پرەزيدەنت ساۋد ارابياسىنىڭ سىرتقى ىستەر ءمينيسترىن قابىلدادى

استانا. 27 ءساۋىر. قازاقستان پرەزيدەنتى نۇرسۇلتان نازارباەۆ ساۋد ارابياسى كورولدىگىنىڭ سىرتقى ىستەر ءمينيسترى ءادىل ءال-جۋبەيردى قابىلدادى. بۇل تۋرالى akorda.kz-كە سىلتەمە جاساعان egemen.kz ءتىلشىسى حابارلادى. كەزدەسۋ بارىسىندا ساۋدا-ەكونوميكا, قارجى-ينۆەستيتسيا, مۇناي حيمياسى جانە مادەني-گۋمانيتارلىق سالالارداعى ەكىجاقتى قارىم-قاتىناستى نىعايتۋ ماسەلەلەرى تالقىلاندى. نۇرسۇلتان نازارباەۆ ساۋد ارابياسىنىڭ قازاقستانعا تاۋەلسىزدىكتىڭ العاشقى كۇندەرىنەن باستاپ-اق قولداۋ كورسەتىپ كەلە جاتقانىن اتاپ ءوتتى. ەكى ەلدىڭ ءتۇرلى سالاداعى جەمىستى ىقپالداستىعىنا نازار اۋدارعان مەملەكەت باسشىسى ەكونوميكالىق ىنتىماقتاستىقتى كۇشەيتۋ قاجەتتىگىن ايتتى. قازاقستان پرەزيدەنتى سونداي-اق, ەكى ەلدىڭ ۇزاق مەرزىمدى دامۋ ستراتەگيالارىندا بەلگىلەنگەن ستراتەگيالىق ماقساتتاردىڭ ۇقساستىعىن ايتتى. ءادىل ءال-جۋبەير قازاقستان مەن ساۋد ارابياسىنىڭ اراسىنداعى قارىم-قاتىناستاردى ودان ءارى نىعايتۋعا كۇش سالۋدىڭ ماڭىزدىلىعىنا توقتالدى. سونىمەن قاتار, ول ءبىزدىڭ ەلدىڭ يسلام الەمىن وركەندەتۋدەگى ەلەۋلى رولىنە نازار اۋداردى. تالعات رايىمبەك. دەرەك, فوتو: akorda.kz.