الماتى. 23 ءساۋىر. الەمگە «ورمەكشى ادام» اتىمەن جاقسى تانىس, ەسىمى گيننەستىڭ رەكوردتار كىتابىنا ەنگەن الەن روبەر الماتىداعى ەڭ بيىك Esentai Tower عيماراتىنا ورمەلەپ شىقتى. بۇل تۋرالى egemen.kz ءتىلشىسى حابارلادى.
بيىكتىگى 168 مەتر بولاتىن عيماراتقا الەن روبەر مىڭداعان الماتىلىقتار مەن قالا قوناقتارىنىڭ كوز الدىندا ءبىر ساعاتتا ارا-اراسىندا دەمالىپ, ءتىپتى, كوز ۇشىنداعى كورەرمەندەرمەن سەلفي جاساي وتىرىپ شىقتى. قابىرعاسى شىنىدان قالانعان عيمارتقا 53 جاستاعى فرانتسۋز سپورتشىسى الپينيستىك قۇرالداردى پايدالاندى. وزىنە قانشا سەنىمدى بولسا دا, شوۋدى ۇيىمداستىرۋشىلاردىڭ تالابىمەن الەن بۇل جولى قاۋىپسىزدىك بەلدىگىن پايدالاندى.
«ورمەكشى ادام» الداعى ۋاقىتتا قىتايداعى, ۇلىبريتانياداعى, فرانتسياداعى ەڭ بيىك عيماراتتاردى باعىندىرماق ويدا. بۇعان دەيىن ول دۇنيەجۇزى ەلدەرىندەگى بارلىعى 70-كە جۋىق بيىك عيماراتتى باعىندىرعان. ولاردىڭ ىشىندە IBM باس عيماراتى, Hilton, Framatome, كۋالا-لۋمپۋرداعى پەتروناس مۇناراسى, بارسەلوناداعى توررە اگبار, مəسكەۋدەگى ماسكەۋ مەملەكەتتىك ۋنيۆەرسيتەتى بار. دۋبايداعى 828 مەترلىك «بۋردج حاليفاعا» الەن 6 ساعاتتا شىققان.
الەن روبەر قازىرگى زاماندا الەمگە اسا تانىمال بولعان قىتايدىڭ Huawei اقپاراتتىق-كوممۋنيكاتسيالىق تەحنولوگياعا بەيىمدەلگەن كومپانياسىنىڭ سپورتتىق كيىمىن كيىپ, كومپانيا تۋىن Esentai Tower-ءدىڭ توبەسىنە تىكتى.
تالعات ءسۇيىنباي.
دەرەك: egemen.kz.
سۋرەت: نيكولاي سۋداكوۆ.
