تەمىرتاۋلىق ستۋدەنت حالىقارالىق فورۋمدا جۇلدەگەر اتاندى

قاراعاندى. 24 ءساۋىر. تەمىرتاۋ قالاسىنداعى قاراعاندى مەملەكەتتىك يندۋستريالدىق ۋنيۆەرسيتەتىنىڭ (قميۋ) ءبىرىنشى كۋرس ستۋدەنتى سۇندەت تۇرسىنبەك «ۇرپاقتار ارالىعىنداعى «جاسىل» كوپىر» اتتى حالىقارالىق ستۋدەنتتەر فورۋمىندا جۇلدەگەر اتاندى. بۇل تۋرالى وقۋ ورنىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. ءال-فارابي اتىنداعى قازاق ۇلتتىق ۋنيۆەرسيتەتىندە وتكەن فورۋمعا بەلارۋس, رەسەي, قىرعىزستان, وزبەكستان, ۇلىبريتانيا سىندى شەت مەملەكەتتەردەن جانە قازاقستاننان 22 ۋنيۆەرسيتەتتىڭ 300-دەن استام ستۋدەنت جاستارى كەلىپ قاتىسقان. جاس زەرتتەۋشىلەر ساراپشىلار تاقىسىنا 200-دەن استام بايانداما ۇسىندى. سۇندەت تۇرسىنبەك قميۋ-دا «سەرپىن» باعدارلاماسى بويىنشا ءبىلىم الادى. تەمىرتاۋعا ول وڭتۇستىك قازاقستان وبلىسىنىڭ سايرام اۋدانىنان كەلگەن. فورۋمدا بولاشاق عالىم «جاسىل» ەكونوميكاعا كوشۋ: ءبىلىم بەرۋ, عىلىم جانە ءوندىرىستىڭ ءوزارا ءىس-قيمىلى» سەكتسياسىندا بايانداما جاساعان بولاتىن. جيىن قورىتىندىسىندا قازىلار ارقاسى تەمىرتاۋلىق ستۋدەنتتىڭ «ارال مەن سەمەيدىڭ ەكولوگيالىق ماسەلەلەرى. تەڭىزدى قۇرعاتۋدىڭ ماتەماتيكالىق ۇلگىلەرى» اتتى جۇمىسىن ءۇشىنشى جۇلدەگە لايىق دەپ تانىدى. قايرات ءابىلدينوۆ. دەرەك, فوتو: قاراعاندى مەملەكەتتىك يندۋستريالدىق ۋنيۆەرسيتەتتىڭ ءباسپاسوز قىزمەتى.