قازاقستان رەسپۋبليكاسى ۇلتتىق ەكونوميكا مينيسترلىگىنىڭ بۇيرىعى №122

2015 جىلعى 24 اقپان, استانا قالاسى «تەمەكى بۇيىمدارىن تۇتىنۋ ءۇشىن ارنايى بولىنگەن ورىنداردى جابدىقتاۋعا قويىلاتىن سانيتاريالىق-ەپيدەميولوگيالىق تالاپتار» سانيتاريالىق قاعيدالارىن بەكىتۋ تۋرالى «حالىق دەنساۋلىعى جانە دەنساۋلىق ساقتاۋ جۇيەسى تۋرالى» 2009 جىلعى 18 قىركۇيەكتەگى قازاقستان رەسپۋبليكاسى كودەكسىنىڭ 159-بابىنىڭ 7-تارماعىنا سايكەس بۇيىرامىن: 1. قوسا بەرىلىپ وتىرعان «تەمەكى بۇيىمدارىن تۇتىنۋ ءۇشىن ارنايى بولىنگەن ورىنداردى جابدىقتاۋعا قويىلاتىن سانيتاريالىق-ەپيدەميولوگيالىق تالاپتار» سانيتاريالىق قاعيدالارى بەكىتىلسىن. 2. قازاقستان  رەسپۋبليكاسى  ۇلتتىق ەكونوميكا مينيسترلىگىنىڭ تۇتىنۋشىلاردىڭ قۇقىقتارىن قورعاۋ كوميتەتى زاڭنامادا بەلگىلەنگەن تارتىپپەن: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ مەرزىمدى ءباسپاسوز باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن; 3) وسى بۇيرىقتىڭ قازاقستان رەسپۋبليكاسى ۇلتتىق ەكونوميكا مينيسترلىگىنىڭ رەسمي ينتەرنەت-رەسۋرسىندا ورنالاستىرىلۋىن قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ۇلتتىق ەكونوميكا ۆيتسە-مينيسترىنە جۇكتەلسىن. 4. وسى بۇيرىق العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسى ۇلتتىق ەكونوميكا ءمينيسترىنىڭ مىندەتىن اتقارۋشى م.قۇسايىنوۆ «كەلىسىلگەن» قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى _____________ت.دۇيسەنوۆا 2015 جىلعى 6 ءساۋىر قازاقستان رەسپۋبليكاسى ۇلتتىق ەكونوميكا ءمينيسترىنىڭ مىندەتىن اتقارۋشىنىڭ 2015 جىلعى 24 اقپانداعى №122 بۇيرىعىمەن بەكىتىلگەن «تەمەكى بۇيىمدارىن تۇتىنۋ ءۇشىن ارنايى بولىنگەن ورىنداردى جابدىقتاۋعا قويىلاتىن سانيتاريالىق-ەپيدەميولوگيالىق تالاپتار» سانيتاريالىق قاعيدالارى 1. وسى «تەمەكى بۇيىمدارىن تۇتىنۋ ءۇشىن ارنايى بولىنگەن ورىنداردى جابدىقتاۋعا قويىلاتىن سانيتاريالىق-ەپيدەميولوگيالىق تالاپتار» سانيتاريالىق قاعيدالارى (بۇدان ءارى – سانيتاريالىق قاعيدالار) قازاقستان رەسپۋبليكاسىنىڭ 2009 جىلعى 18 قىركۇيەكتەگى «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكسىنىڭ 159-بابىنىڭ 7-تارماعىنا سايكەس ازىرلەندى. 2. تەمەكى بۇيىمدارىن تۇتىنۋ ءۇشىن ارنايى بولىنگەن ورىنداردى تۇتىنمەن لاستانعان اۋانىڭ جاپسارلاس ءۇي-جايلارعا ەنۋىنە كەدەرگى كەلتىرەتىن ەسىكپەن نەمەسە وسىعان ۇقساس قۇرىلعىمەن جابدىقتالعان جەكە ءۇي-جايلاردا ورنالاستىرادى. تەمەكى بۇيىمدارىن تۇتىنۋ ءۇشىن ارنايى بولىنگەن ورىندار كابينالار تۇرىندە ورنالاستىرىلۋى مۇمكىن. 3. تەمەكى بۇيىمدارىن تۇتىنۋ ءۇشىن ارنايى بولىنگەن ورىنداردىڭ سىرتقى جاعىندا «تەمەكى بۇيىمدارىن تۇتىنۋعا ارنالعان ورىن» دەگەن جازبا نەمەسە بەلگى ورنالاستىرىلادى. 4. تەمەكى بۇيىمدارىن تۇتىنۋ ءۇشىن ارنايى بولىنگەن ورىنداردا سۋسىندار جانە تاماق ىشۋگە جول بەرىلمەيدى. 5. تەمەكى بۇيىمدارىن تۇتىنۋ ءۇشىن ارنايى بولىنگەن ورىندار: 1) لاستانعان اۋانىڭ جاپسارلاس ءۇي-جايلارعا ەنۋىنە كەدەرگى كەلتىرەتىن, تەمەكى ءتۇتىنىن وقشاۋلاپ شىعارۋدى قامتاماسىز ەتەتىن, جەلدەتۋدىڭ جالپى سىرتقا تاراتۋ جۇيەسىنەن بولەك, مەحانيكالىق ىسكە قوسىلاتىن ىشكە سورۋ-سىرتقا تاراتۋ جەلدەتكىش جۇيەسىمەن; 2) كۇلسالعىشتارمەن جانە (نەمەسە) تۇقىلداردى جيناۋعا ارنالعان ارنايى ۋرنالارمەن جابدىقتالادى. تۇقىلدار مەن سىرىڭكەلەردى ءسوندىرۋدى قامتاماسىز ەتۋ ماقساتىندا ۋرنالاردى قۇممەن جانە باسقا دا جانبايتىن سىڭىرگىش ماتەريالدارمەن تولتىرۋعا جول بەرىلەدى. 6. تەمەكى بۇيىمدارىن تۇتىنۋ ءۇشىن ارنايى بولىنگەن ورىنداردا جۋ جانە دەزينفەكتسيالاۋ قۇرالدارىن قول­دانا وتىرىپ, كۇندەلىكتى ىلعالدى جيناۋ جۇرگىزىلەدى. ۋرنالار مەن كۇلسالعىشتار كۇن سايىن جانە تولۋىنا قاراي تۇقىل­داردان جانە قوقىستان بوساتىلادى, جۋ جانە دەزينفەكتسيالاۋ قۇرالدارىن قولدانا وتىرىپ كۇندەلىكتى جۋىلادى. 7. تەمەكى بۇيىمدارىن تۇتىنۋ ءۇشىن ارنايى بولىنگەن ورىندار تەمەكى شەكپەيتىن ادامداردىڭ تەمەكى تۇتىنىمەن بايلانىسىن بولدىرماۋ ماقساتىندا سانيتاريالىق-تۇرمىستىق ءۇي-جايلاردان وقشاۋلانادى. 8. تەمەكى بۇيىمدارىن تۇتىنۋ ءۇشىن ارنايى بولىنگەن ورىنداردا كورىنەتىن جەرلەردە جازبالار جانە (نەمەسە) پيكتوگراممالار تۇرىندە تەمەكى بۇيىمدارىن تۇتىنۋدىڭ زيانى تۋرالى, سۋسىندار مەن تاماق ىشۋگە تىيىم سالىناتىنى تۋرالى اقپارات ورنالاستىرىلادى, تەمەكى بۇيىمدارىن تۇتىنۋدىڭ زيانى تۋرالى اقپاراتتىق ماتەريال ۇسىنىلادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 6 مامىرداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10952 بولىپ ەنگىزىلدى.