قازاقستان رەسپۋبليكاسى ۇكىمەتىنىڭ قاۋلىسى №227

2016 جىلعى 15 ءساۋىر,  استانا, ۇكىمەت ءۇيى قازاقستان رەسپۋبليكاسىنىڭ اۋماعىندا  اتوم ەنەرگياسى جونىندەگى حالىقارالىق اگەنتتىكتىڭ ينسپەكتسيالارىن ۇيىمداستىرۋ قاعيدالارىن بەكىتۋ تۋرالى «اتوم ەنەرگياسىن پايدالانۋ تۋرالى» 2016 جىلعى 12 قاڭتارداعى قازاقستان رەسپۋبليكاسىنىڭ زاڭى 5-بابىنىڭ 8) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان قازاقستان رەسپۋبليكاسىنىڭ اۋماعىندا اتوم ەنەرگياسى جونىندەگى حالىقارالىق اگەنتتىكتىڭ ينسپەكتسيالارىن ۇيىمداستىرۋ قاعيدالارى بەكىتىلسىن. 2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ قازاقستان رەسپۋبليكاسى ۇكىمەتىنىڭ 2016 جىلعى 16 ساۋىردەگى №227 قاۋلىسىمەن بەكىتىلگەن قازاقستان رەسپۋبليكاسىنىڭ اۋماعىندا اتوم ەنەرگياسى جونىندەگى حالىقارالىق اگەنتتىكتىڭ ينسپەكتسيالارىن ۇيىمداستىرۋ قاعيدالارى 1. جالپى ەرەجەلەر 1. وسى قازاقستان رەسپۋبليكاسىنىڭ اۋماعىندا اتوم ەنەرگياسى جونىندەگى حالىقارالىق اگەنتتىكتىڭ ينسپەكتسيالارىن ۇيىمداستىرۋ قاعيدالارى (بۇدان ءارى - قاعيدالار) «اتوم ەنەرگياسىن پايدالانۋ تۋرالى» 2016 جىلعى 12 قاڭتارداعى قازاقستان رەسپۋبليكاسىنىڭ زاڭى 5-بابىنىڭ 8) تارماقشاسىنا سايكەس ازىرلەندى جانە 1994 جىلعى 26 شىلدەدە قول قويىلعان جانە قازاقستان رەسپۋبليكاسى پرەزيدەنتىنىڭ 1995 جىلعى 19 ماۋسىمداعى №2344 جارلىعىمەن راتيفيكاتسيالانعان قازاقستان رەسپۋبليكاسى مەن اتوم ەنەرگياسى جونىندەگى حالىقارالىق اگەنتتىك اراسىنداعى يادرولىق قارۋدى تاراتپاۋ تۋرالى شارتقا بايلانىستى كەپىلدىكتەردى قولدانۋ تۋرالى كەلىسىمگە (بۇدان ءارى - كەپىلدىكتەر تۋرالى كەلىسىم) جانە 2004 جىلعى 6 اقپاندا قول قويىلعان جانە قازاقستان رەسپۋبليكاسىنىڭ 2007 جىلعى 19 اقپانداعى №229 زاڭىمەن راتيفيكاتسيالانعان كەپىلدىكتەر تۋرالى كەلىسىمگە قوسىمشا حاتتاماعا سايكەس قازاقستان رەسپۋبليكاسىنىڭ اۋماعىندا اتوم ەنەرگياسى جونىندەگى حالىقارالىق اگەنتتىكتىڭ ينسپەكتسيالارىن ۇيىمداستىرۋ ءتارتىبىن بەلگىلەيدى. 2. وسى قاعيدالاردا مىناداي ۇعىمدار مەن انىقتامالار پايدالانىلادى: 1) ماتەريالدىق-تەڭگەرىمدىك ەسەپكە الۋ قۇجاتتارى - يادرولىق ماتەريالداردىڭ مۇكاممالدىق مولشەرىنىڭ وزگەرىستەرىن, يادرولىق ماتەريالداردى ولشەۋ ناتيجەلەرىن, يادرولىق ماتەريالداردىڭ مۇكاممالدىق مولشەرىن, يادرولىق ماتەريالدىڭ تىركەلگەن مۇكاممالدىق مولشەرىن جانە يادرولىق ماتەريالدىڭ ءىس جۇزىندەگى ناقتى مولشەرىن وزگەرتۋدى انىقتاعان كەزدە جاسالعان ناقتىلاۋلار مەن تۇزەتۋلەر تۋرالى اقپاراتتى قامتيتىن قۇجاتتار; 2) پايدالانۋدى ەسەپكە الۋ قۇجاتتارى - ونىڭ نەگىزىندە يادرولىق ماتەريالدىڭ مولشەرى مەن قۇرامىنىڭ وزگەرىستەرى انىقتالاتىن يادرولىق قوندىرعىنى پايدالانۋ دەرەكتەرىن قامتيتىن قۇجاتتار; 3) ۋاكىلەتتى ورگان - اتوم ەنەرگياسىن پايدالانۋ سالاسىندا باسشىلىقتى جۇزەگە اسىراتىن ورتالىق اتقارۋشى ورگان. 2. قازاقستان رەسپۋبليكاسىنىڭ اۋماعىندا اتوم ەنەرگياسى جونىندەگى حالىقارالىق اگەنتتىكتىڭ ينسپەكتسيالارىن ۇيىمداستىرۋ 3. اتوم ەنەرگياسى جونىندەگى حالىقارالىق اگەنتتىك (بۇدان - ءارى - ماگاتە) قازاقستان رەسپۋبليكاسىنىڭ اۋماعىندا ينسپەكتسيا جۇرگىزۋ ءۇشىن ۋاكىلەتتى ورگانعا الدىن الا جازباشا حابارلاما جىبەرەدى. 4. ۋاكىلەتتى ورگان ماگاتە-نىڭ ينسپەكتسيا جۇرگىزۋ تۋرالى حابارلاماسىن العاننان كەيىن مىناداي ءىس-شارالاردى جۇرگىزەدى: 1) ءبىر جۇمىس كۇنى ىشىندە ينسپەكتسيالاناتىن ۇيىمعا الداعى ينسپەكتسيا تۋرالى حابارلاما جىبەرەدى. حابارلامادا كەپىلدىكتەر تۋرالى كەلىسىمنىڭ 82-بابىنا سايكەس ينسپەكتسيا ءتۇرى, ماگاتە ينسپەكتورلارىنىڭ پاسپورتتىق دەرەكتەرى, ينسپەكتسيانى جۇرگىزۋ مەرزىمدەرى جانە ماگاتە ينسپەكتورلارى جوسپارلاعان ءىس-شارالار تىزبەسى كورسەتىلەدى; 2) ينسپەكتسيالاناتىن ۇيىمنىڭ ماگاتە ينسپەكتورلارىمەن ءوزارا ءىس-قيمىلىن ۇيلەستىرۋدى جۇزەگە اسىرادى. كەپىلدىكتەر تۋرالى كەلىسىمنىڭ 70-بابىنا سايكەس ارناۋلى ماقساتتاعى ينسپەكتسيا جۇرگىزۋ كەزىندە ماگاتە ينسپەكتورلارىنا ۋاكىلەتتى ورگان قىزمەتكەرىنىڭ ىلەسىپ ءجۇرۋىن قامتاماسىز ەتەدى. 5. ينسپەكتسيالاناتىن ۇيىم ماگاتە-نىڭ جوسپارلانعان ينسپەكتسياسى تۋرالى حابارلامانى العاننان كەيىن: 1) ماگاتە ينسپەكتورلارىمەن جۇمىستاردى جۇرگىزۋگە جاۋاپتى ادامداردى تاعايىندايدى; 2) ماگاتە ينسپەكتسياسىن جۇرگىزۋ جونىندەگى ءىس-شارالار جوسپارىن ازىرلەيدى; 3) قازاقستان رەسپۋبليكاسىنىڭ ۇلتتىق قاۋىپسىزدىك كوميتەتىن الداعى ينسپەكتسيا تۋرالى حاباردار ەتەدى. 6. ينسپەكتسيالاناتىن ۇيىم ماگاتە ينسپەكتسياسىن جۇرگىزۋ كەزىندە: 1) ماگاتە ينسپەكتورلارىنىڭ جۇمىسى ءۇشىن ءۇي-جاي بەرەدى; 2) ماگاتە ينسپەكتورلارىن قاجەتتى جەكە قورعانۋ جانە گيگيەنا قۇرالدارىمەن قامتاماسىز ەتەدى; 3) دەنساۋلىقتى ساقتاۋ مەن قاۋىپسىزدىك تەحنيكاسى جونىندەگى قاعيدالار تۋرالى نۇسقاما جۇرگىزەدى; 4) ماگاتە ينسپەكتورلارىنا قاجەتتى قۇجاتتامانى, ونىڭ ىشىندە ۇيىمدا يادرولىق ماتەريالداردى ەسەپكە الۋعا جانە باقىلاۋعا جاۋاپتى ادام قول قويعان, ينسپەكتسيالاۋ كۇنىنىڭ الدىنداعى كۇنگى جاعداي بويىنشا ماتەريالدىق-بالانستىق جانە پايدالانۋدى ەسەپكە الۋ قۇجاتتارىن جانە كاسىپورىننىڭ ۇيىمدىق قۇرىلىمىنا قاتىستى اقپاراتتى ۇسىنادى; 5) ۆەدومستۆولىق باعىنىستى اۋماقتا ءجۇرىپ تۇرۋى ءۇشىن ماگاتە ينسپەكتورلارىن بايلانىسپەن جانە كولىكپەن قامتاماسىز ەتەدى; 6) ۆەدومستۆولىق باعىنىستى اۋماقتا ماگاتە ينسپەكتورلارىنا ىلەسىپ ءجۇرۋدى قامتاماسىز ەتەدى; 7) ينسپەكتسيا جۇرگىزۋ ۋاقىتىندا ماگاتە ينسپەكتورلارى جوسپارلاعان ءىس-شارالاردىڭ ورىندالۋىن قامتاماسىز ەتەدى; 8) ينسپەكتسيا جۇرگىزىلەتىن ورىندارعا كەلۋدى قامتاماسىز ەتەدى; 9) ينسپەكتورلاردىڭ ەسەپكە الۋ قۇجاتتارىن قاراۋىن, ەگەر ولار اعىلشىن, يسپان, ورىس نەمەسە فرانتسۋز تىلدەرىندە جۇرگىزىلمەسە, جەڭىلدەتۋ ماقساتىندا شارالار قابىلدايدى; 10) ماگاتە ينسپەكتسيالىق جۇمىستارىن جۇرگىزۋ ءۇشىن ونىڭ ىشىندە ولشەۋ جانە بايقاۋ جابدىقتارىن ورناتۋ جانە پايدالانۋ, مورلەر مەن باسقا دا ارالاسۋدى ينديكاتسيالاۋ قۇرىلعىلارىن ورناتۋ, كوزبەن بايقاۋدى جۇرگىزۋ جانە كەلىسىلگەن ورىنداردى سۋرەتكە ءتۇسىرۋ ءۇشىن جاعدايدى قامتاماسىز ەتەدى; 11) ماگاتە ينسپەكتورلارى سىنامالاردى ىرىكتەگەن جاعدايدا, ولاردى ساقتاۋدى جانە كەلىسىلگەن مەرزىمدە ماگاتە كولىكتىك قىزمەت كورسەتەتىن تاسىمالداۋشىعا بەرۋدى جۇزەگە اسىرادى. 7. ينسپەكتسيا جۇرگىزىلگەننەن كەيىن ۇيىم 10 جۇمىس كۇنى ىشىندە ۋاكىلەتتى ورگانعا ماگاتە ينسپەكتورلارى جۇرگىزگەن جۇمىستار تۋرالى ەسەپتى ۇسىنادى. 8. ۋاكىلەتتى ورگان ماگاتە-دان اقپاراتتى العاننان كەيىن 10 جۇمىس كۇنى ىشىندە ۇيىمدى ماگاتە ينسپەكتورلارى جۇرگىزگەن ينسپەكتسيانىڭ ناتيجەلەرى تۋرالى حاباردار ەتەدى.