ساتباەۆ پا, ساتپاەۆ پا؟

كاپيتاليزم ورناپ, دەموكراتيا سالتانات قۇرعالى اركىم ءوزىنىڭ ويىن اشىق ايتىپ, بايلام-پايىمدارىن جاسقانباي ورتاعا سالاتىن «ادەت» قالىپتاستى. بۇل باسقانى قويىپ قاسيەتتى تىلىمىزگە ءار قىرىنان اسەرىن تيگىزۋدە. ءوزى تۇسىنەتىن, ەستى­گەن ءسوزدى ءمان-ماعىناسىنا قاراماي وڭدى-سولدى قولدانۋ ءۇردىسى ەتەك الىپ بارادى. ۇلىلار قالىپتاستىرعان زاڭدىلىقتى ىسىرىپ, كەي كەزدە, كورىنىپ قالۋ ءۇشىن بە, بولسىن-بولماسىن كوتەرىڭكى ەست­ىلەتىن ۇعىمدى باس ارىپپەن جازاتىن بولدىق. بۇل بانك جۇيەسىندە «ورنىعىپ» بارادى. جاقىندا ءبىر ارىپتەسىمىز قا­باتوۆ­تىڭ ءازىلىن ەكراننان كور­سەتىپ, قازاق تىلىندە ديالەكت بار دەگەندى ايتىپ قالدى. شىندىعىنا كەلگەندە, قازاق تىلىندە ديالەكت جوق. ونى عالىمدار باياعىدا دالەلدەگەن. ەگەر بولا قالسا, سول ديالەكتىنىڭ «اۆتورلارى» ءتىل قادىرىن بىلمەيتىن, زاڭدىلىقتى ەلەمەيتىن ءتىل بۇزارلار دەپ بىلە­مىز. سوڭعى ايتار ءتۇيىنىمىز, قازاقتىڭ ماڭدايىنا بىتكەن جارىق جۇلدىزى, بولمىسى بولەك ناعىز تۇعىرلى تۇلعاسى قانىشتاي ۇلى عالىمنىڭ تەگىن بىردە ساتباەۆ, بىردە ساتپاەۆ دەپ جازىپ ءجۇرمىز. بۇعان ءتىل زاڭدارىن قاداعالاپ وتىرعان ءتيىستى مەكەمەلەر, ءتىل قۇدى­رەتىن زەرتتەپ-زەردەلەپ جۇرگەن عالىمدار نە دەر ەكەن؟ ەلدىك ىستە, ۇلتتىق قىزمەتتە ەلەۋ­سىز ەشنارسە بولمايدى. ينەنىڭ جاسۋىنداي قاتە كەزدەسە قالسا, ءار قازاق ءيىلىپ تۇرىپ حالىقتىق قالىپقا سالۋى قاجەت. ەركىندىكتى ەركەلىك دەپ ۇقپاعان ءجون. سونىمەن, ءبىر ءارىپتى جونگە سالۋدىڭ ءوزى سىن بولىپ تۇرعانداي. مۇنداي اتتەگەنايلار ءار جەردە كەزدەسىپ قالادى. بۇل ۇلكەندەرگە جوعىنا ەلەۋسىزدەۋ كورىنگەن ءبىر ءارىپ, ءبىر ءسوز ۇل مەن قىزدى (اسىرەسە, ۇلتتىق بىرىڭعاي تەستتە) شاتاستىراتىنى اقيقات. سۇلەيمەن مامەت, «ەگەمەن قازاقستان»