سايكەس ايقىندالادى: Lslg = Dlg + BdefLg + Ss – Plg, مۇندا Dlg - وبلىستىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگانىنىڭ جوسپارلاناتىن قارجى جىلىنىڭ باسىنداعى بورىشى; BdefLg - بيۋدجەتتىك زاڭناماعا سايكەس جوسپارلاناتىن قارجى جىلىندا بەلگىلى ءبىر ماقساتتاردى ىسكە اسىرۋ ءۇشىن رەسپۋبليكالىق بيۋدجەتتەن بەرىلەتىن قارىزدار; Ss - وبلىستىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگانىنىڭ جوسپارلاناتىن قارجى جىلىندا شىعارۋى بولجاناتىن مەملەكەتتىك باعالى قاعازدارىنىڭ كولەمى; Plg - وبلىستىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگانىنىڭ جوسپارلاناتىن قارجى جىلىندا بورىشقا قىزمەت كورسەتۋگە جانە ونى وتەۋگە جۇمسالاتىن قاراجاتىنىڭ كولەمى. 2. ايقىندالاتىن ليميت مىناداي تالاپقا سايكەس بولۋى ءتيىس: Lslg < ماحL, مۇندا Lslg - وبلىستىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگانى بورىشىنىڭ جوسپارلاناتىن قارجى جىلىنداعى ءوزىنىڭ مەنشىكتى كىرىستەرىنە قاتىستى ءليميتى; ماحL - وبلىستىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگانى بورىشىنىڭ ەڭ جوعارى ءليميتى, ءبۇل ونىڭ مەنشىكتى كىرىستەرى كولەمىنىڭ 75%-ىن قۇرايدى.». 2. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ