جاڭا پويىز جولعا شىقتى

ارقالىق – شۇبار­كول باعىتىندا جاڭا پويىز ءوزىنىڭ ال­عاش­قى ساپارىن باستادى. ول كۇنىنە 4 رەت شۇباركول ستانساسىمەن ارالىقتا قاتىنايتىن بولادى. پويىز قالادان تاڭعى ساعات 07.00-دە شىعىپ, 11.17-دە دىتتەگەن بەكەتىنە جەتەدى. ال شۇباركولدەن ارقالىققا 13.30-دا بەت الىپ, قالاعا ساعات 17.48-دە كەلەدى. كولىك جول بويى ءتورت ستانساعا ايالدايدى. ارقالىقتان جالعىزتال ستانساسىنا دەيىن بيلەتتىڭ باعاسى – 149 تەڭگە, تەرىساققانعا 242 تەڭگە بولسا, مايبۇلاققا  – 429 تەڭگە, نۇردالاعا  – 605 تەڭگە, جەلەزنودوروجنىي رازەزىنە – 677 تەڭگە, شۇباركولگە دەيىن – 781 تەڭگە. پويىز جالعىزتالعا ساعات 07.35-تە, تەرىساققانعا 08.12-دە, مايبۇلاققا ساعات 09.12 مي­­نۋت كەتكەندە بارادى. سول سياق­تى, نۇردالاعا 10.06-دا, جەلەزنودوروجنىي رازەزىنە 10.41-دە, شۇباركولگە ساعات 11.17 مي­نۋت وتكەندە جەتەدى. جولاۋ­شىلار پويىزى ستانسالاردا 5 مينۋت ايالدايدى. ارقالىق پەن شۇباركولدىڭ اراسى – 214 شاقىرىم. وسى ارالىقتا پويىز 4,5 ساعات جۇرەدى. بۇل تەمىرجولدىڭ تۇساۋىن ەلباسى ن. نازارباەۆ 2014 جىلى جەزقازعاندا تەلەكوپىر بارىسىندا كەسكەن بولاتىن. سول كەزدە مەملەكەت باسشىسى جاڭا سا­لىنا باستاعان جەزقازعان – بەينەۋ مەن ارقالىق – شۇباركول تەمىرجولدارى تەك وسى ءوڭىردىڭ عانا ەمەس, بارشا ەلىمىزدىڭ ەكو­نوميكاسىنىڭ دامۋىنا ىقپال ەتەتىنىن ايتقان. داستان كەنجالين, «ەگەمەن قازاقستان»