ايەلدەر ميسسياسىنىڭ ماقساتى ايقىن

قۇرمەتتى وتانداستار! ايەل­دەر, انالار, اپكەلەر مەن سىڭلىلەر, قىزدار! قازاقستان رەسپۋبليكاسىنىڭ پرەزيدەنتى ن.ءا.نازارباەۆتىڭ «الەم. ءححى عاسىر» مانيفەسى – بۇل جاي عانا الەمدىك اۋقىمدا­عى جوسپار عانا ەمەس, بۇل جاھان­دىق قاۋىپسىزدىكتى نىعايتۋعا قوسىلعان باعا جەتكىزگىسىز ۇلەس. مانيفەست بۇكىل الەمدەگى ميلليونداعان ادامدى وتكەن عاسىرلارداعى قاسىرەتتى قاتە­لىكتەردى قايتالاۋعا جول بەرمەس ءۇشىن جانە الەمدى سوعىس قاتەرىنەن ماڭگىگە الاستاۋ ءۇشىن كۇش بىرىكتىرۋگە شاقىرادى. بىزدەرگە, قازاقستاننىڭ ايەل­دەرىنە نۇرسۇلتان ءابىش ۇلى مانيفەستە ايتقان يدەيالار ەرەكشە جاقىن جانە قىمبات. ەل پرەزيدەنتى بالالارىمىز بەن نەمەرەلەرىمىزدىڭ بولاشاعى تۋرالى ويلاۋعا شاقىردى. ءبىز وزدەرىمىزدىڭ وي-نيەت­تەرىمىزدى جەردەگى بەيبىتشىلىك پەن ىزگىلىك جولىندا بىرىكتىرۋگە شاقىرۋمەن قايىرىلامىز! جاھاندىق الەمدە ءبىزدىڭ بارلىعىمىز ورتاق ءۇيىمىز – جەر پلانەتاسى, ونىڭ بۇگىنگى تۇراقتىلىعى مەن جارقىن بولاشاعى ءۇشىن جاۋاپتىمىز. وسى ۇيدەگى بەيبىتشىلىك پەن كەلىسىم, ءتارتىپ پەن يگىلىك ءار­قايسىمىزعا, ءبىزدىڭ وي-نيەتىمىزدىڭ قانشالىقتى تازا, ىزگىلىكتى, ءىس-ارەكەتتەرىمىزدىڭ قانشالىقتى لايىقتى ەكەنىنە بايلانىستى. بۇگىندە ءبىزدىڭ ءبارىمىز, جەر پلانەتاسىنىڭ تۇرعىندارى, ءبىر­تۇتاس وتباسى رەتىندە جاڭا ۋاقىت­تا – جاڭا عاسىردا, جاڭا مىڭ­­جىل­دىقتا ءومىر ءسۇرىپ جاتىرمىز. وسى مىڭجىلدىق ءارى قا­راي قاي باعىتتا داميدى؟ بۇل سۇراق بارشا ادامزات بالاسىن تولعاندىرادى. اسىرەسە, ءبىز­دەردى, ايەلدەر قاۋىمىن قاتتى الاڭداتادى. ناق بىزدەر, ايەلدەر تۇراقتى بۇگىنگى كۇن مەن ورنىقتى بولا­شاقتى قامتاماسىز ەتۋدە نەگىزگى كۇش بولىپ تابىلامىز. ناق بىزدەر, ايەلدەر وزدەرىمىزدىڭ قوعامىمىز بەن مەملەكەتىمىزدى وڭىرلىك جانە جاھاندىق بەيبىت­شىلىككە باستاپ اكەلۋگە ءتيىسپىز. بۇگىنگى ءبىزدىڭ باستى قاسيەتتى ميسسيامىز – بالالارىمىز بەن نەمەرەلەرىمىز قۋانىش پەن يگىلىكتە, وزدەرىمەن وزدەرى جانە الەممەن كەلىسىمدە ءومىر سۇرۋلەرى ءۇشىن جاس ۇرپاقتى دۇرىس جولعا سالۋ. ءبىز ءوز بالارىمىزدىڭ بۇگىنى مەن ەرتەڭىن باقىتتى ەتۋگە ءتيىس­پىز جانە سولاي جاساي الامىز! ءبىز قازاقستان رەسپۋبليكاسى پرەزيدەنتىنىڭ بەيبىتشىلىك مانيفەسىن قوس قولداپ قول­دايمىز! زاعيپا باليەۆا, پارلامەنت ءماجىلىسىنىڭ دەپۋتاتى – قازاقستان رەسپۋبليكاسىنداعى بالا قۇقى جونىندەگى ۋاكىلەتتى وكىل