استانا. 24 ءساۋىر. فۋتبولدان قازاقستان پرەمەر-ليگاسىنىڭ 7 تۋرىنىڭ ويىندارى وينالدى. بۇل تۋرالى egemen.kz ءتىلشىسى حابارلادى.
7 تۋردىڭ باستى ويىنى پاۆلوداردا بولدى. «ەرتىس» ءوز الاڭىندا «استانامەن» كەزدەستى. ماتچ 90 مينۋت بويى قىزىقتى ءوتتى. تۋرنير كەستەسىندە ءبىر-ءبىرىنىڭ جولىن كەسە بەرەتىن كوماندالار 2:2 ەسەبىمەن تەڭ تارقاستى. قازىر «استانا» ءبىرىنشى ورىندا كەلە جاتسا, «ەرتىس» ءالى ەكىنشى ورىندى بەرمەي كەلەدى.
وسى تۋردا «قايرات» كومانداسى بيىلعى چەمپيوناتتاعى ەكىنشى جەڭىسىنە جەتتى. الماتىلىقتار «اقتوبە» كلۋبىن 3:0 ەسەبىمەن ۇتتى. بۇل ماتچتا الاڭ يەلەرى قۇرامىندا چەمپيونات باستالىسىمەن كوپتىڭ اراسىنان كورىنبەي جۇرگەن لەگيونەرلەر دوپ سوقتى. ءبىرىنشى تايمدا جاركو ماركوۆيچ پەن اندرەي ارشاۆين كوزگە تۇسسە, ەكىنشى تايمدا اناتولي تيموششۋك گولدىڭ اۆتورى اتاندى.
باسقا كوماندالاردىڭ ويىندارى دا تارتىستى ءوتتى. كوكشەتاۋدىڭ «وقجەتپەس» كلۋبى تاعى دا جەڭىس تويىن تويلادى. ولار ءوز الاڭىندا شىمكەنتتىڭ «ورداباسى» كومانداسىن 2:0 ەسەبىمەن جەڭىپ, تۋرنير كەستەسىندە ءۇشىنشى ورىنعا شىقتى. بۇل ەكى گول ماتچتىڭ ەكىنشى جانە ءۇشىنشى مينۋتتارىندا سوعىلدى. قازىر تۋرنير كەستەسىندە «وقجەتپەس» 16 ۇپايمەن «استانا» مەن «ەرتىستىڭ» سوڭىنان قۋىپ كەلەدى.
«ەرتىس» (پاۆلودار) – «استانا» (استانا) 2:2 (1:2)
گولدار: ەلدوس احمەتوۆ 2, كارلوس مانۋەل فەرناندەس دا كاسترو فونسەكا 60 – دجوردجە دەسپوتوۆيچ 7, سەرىكجان مۇجىقوۆ 31
«قايرات» (الماتى) – «اقتوبە» (اقتوبە) 3:0 (2:0)
گولدار: جاركو ماركوۆيچ 44, اندرەي ارشاۆين 44, اناتولي تيموششۋك 90+2
«وقجەتپەس» (كوكشەتاۋ) – «وردباسى» (شىمكەنت) 2:0 (0:0)
گولدار: ولەكساندر چيجوۆ 2, جاسۇلان مولداقاراەۆ 3
«توبىل» (قوستاناي) – «جەتىسۋ» (تالدىقورعان) 2:2 (2:0)
گولدار: راۋل دجاليلوۆ 1, 14 – دۋشان ساۆيچ 55, باۋىرجان تۇرىسبەكوۆ 58
«تاراز» (تاراز) – «اتىراۋ» (اتىراۋ) 0:0 (0:0)
«اقجايىق» (ورال) – «شاحتەر» (قاراعاندى) 0:1 (0:1)
گول: اندرەي فينونچەنكو 17
داستان كەنجالين.
دەرەك, فوتو: egemen.kz
