تاتۋلىقتىڭ تەمىرقازىعىنا اينالار اكت

ءبىزدىڭ اتالارىمىز بولگارلار وتكەن عاسىردىڭ 70-80-جىلدارى قۋعىن-سۇرگىن كورىپ, بوسىپ قازاق جەرىنە جەتىپ, جەتىسۋ وڭىرىنە كەلگەن ەكەن. قازاق حالقى پانا بولىپ تۇراتىن باسپانا بەرىپ, تاماقتاندىرىپ, كيەر كيىممەن دە قامتىپ, ۇلكەن قامقورلىق كور­سەتكەنىن اتالارىمىز بەن اجە­لەرىمىز ۇنەمى ايتىپ سانامىزعا ءسىڭىرىپ ءوسىردى. سول بولگارلاردىڭ مەن ءۇشىنشى ۇرپاعىمىن. كۇنى كەشە استاناداعى بەيبىتشىلىك پەن كەلىسىم سارايىندا ەلباسى­نىڭ قازاقستان حالقى اسسام­ب­لەياسىنىڭ ءححىV سەسسياسىندا سويلەگەن ۇلاعاتتى ءسوزىن ەت قۇلاعىممەن ەستىپ, ەرەكشە اسەر الدىم. ەندى سول قۋانىشىمدى باۋىرلارىممەن ءبولىسىپ, الماتى وبلىسىنىڭ سارقان اۋدانىنداعى عانا ەمەس, بارلىق بولگارلاردى قۋانتۋعا اسىعىپ, استانا – تالدىقورعان ۇشاعىنا مىنگەن جايىم بار. مەملەكەت باسشىسى سەسسيا دەلەگاتتارىنا ءۇل­كەن جاۋاپكەرشىلىك جۇكتەپ وتىر. ناقتىلاي تۇسسەم, ۇلت جوس­پارى­نىڭ 4-ءشى قادامىندا اي­تىل­عان قۇندىلىقتى جۇزەگە اسى­رۋدى ۇعىندىردى. ەلباسى سابىر­مەن ايتقان ءار ءسوزىن مۇقيات تىڭداپ وتىرىپ «ءبىز ماڭگىلىك ەلدىڭ جەتى تۇعىرىن نىعايتۋعا, ساقتاۋعا جانە ۇرپاقتان ۇرپاققا امانات ەتۋگە شاقىرامىز», دەگەن جولداردى جازىپ الدىم. ەرتەڭ تۋمالارىما وسى جولداردى سوزبە-ءسوز وقىپ بەرەمىن. سوندا اتالارىم مەن اجەلەرىم ءبىرىنشى كەزەكتە قۋانا كوزدەرىنە جاس الاتىنىن دا سەزىپ وتىرمىن. ارينە, ول قۋانعاندىقتان شىعاتىن جاس قوي. كونەكوز قارتتاردىڭ كورگەندەرى دە, كوكەيلەرىنە تۇيگەندەرى دە كوپ. سونى سارالاپ وتىرىپ بالالارى مەن نەمەرە-شوبەرەلەرىنە ايتاتىنى – قازاقتاردى سىيلاڭدار, ءبىز ورناتقان تاتۋلىقتى ساق­تاڭ­دار دەگەننەن اينىمايدى. ءويت­كەنى ەلدىڭ تىلەۋى – تىنىشتىق پەن بەي­بىتشىلىك. قۇدايعا شۇكىر, جەتىسۋ جەرىندەگى 103 ەتنوس وكىلى تاتۋ-ءتاتتى ءومىر سۇرۋدە. بىلە-بىلسەك, سول تاتۋ­لىققا ەلبا­سى نۇرسۇلتان نازارباەۆ تىرەك بولىپ وتىر. ونى ءوز باسىم «ماڭگىلىك ەل» پات­ريوت­تىق اكتى­سىن تىڭداپ وتىرىپ تاعى ءبىر ءمار­تە تۇسىنە ءتۇستىم. تاعى ءبىر اي­تارىم, قازاقستان حالقى اسسام­بلەياسىنىڭ ءححىV سە­س­سيا­سى بەيبىت ءومىردىڭ ۇيىتقىسى ءارى ءبىر­لىككە ۇمتىلعان ۇلتتاردى ءجى­گەر­­لەن­دىرۋشىسى بولدى دەۋگە نەگىز بار. داريا كراۆچەنكو, الماتى وبلىستىق بولگار ەتنومادەني ورتالىعىنىڭ ءتورايىمى