قاراعاندىدا «قازاقستان بارىسىندا» كۇرەسەتىن پالۋاندار انىقتالدى

قاراعاندى. 25 ءساۋىر. قاراعاندىداعى «جاستار» سپورت سارايىندا قازاقستان پرەزيدەنتىنىڭ جۇلدەسى ءۇشىن «قازاقستان بارىسى» رەسپۋبليكالىق ءتۋرنيرىنىڭ ىرىكتەۋ كەزەڭى ءوتتى. بۇل تۋرالى وبلىستىق دەنە شىنىقتىرۋ جانە سپورت باسقارماسىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. «سارىارقا بارىسىنىڭ» سىنىنا وبلىستىڭ 171 بالۋانى قاتىسىپ, كۇش سىنادى. جارىس قورىتىندىسىندا, اسا اۋىر سالماقتا باس جۇلدەنى بەلگىلى پالۋان, 2014 جىلعى «قازاقستان بارىسىنىڭ» كۇمىس جۇلدەگەرى اسىل بارمەنوۆ جەڭىپ الدى. ول فينالدىق بەلدەسۋدە بەكزات احمەتبەكوۆتەن باسىم ءتۇستى. سونىمەن بيىلعى جىلدىڭ «قازاقستان بارىسىنا» قاراعاندىدان اسىل بارمەنوۆ پەن بەكزات احمەتبەكوۆ قاتىساتىن بولادى. ەسكە سالار بولساق, ەگەر ريو-216 وليمپياداسىنىڭ ليتسەنزياسىنا قاجەتتى ۇپاي سانىن جيناپ ۇلگەرسە, قاراعاندىلىق بۇل پالۋانداردىڭ قاتارىنا دزيۋدودان ۇلتتىق قۇرامانىڭ مۇشەسى ەرجان شىنكەەۆ تە قوسىلۋى مۇمكىن. قايرات ءابىلدينوۆ. دەرەك, فوتو: قاراعاندى وبلىستىق دەنە شىنىقتىرۋ جانە سپورت باسقارماسىنىڭ ءباسپاسوز قىزمەتى.