103 جاستاعى اجەگە وتا جاسالدى

1913 جىلى تۋعان ايشا دارىبەكوۆا وبلىستىق كارديو­لوگيالىق ورتالىققا «جەدەل جاردەمنىڭ» كومەگىمەن  بيىلعى 20 ساۋىردە تاڭعى ساعات 5-تەن اسقاندا جەدەل ميوكارد ينفاركت دياگنوزىمەن شۇعىل جەتكىزى­لەدى. سودان كەيىن كەيۋانانىڭ ءومىرىن ساقتاپ قالۋ ءۇشىن ارپالىس باستالدى.  ناۋقاس جانساق­تاۋ بولىمىنە جاتقىزىلىپ, ءدارى­گەر­لەر ەمدىك شارالارعا بىردەن كىرىستى. جان-جاقتى تەكسەرۋدىڭ ءناتي­جەسىندە سىرقاتتىڭ سىرى دا لەزدە انىقتالدى. جۇرەك-قان تامىرلارىنىڭ ىشىندەگى ءتۇيىر­شەكتەردى ەرىتۋ ماقساتىندا  تروم­بوليتيكالىق ءدارى جىبەرىلىپ, جەدەل تۇردە تامىرىشىلىك ەندو­سۆاس­كۋليارلىق جولمەن قان تامى­رى­نا ستەنت قويۋ وتاسى جاسالدى. ءسويتىپ, وبلىستىق كارديو­ورتا­لىق قىزمەتكەرلەرى 103 جاس­تاعى قاريانىڭ ءومىر جاسىن ۇزارتۋعا سەپتىگىن تيگىزدى. اتالمىش كارديوورتالىقتىڭ باس دارىگەرى سپانديار بەكجىگىتوۆ  جانە ورىنباسارى گۇلميرا ءالىپوۆا جۋرناليستەرگە ارناپ ءوت­كىزگەن ءباسپاسوز ءماسليحاتىندا وسى جايت­تاردى تىلگە تيەك ەتتى. باق وكىل­دەرىن پاتسيەنتپەن ءجۇز­دەس­­تىرىپ, وپەراتسيا بلوگىنا  كىرگىزدى. – قازىر قاۋىپتىڭ بەتى قايت­قاننان سوڭ ايشا دارىباەۆا­نىڭ دەن­ساۋلىعى بىرقالىپتى. كو­ڭىل كۇيى دە كوتەرىڭكى. ءبىزدىڭ اۋرۋ­حانادا بۇرىن 95 جاستاعى ناۋقاسقا وپەراتسيا جاسالعان بولاتىن. ەندى, مىنە, 103-كە كەلگەن اجەگە جاسالعان وتا دا ويداعىداي ءوتتى. ءبىز ەندوۆاسكۋليارلىق ستەنتتەۋ وتاسىن جاساۋدا ناۋقاستىڭ جاسىنا ەشقانداي شەكتەۋ قويىل­مايتىنىن باسا ايتقىمىز كەلەدى, – دەيدى  باس دارىگەر. – قۇدايدىڭ مۇنىسىنا دا شۇكىر! دارىگەرلەرگە انالىق ال­عى­­سىمدى ايتامىن. وركەندەرى ءوسسىن! – دەيدى  عاسىردان ۇزاق جاساعان اجە. سەرىكقالي جەكسەنباەۆ وڭتۇستىك قازاقستان وبلىسى